Aheberi 10:34 - Mawu a Mulluku

³⁴ Vawi mwahaamorella ethakaraka ayo yaari mundende nave mwahaakhullella moohakallalla wi ewaakheni eyuumaanyu kaambiiwa munnadduwella wi mookhalla ni eyuuma yawaata ni yoohimalla.

Aheberi 10:34 ပူးပေါင်းရင်းမြစ်များ

1 Petro 1:4

Sika vano ninatiyera waakhella madaliso ayo Mulluku anaasungelleeye athwaaye. Anuusungellani nyuwaano oddullu, wenko khenuunta apaalle woonongeya apaalle omalla.

2 Timoteo 1:16

Apwiya yeerelle echifundo nibanja na Onesifore kaambiiwa aakihakallalliha wiilliwiilli. Nave khaawulliwe muru naari kaariimi mundende.

Yakobo 1:2

Asinnaka ni arokoraka, muhakallalleke mwaaweesiwaka moohiyanahiyana,

Aheberi 13:3

Muwuupuwelleke ayo eri mundende wonanko nyuwaano murittho wenko. Muwuupuwelleke ayo enahoosiwa wonanko nyuwaanottho munahoosiwella nimodda.

Aefeso 6:20

Ekaamba ya othenga yoolla miyaano tti kazembe naari vano kiri mundende. Vekellani wi killoteke moollipa murima dda othenga yoolla wonanko mmo kinaphwanellelleemi.

Luka 12:33

Kullihani ddeko ddanyu ddittheddene nave makobiraayo mwaavahe oohoowa. Mwiiphwanyelle mathumba a eyuuma ayo ehinaahuwa ni wiisungella eyuuma oddullu nko ehinayevawiiwa kaambiiwa allupaawiiya khenaphiyawo naari enjenjete khaddinoononga.

1 Yohane 3:2

Akhwaaka ookondiwa, vano hiyaano tti anamwani a Mulluku koma khenadduwanyeya eyo ninaakhalleehu. Koma ninnadduwella wi Khrisitu ooneya, ninaakhalle oophwanaphwana ni olliye kaambiiwa ninaamoone wonanko mmo ariiye.

Aheberi 11:16

Koma yatiyera ellapo yaphaama oddullu ohiyana ni ellapo yoowaniwa. Ella sika ekaambiiwa Mulluku ahinawulliweeyena muru yaamuromollaka wi Mullukwiiwa. Nave ahaamakella muzinda woohimalla.

1 Timoteo 6:19

Vawi vaweerani ddiidda eneerewiisungella eyuuma eyo enaakhalle matthipello a muhoollo wi epharesese okumi oyo ori okumikumi.

Akolose 1:5

Nndda ddiri ddiidda kaambiiwa munatiyerella ddeko nnddo ddisungiwe oddullu. Vawi mwahiiwa dda nndda mvo yawoona, eyo tti othenga waphaama, wallalleyiwiiwa wa nyuwaano.

Afilipi 1:7

Kinnawuupuwellani enthawi ddittheddene! Nave vano nginalakwiha oganiza mwawi ddiidda dda nyuwaano attheene kaambiiwa nyuwaano munnakeerengella. Vawi nyuwaano mookikaviherana mutteko yoolla Mulluku akivahilleeye mu echisomwaaye, kiriimi mundende ni enthawi kaariimi oottaphulliwa wi koonihe ddawoona dda othenga waphaama ni owuteteza ni owuukeraatthiha moollipa.

Aefeso 4:1

Vano kinimuuvekani nyuwaano, miyaano a mundende kaambiiwa kinaarumeyella Apwiya wi mweeteke moophwanellella wiithaniwa nko Mulluku aawiithannenyuni.

Aefeso 3:1

Ekaamba ya yeella, miyaano Paulo a mundende ekaamba ya Khrisitu Yesu, kinuuvekellelleemini wa Mulluku nyuwaano athu ayo ehiri Ayuda.

Mitteko 21:33

Oolamulellooyo aaya vaari Paulooyo, amuphara nave alamulella wi amakiwe ni onyolo miilli. Nave ahaakoha athu a vamullokonimvo wi, “Muthu yoolla ttaani navettho eerille tini?”

Mitteko 5:41

Amurummwaayo yavenyilliiwa o nthatoni namillatu nko, yaahakallalla wi Mulluku aaweerengella alliwaayo wi tti woophwanella ohoosiwa ekaamba ya nnddina na Yesu.

Luka 10:42

Koma ello emoddave sika enapaalleya. Mariya ootthoolla ello yaphaama, yawi khawattho aakhiwa.”

Mateyu 19:21

Yesu aallota wi, “Wapaalla okhalla aphaama wunchichi, khawe wakullihe ddeko oriiwena nave makobiraayo waavahe athu oohoowa nave oneerothuviwa oddullu. Weera ddiiddo owe okithware.”

2 Timoteo 2:9

Kaambiiwa yoollalleya othenga waphaama kinnahoosiwa navettho omakiwa wonanko muthu oonanara. Koma mawu a Mulluku khenamakiwa,

2 Akorinto 5:1

Vawi ninnadduwella wi musasa olla ninakhalleehumo wakumulliwa, oyo tti mwiillaahu wa va ellapo yavatthimva, Mulluku aneeronivaha enyumba yoohimalla oddullu eyo ayikhozilleye.

Mitteko 28:20

Ekaamba ya yeella koowiithanani wi killote ni nyuwaano vawi kimakiwalle ni onyoloolla ekaamba ya oyo ari etiyerello ya athu a o Israele.”

2 Timoteo 4:8

Vano eyo enakitiyera tti waakhella emphaso ya echilungamo eyo Mulluku akisungenlleeye. Apwiya ayo eri Ooweeruza aphaama sika enaakithuve va nllapo na echiweruzo. Khekivaha miyaanove komattho wa attheene ayo enatiyera mookonda wi Apwiya eneeroowa.

Luka 9:25

Muthu anaapindulevo tini aakhella ellapo yavatthi ettheene atathilla apaalle woononga okumaaye?

Aheberi 9:15

Khrisitu akhwille wi aavulluse ayo yachimwalle mu enthawi ya echipangano yawaambeelle. Vano tti namunkhoswe a echipangano yanaanweene wi ayo yiithaniwe yaakhelle madaliso oohimalla ayo Mulluku alonjezilleeye.

Aheberi 13:14

Valle vatthimva khaninna muzinda woohimalla koma ninnatiyera muzinda woohimalla oyo onawooyo.

Oollalleya 3:6

Vookhalla enthawi yawaashaasha ni enthawi yoohiya waashaasha, enthawi yoosunga ni enthawi yootathilla.