Aheberi 1:6 - Mawu a Mulluku

⁶ Nave mvo Mulluku aariiye vakhuviru omukusa Mwanaye Awaamba ovollowana mu a ellapo yavatthi, aallota wi, “Angelwaaka attheene emullapelleke olliye.”

Aheberi 1:6 ပူးပေါင်းရင်းမြစ်များ

Akolose 1:18

Olliye tti muru wa mpingo oyo ori mwiillaaye. Olliye tti maambeellello a erive ello, awaamba a oovenya wa ookhwa wi akhalle muullupalli mu ddeko ddittheddene.

Deuteronomo 32:43

“Ariiheni athu a Apwiya, nyu mitundu dda athu. Apwiya ennaallaka attheene oowiipha athwiiwa, ennaahokollosella adaniiwa, ennavenyiha nichimo mwiillaponi mwa athwiiwa.”

Masalimo 97:7

Attheene oollapella milluku ddawoottha, awiitikhulla ni mafano oohikhalla ni mutteko, ennawullihiwa muru. Nyu milluku ddittheddene, akokhorelleni Apwiya.

Akolose 1:15

Khrisitu tti yoophwanaphwanihella yawooneya ya Mulluku oohooneya. Olliye tti Mwaana aamullopwana awaamba, muullupalli a ddoophatusiwa ddittheddene.

1 Petro 3:22

Olliye aarowa oddullu nave akhalla o nnattanatta na Mulluku, olamulella angelo ni masiva amodda mattheene ooddullu.

Yohane 1:14

Mawu yaalla yaakhalla muthu, ooddalla ni echisomo ni yawoona, ekhalla variyari vahu. Nahoona ntitimiho naye, ntitimiho nno aakhenlleeye wa Attiitthinnya vookhallani mwaniwa mmoddave.

Yawuupullulla 1:5

ddoovenyerattho wa Yesu Khrisitu, mboni oororomelleya oyo aari awaamba ovenyihiwa wa ookhwa nave oyottho ari oolamulella a mamwene a va ellapo yavatthi. Olliyooyo annanikonda hiyaano nave ni mukutho wa okhwa waye aanittaphulla hiyaano ovenyera o machimwaahu.

Aroma 8:29

Athu ayo Mulluku aatthoonlleeye khalle, aaweera wi ekhalle wonanko Mwanaye wi Mwaanooyo akhalle awaamba mu nibanja nuullupalli.

1 Yohane 4:9

Nave Mulluku ahooniha echikondaaye va hiyaano voomurumihani Mwanaye mmoddave yooyo mu ellapo yavatthi wi nikhalle ni okumi oweella mwa olliyooyo.

Yohane 1:18

Khaavo muthu amoonille Mulluku koma mwaana mmoddave oyo arittho Mulluku nave oyo ari a vamurimani vaye sika amuupullullalle.

Aheberi 10:5

Khrisitu awiilleeye va ellapo yavatthi aallota wa Mulluku wi, “Nyu khamunapaalla mukutho ni emphaso, koma mwaakivaha miyaano mwiilli.

Yohane 3:16

Vawi Mulluku aakonda ellapo yavatthi wunchichi, sika aavaha Mwanaye mmoddave yooyo wi arive muthu anakhulupilila mwa olliyooyo ahikhwe koma akhallena okumi woohimalla.

Aheberi 1:5

Vawi Mulluku khaallotille naari wa mmodda a angelwaaye wi, “We tti Mwanaka, ollello kohuuyara weyaano.” Naari Mulluku khaallotille wa mungelo wi, “Kineerokhalla Attiitthinnya, nave olliye aneerokhalla Mwanaka.”

Mateyu 24:14

Vano othenga waphaamoolla wa omwene wa Mulluku oneerollalleyiwa va ellapo ettheene yavatthimva wi ekhalle omboni wa athu attheene; nave vaavo eneerophiya mamallihello.