Aheberi 1:9 - Mawu a Mulluku

⁹ Munnakonda echilungamo nave munniitana ni ddoonanara. Miyaano Mullukwaanyu kuutthoonlleni ekaamba ya yeella nave kohuuriihani vawuuvahani ehakallallo yuullupalli ohiyana ni eyo kaavahilleemi akhwiinyu.”

Aheberi 1:9 ပူးပေါင်းရင်းမြစ်များ

Masalimo 45:7

Munnakonda echilungamo, munniitana ni ddoonanara. Sika ekaambiiwa Mulluku, Mullukwaanyu, uuzozilleeyeni ni makhura oohakallalliha waakhwaranya akhwiinyu attheene.

Masalimo 23:5

Munnakikhonzera yoocha adanaaka yoonaka, munnakaakhella phaama voozozani murwaaka makhura, munnamuddalliha kapwaaka ophiyera osefukella.

Yesaya 61:3

kaamaallihe ayo eninlla o Ziyoni, wi kiwinnye enduwira yeehakallallo munipuroni mwa ntuura neethakaraka, wi kiwinnye makhura eehakallallo munipuroni mwa winlla, wi kiwinnye yoowara yeehakallallo munipuroni mwa otathilla murima. Sika eneereweeriwa miteekho ddamasiva ddeechilungamo ddawaalliwa ni Apwiya wi mwaneeniiwa yaakhelle ntitimiho.

Agalatiya 5:22

Nave echipaso ya Munepa tti echikondi, ohakallalla, murendelle, ovillella, ethakaraka, oreera murima, okhulupilila,

Aroma 15:13

Mulluku oyo ananivaha otiyera uddalliheni ni oohakallalla ni murendelle kaambiiwa munnamukhulupilila. Sika otiyera wanyu oneerovirellella wunnuwa ni masiva a Munepa Waweella.

Yesaya 61:1

Munepa wa Apwiya Mulluku ari va miyaano ekaamba yawi Apwiya aakizoza. Aakirumiha wi killalleye othenga waphaama wa oohoowa wi kaallipihe ootathilla murima, kallalleye ottaphulliwa wa akaporo, navettho ottaphulliwa wa oomakeya.

Luka 4:18

“Munepa wa Apwiya ari va miyaano, kaambiiwa yaakizoza miyaano wi killalleye othenga waphaama wa oohoowa. Aakirumiha wi killalleye wa oomakiwa wi ettaphulliwe, ni wa athu oohoona wi yoonettho, ni wa athu oohoosiwa wi kaavahe murendelle,

Amosi 5:15

Mwiitaneke ni yoonanara, mukondeke yaphaama, mukeraatthihe echilungamo m'mathatoni. Sika Apwiya Mulluku Amasiva Mattheene ttuuweerellani echifundo nyu oohalla mwiillaponi.

1 Yohane 1:3

Nnddo noonilleehu ni wiiwa ninallalleya wa nyuwaanottho wi mukawane ni hiyaano mu eyaattano niriihuna mwa Attiitthiihu ni mwa Mwanaye Yesu Khrisitu.

1 Petro 1:3

Nimuthokoze Mulluku Attiitthiiwa a Apwiihu Yesu Khrisitu! Ekaamba ya echifundwaaye yuullupalli aanivaha okumi wanaanweene ni otiyerella wookumi voomuvenyihani Yesu Khrisitu wa ookhwa.

Yesaya 61:8

Apwiya enallota wi, “Mi kinnakonda echilungamo, kinniitana ni ddawiiya ni ddoonanara. Athwaaka kineerewaathuva moororomelleya, kineerokeraatthihana echipangano yoohimalla.

Miyambo 8:13

Owoova Apwiya tti wiitana ni ddoonanara. Kinniitana ni okota wiitukhulla, weera ddoonanara ni muwano mookhoromana.

Aheberi 7:26

Vano Yesu sika mullupa mukuthwaahu muullupalli oyo anakwakhwaniha ddoopaalla ddahu. Olliyooyo tti aweella, oohikhalla ni machimo nave aahiyanihiwa ni athu oochimwa nave aawellihiwa oya oddullu.

Afilipi 2:9

Ekaamba ya yeella Mulluku aamutitimiha wunchichi amuvaha nnddina nno ninakhwaranya nirive nnddina.

Aefeso 1:3

Hankoni nimuthokoze Mulluku, Attiitthiiwa a Apwiihu Yesu Khrisitu! Vawi mu eyaattanweehu ni Khrisitu oonidalisa voonivahani ovenyera oddullu erive madaliso a Munepa.

1 Akorinto 1:9

Mulluku tti oororomelleya, oyo aawiithanilleni nyuwaano wi mukhalle mu eyaattano ni mwanaye Yesu Khrisitu, Apwiihu.

Yohane 20:17

Yesu aamulleella wi, “Ohikiphare vawi nginawelle wa Attiitthaaka. Koma vano khawe wa oohudderaaka waalleelle wi kinahokollweella wa Attiitthaaka ni wa Attiitthaanyu, wa Mullukwaaka ni Mullukwaanyu.”

