Aheberi 1:1 - Mawu a Mulluku

¹ Khalle, Mulluku aallota wa makhollwaahu enthawi ddoohiyanahiyana nave moohiyanahiyana oweella mwa anamallotella.

Aheberi 1:1 ပူးပေါင်းရင်းမြစ်များ

Yowele 2:28

“Vatulli viwa kineerohella munepaaka va athu attheene, aniinyu aallopwana ni aatthiyana eneerollotella, athu awuulluvalla eneerolloha, asombwe eneerewoona masomphenya.

Luka 24:27

Nave Yesu ahaatthopoollella dda ddittheddene ddalembiwe mu mawu a Mulluku ddayeekha, waamba malamulo a Mose ophiyera ddoolembiwa dda anamallotella attheene.

Mitteko 2:30

Vallethi aarittho namallotella nave aadduwella wi, Mulluku aallupella wi mmodda a edduullu ddaye aneeroowa avollowe omwenaaye.

Luka 1:55

Sika ohuupuwella omweerella echifundo Abrahamu ni edduullu ddaye mallapo mattheene.”

Mitteko 13:32

Nave noollalleya othenga waphaama wa nyuwaano, oyo Mulluku alonjezilleeye khalle wa makhollwaahu wi aneereweera.

Genesis 3:15

“Kineeroweeriha weyaano ni mutthiyana wi mwiitane nave vineerokhalla wiitana wunchichi variyari va edduullu ddawo ni edduullu dda mutthiyanooyo. Edduullu ddaye ddineeronyenya murwaawo nave weyaano eneerolluma etotopwa ya edduullu ddaye.”

Aheberi 2:2

Mawu yalleelliwe makhollwaahu ni angelo yahoonihiwa wi yaari awoona kaambiiwa athu ayo yahithwanre apaalle wiiwellella yaallakiwa moollikana ni mitteko ddiwa.

Luka 1:72

Aaweerella echifundo makhollwaahu nave ahuupuwella echipanganwaaye yaweella.

Mitteko 28:23

Vano yahiiwanana nllapo nawi ekumane ni Paulooyo nave mulloko muullupalli wa athu waawa nllapo nenno ochipindani wakhalla Paulonko. Waambeella ohinase ophiyera mahiiyu ahaatthopoollella ni weerella omboni dda omwene wa Mulluku. Ahaalleella dda Yesu vawaaromollellani dda malamulo a Mose ni ehuddiho ya anamallotella nngu aapaallaka wi aakope.

Yohane 9:29

Ninnadduwella wi Mulluku aallota ni Mose koma dda muthu yoolla khannadduwella anavenyereeye.”

Yohane 7:22

Mose ahuulamulani wi mwaaphaddeke aniinyu aallopwana. Naari khe Mose koma makhollwaanyu sika yaambille. Vano munnaaphaddattho aniinyu aallopwana nllapo na Sabata.

Luka 24:44

Vano aallota wi, “Ddeko ddenndda kaallota khalle kaariimi ni nyuwaano wi ddittheddene ddalembiwe dda miyaano mu malamulo a Mose ni ehuddiho ya anamallotella ni Nibukhu na Masalimo, ddinaphwanella wi ddikwakhwanihiwe.”

Genesis 6:3

Sika Apwiya yaallota wi, “Ngiwa kaakhullella wi muthu akhalleke ni okumi woohimalla vawi tti mwiilli wookhwa. Waambeella ollello okumaaye onaakomelleke miyakha 120.”

Yohane 16:13

Koma Munepa oodduwelliha yawoona aphiya, aneerewuudduwellihani ddawoona ddittheddene. Vawi khallotaka mwa olamulello wa yeekhaaye koma anaalloteke nnddo aniiwekeeye nave aneerekewuulleellani dda ddeko ddamuhoollo.

Mitteko 3:21

Anaphwanella wi akhalle oddullu ophiyera ekwakhwanihiwe enthawi yoopotokosa ddeko ddittheddene wi ddikhalle ddanaanweene moollikana ni ddallotille Mulluku oweella mwa anamallotella aweella murima ayo yaariwo mallapo akhalle.

Aheberi 2:3

Vano, ninaavulluwe mwawiidde navevulla yoovullusa yuullupalleella? Apwiya mwaneena sika yaambille ollalleya yoovullusa yeella nave ayo yawiiwalle yaanilleella wi tti ddawoona.

Aheberi 3:5

Mose aari oororomelleya va muttekwaaye mu enyumba ettheene ya Mulluku wonanko oorumeyella nave allotille dda ddeko nnddo Mulluku aneereeye allote muhoollo.

Aheberi 4:8

Yoswa aweerihalleke athwaayo wi yiithuuwe wonanko mmo Mulluku allotelleeye khalle, Mullukooyo khaallotettho vatulli viwa dda nllapo nimodda nawiithuuwa.

Aheberi 5:5

Emoddamoddave yeeyo Khrisitu khaawiivahille olemu yeekhaaye wi akhalle mullupa mukutho muullupalli. Koma Mulluku sika allotille wa olliye wi, “We tti Mwanaka. Ollello kohuuyara weyaano.”

Aheberi 9:19

Mose ahaalleella athu ddittheddene nnddo malamulo yallotiiwa wi yeereke. Vano aaphariha mutteko mapururu oofiira oomakellelliwa o ekopo ya hisope* wi aamidde athwaalle owaaka nibukhu na malamulonne nikhame na eng'ombe ni na epuri owaaka maaddi.

Aheberi 11:2

Tti echikhulupililo yeella yaweerihalle makhollwaahu wi Mulluku ahakallallekena.

Aheberi 11:18

Dda mwaanoolla Mulluku aallota wi, “Oweella mwa Isaki oneerokhalla ni edduullu.”

Aheberi 12:25

Chenjerani vano wi muhikhoote omwiiwellella oyo anallota ni nyuwaano. Athu ayo yakhootille omwiiwellellaalle oyo aachenjezilleeye vatthi vaava kheyaavulluwalle. Hiyaano ninaavulluwe mwawiidde nakhoota omwiiwellella oyo anallota ovenyera oddullu.