Afilipi 4:7 - Mawu a Mulluku

⁷ Vano murendelle wa Mulluku, wookhwaranya mmo athu eniiweseselliiwa, oneereweeriha mirima ddanyu ni maganizwaanyu ohikhupanya ekaamba ya Khrisitu Yesu.

Afilipi 4:7 ပူးပေါင်းရင်းမြစ်များ

Yohane 14:27

“Kinuuhiyerani nyuwaano murendelle; murendellaaka kinuuvaheemini. Nginuuvahani nyuwaano wonanko mmo ellapo yavatthi enavahelliiwa. Sika muhikhupanyeke navettho muhooveke.

Yesaya 26:3

Nyu Apwiya, munnavaha murendelle wawoona wa ookeraattheya murima ni awuuroromellani.

2 Atesalonika 3:16

Ninaaveka Apwiya amurendelle yuuvaheni murendellooyo enthawi ddittheddene ni mutthemwene. Apwiya ekhalle ni nyuwaano attheene.

Akolose 3:15

Murendelle oyo Khrisitu anavaheeye wuuhoollellekeni m'murimani mwanyu vawi Mulluku awiithanani wi mukhalle nimodda mu murendelle yoolla vawi muri mwiilli mmodda. Nave muthokozeke.

Masalimo 29:11

Apwiya ennaavaha masiva athwiiwa, ennaadalisa ni murendelle.

Agalatiya 5:22

Nave echipaso ya Munepa tti echikondi, ohakallalla, murendelle, ovillella, ethakaraka, oreera murima, okhulupilila,

Aroma 15:13

Mulluku oyo ananivaha otiyera uddalliheni ni oohakallalla ni murendelle kaambiiwa munnamukhulupilila. Sika otiyera wanyu oneerovirellella wunnuwa ni masiva a Munepa Waweella.

Yohane 16:33

Kohuulleellani ddenndda wi mukhalle ni murendelle ekaamba ya miyaano. Ellapo yavatthi eneerewuuhoosani koma llipani murima vawi miyaano koogonjiha ellapo yavatthi.

Aroma 8:6

Weetihiwa ni omuthu omallihella wene tti okhwa koma weetihiwa ni Munepa omallihella wene tti okumi ni murendelle.

Aroma 5:1

Vawi vano Mulluku aanilungamiha kaambiiwa ninnamukhulupilila, nookhalla vamurendelleni ni Mulluku oweella mwa Apwiihu Yesu Khrisitu.

Aefeso 3:19

Ddawoona, kinavekella wi mudduwelle echikondi ya Khrisitu naari khonaworeya odduwellesesa wi muddalliwe ni okumi muttheene wa Mulluku.

Yesaya 48:18

Wiiwellenlleke malamulwaaka, murendellaawo weerokhalla wonanko muhinje, echilungamo wonanko ephevo ya va enyanja.

Yobu 22:21

We Yobu, attanattho ni Mulluku wi okhalle mwamurendelle. Weera ddiiddo ddineeroweetella phaama.

Aroma 14:17

Vawi omwene wa Mulluku kohiyo wa dda yoocha ni yoowirya koma tti wa dda echilungamo, murendelle ni ohakallalla ddoovenyera wa Munepa Waweella

Yesaya 48:22

“Khaviri murendelle wa oochimwa,” Apwiya sika enallota.

Yawuupullulla 1:4

Ovenyera wa Yohane oya wa mipingo mitthanu ni miilli dda mu echigawo ya Asiya.* Echisomo ni murendelle ddikhalle ni nyuwaano ddoovenyera wa Mulluku oyo arivo ollello, aarivo khalle ni oyo anaawe muhoollo navettho ddoovenyera wa minepa mitthanu ni miilli ddookhalla vahoollo vampandoni woomwenaaye,

Luka 1:79

Nave oneerewooneya wa ayo eri mwiipiphini ni m'muuthuuchini wa okhwa, wi onihoollelle mu ettilla ya murendelle.”

