Aheberi 10:1 - Mawu a Mulluku

¹ Malamulo a Mose khehiyo ddeko ddaphaama nnddo ddinawa koma tti muuthuuchive wa ddeko ddaphaama nnddo ddinawa vawi khenawora oweelliha athu o machimwiiwa vooheraatthini mukutho orive muyakha.

Aheberi 10:1 ပူးပေါင်းရင်းမြစ်များ

Aheberi 8:5

Mutteko onaphariwa ni allupa mukuthwaayo tti echisanzo ni echizindikiro ya ddeko ddineereya mu enyumba yooddullu. Nndda ddiri wonanko ddeereyille ni Mose aariiye vakhuviru otthipella musasa, Mulluku aamulleella wi, “Weerethi ddittheddene ollikana ni echisanzo woonihiweewe vamwaangoni valle.”

Aheberi 9:11

Koma Khrisitu awiille wonanko mullupa mukutho muullupalli a ddeko ddaphaama nnddo ddirivo khalle. Aayaattho mu musasa woollapellamo waphaama wunchichi oyo ohimakiwe ni athu nave yooyo khohiyoni wa ellapo yavattheella.

Akolose 2:17

Ddeko ddittheddenenndda tti muuthuuchive wa ddeko ddinawa muhoollo koma ello yawoona tti Khrisitu.

Aheberi 9:23

Ddekonndda tti echisanzo ya ddooddullu nave sika ddinaphwanella ddeellihiwe mwawi ddiidda. Koma ddeko ddooddullu ddineellihiwa mookhwaranya ddenndda.

Aheberi 9:25

Khrisitu khaniiheraatthi mukutho wiilliwiilli wonanko mullupa mukutho muullupalli oyo anavollowa mu nipuro noopatuleya orive muyakha wi aheraatthi nikhame na enama.

Aroma 8:3

Mulluku aheera eyo malamulo a Mose yahiwonriiwa weera kaambiiwa omuthu waalephela. Olliye aahumullulla machimo oomuthwaayo voomurumihani mwanaye, oyo aawiille mwa mwiilli wonanko muthu oochimwa wi amallihe machimo.

Aheberi 7:11

Naari malamulo a Mose ellotaka wi allupa mukutho ekhalleke edduullu dda Levi, allupa mukuthwaalla kheyaawora oweelliha athu. Vano vaapaalleya wi viwe mullupa mukutho wonanko Melkizedeki, oyo ahiri edduullu ya Aroni.

Aheberi 10:22

Vano hankoni nimwaatamelle Mulluku ni mirima ddawoona ni mirima ddoohikayika mwa echikhulupililo. Hankoni nikhalle ni mirima ddeellihiwe voomiddiwani, yawuupusella murima yoohivaanyihiwa ni ddoochimwa nave ni miilli ddoohapihiwa ni maaddi aweella.

Levitiko 9:16

Vano aawaana mukutho wooshellelliha awuheraatthi moollikana ni mutethwiiwa.