Yohane 1:41

Enthawi yeeyo aaya wa mwanamunne Simoni nave aamulleella wi, “Hi noomphwanya Mesiya.” (Mesiya anattaphullella Khrisitu.)

Masalimo 119:128

Malamulwaanyu mattheene ennookollella meetellwaaka, kinniitana ni erive ettilla yoolleka.

Masalimo 119:104

Kinnaphwanya ezeru ekaamba ya malamulwaanyu sika kinniitana ni erive ettilla yoolleka.

Masalimo 89:20

Koomuphwanya Davide oorumeyellaaka, koomuzoza ni makhuraaka aweella.

Masalimo 33:5

Alliwa ennakonda echilungamo ni echiweruzo yoohiweha ekhove, ellapo yavatthi yooddalla ni echikondiiwa yoohisintheya.

Yawuupullulla 2:15

Amodda a nyuwaano munneera emoddamoddave yeeyo voothwarani ehuddiho ya Anikolai.*

2 Akorinto 11:31

Mulluku, Attiitthiiwa a Apwiya Yesu ennadduwella wi miyaano nginallota ddawoottha. Nnddina naye nidalisiwe enthawi yoohimalla.

Aroma 12:9

Echikondi ehikhalleke yawoottha. Mwiiteke yoonanara nave muhihiyeke yaphaama.

Mitteko 10:38

Munnadduwella dda Yesu a o Nazareti nave wi Mulluku aamuvaha olliye Munepa Waweella owaakattho masiva. Aaya orive weko, weera ddaphaama ni waachiriha attheene ayo yalamuliwa ni masiva a Satana vawi Mulluku aari ni olliye.

Mitteko 4:27

Vawi tti ddawoona wi mwene Herode* ni oolamulella Pontio Pilato yaatthukumana m'muzindani mulle ni athu oohimullapella Mulluku navettho athu a o Israele ollipana ni Yesu, oorumeyellaanyu aweella, oyo mwamuzozilleenyu wi akhalle Mesiya.

Yohane 3:34

Vano oyo arumiwe ni Mulluku anallota mawu a Mulluku kaambiiwa Mulluku annamuvaha munepaaye mookwakhwanella.

Zekariya 8:17

Muhiganizeraneke ddoonanara m'murimani mwanyu mmodda ni mukhwaaye nave muhikondeke ollupella mwawoottha vawi mi Apwiya Amasiva Mattheene kinniitanana ddenndda.”

Masalimo 89:26

Olliye aneerokilleella wi, ‘Nyuwaano tti attiitthaaka, Mullukwaaka.’ Nyuwaano tti nlluku naka, oovullusaaka.

Masalimo 40:8

Weera nnddo munapaalleenyu, nyu Mullukwaaka, onnakiddivella malamulwaanyu eri m'murimani mwaka.

Masalimo 37:28

Apwiya ennakonda echilungamo, kheyaahiya athwiiwa oororomelleya, eneerewaasunga wa enthawi yoohimalla, koma eneerowoonga athu oonanara.

Masalimo 11:5

Apwiya ennaweesa oolungama ni oonanara, enniitana ni oonanara, ooddivelliwa owukila.

Masalimo 2:6

Apwiya enallota wi, “Kaamutthoolla khalle mwenaaka, vamwaangoni waweella wa Ziyoni.”

Masalimo 2:2

Mamweniiwa ennapangana ddakhoto, oolamulelliiwa enniiwanana ddoonanara, ddawaawukila Apwiya ni oozoziwiiwa.*

Aheberi 2:11

Annaweelliha athu o machimwiiwa nave olliye vamodda ni ooweellihiwaayo, Attiitthiiwa tti mmodda. Ella sika ekaambiiwa Yesu ahinawulliweeye muru waaromolla wi tti asinne ni arokoriye.

Masalimo 45:6

Nyu Mulluku, mpandwaanyu woomwene tti wa enthawi yoohimalla, munneeruza moolungama mu omwenaanyu.

Yohane 10:17

“Attiitthaaka ennakikonda kaambiiwa kinnapaalla okhwa wi kaakhellettho okumaaka.

Mitteko 4:26

Mamweniiwa ennapangana ddakhoto, oolamulelliiwa enniiwanana ddoonanara, ddawaawukila Apwiya ni Mesiyaaye.’*

Aheberi 2:9

Koma ninnamoona Yesooyo va enthawi yooyeva avevulliwe, akhwaranyiwe ni angelo wi mwa echisomo ya Mulluku aakhwa munipuroni mwa athu attheene. Nave ekaamba ya okhwa oonilleeye, aavahiwa oriiheya ni olemu woomwene.

Numeri 7:43

Avelleellille embale emodda ya siliva yoollemella nikilogaramu nimodda ni hafu, mwanambale emodda ya siliva yoollemella magaramu 800 moollikana ni yoolingella yoopatuleya. Piillinndda ddaari ddooddalla ni othu waphaama woottakanyihera ni makhura, mukutho wa othu.