2 Akorinto 13:11

Asinnaka ni arokoraka, hallani phaama! Mullipihelleke okhalla aphaama wunchichi, mwiiwellelleke nnddo kinuuvekeemini, mwiiwananeke mmodda ni mukhwaaye, mukhalleke m'murendelleni. Vano Mulluku a echikondi ni murendelle aneerokhalla ni nyuwaano.

Numeri 6:26

“Apwiya ewooneni nave yuuvaheni murendelle.”

Luka 2:14

“Ntitimiho nikhalle wa Mulluku Muullupalli, nave murendelle okhalle va athu ayo anahakallalleeyena vatthimva!”

Masalimo 85:8

Kiiwe nnddo Apwiya Mulluku enaallotiiwa vawi eneerollota dda murendelle wa athwiiwa, wa athwiiwa aweella murima yaahihokollweella o ddookarangeya ddiwa.

Afilipi 4:9

Mweereke nnddo mwahuddenreenyu ni waakhella ovenyera mu mawaaka ni m'makhallellwaaka. Nave Mulluku oyo ananivaha murendelle akhalle ni nyuwaano.

Miyambo 6:22

Waaweetaka eneerekewuuhoollella, waakonaka eneerekewuuwehera nave waavenyaka eneerekewuullotiha.

Yesaya 26:12

Nyu Apwiya, munnanivaha murendelle, ddittheddene nineereehu ddinavenyera wa nyuwaano.

Miyambo 4:6

Ohinahiya ezeru vawi eneerewuusunga, oyikondeke nave eneerewuuteteza.

Aroma 1:7

Nave vano kinalembella wa nyuwaano attheene mu Roma, ayo Mulluku anaakondeeye nave aawiithana wi ekhalle athwaaye. Echisomo ni murendelle dda Mulluku Attiitthiihu ni Apwiya Yesu Khrisitu ddikhalle ni nyuwaano.

Miyambo 2:11

Oganiza phaama oneerewuuvittha nave wiiwesesa oneerewuuteteza.

Nehemiya 8:10

Sika aallota wi, “Khaweni mwache machellello ni omuwirya vinyo ooddiva. Mukawanena athu ayo ehinna ddookwakhwanella vawi ollello tti nllapo naweella wa Apwiya Mullukwaahu. Vano muhimoriwe ethakaraka vawi ehakallallo ya Apwiya sika masivaanyu.”

Yeremiya 33:6

Koma muhoollo, muzindoolla kineerowuvaha okumi nave athwiiwa kineerewaachiriha ni waavaha ddaphaama ddawaata ni murendelle wawoona.

Yesaya 45:7

Kinnaphatusa owala ni epiphi, kinnawiiha madaliso ni otulli. Mi Apwiya kinneera ddittheddenenndda.

Aheberi 13:20

Mulluku oovaha murendelle, ahaavenyiha Apwiihu Yesu wa ookhwa. Vano Yesu tti mbusa muullupalli a enkhosa, oyo eerille echipangano yanaanweene yoohimalla oweella mu nikhame naye.

Yobu 34:29

Mulluku eera tuu, ttaani anaamuhumullulle? Iipitthiha ekhovaaye, ttaani anaamoone? Komave olliye sika annaawehesesa athu apaalle mitundu dda athu

Yawuupullulla 2:17

“Ngiiwani vano mwaarina maaru awiiwana ddinallota Munepa Waweella wa mipingo! “Wa ayo enaapambane kineerewaavaha mana mmodda oovittheya. Kineerowaavahattho nlluku naweella noolembiwa nnddina nanaanweene noohidduwelliwa ni muthu mmodda koma yooyove aakhenllooyo.

Yuda 1:1

Ovenyera wa miyaano Yuda, oorumeyella a Yesu Khrisitu ni mwanamunne a Yakobo. Kinuulembellani nyuwaano mwiithaniwe nave munakondiwa ni Mulluku Attiitthaanyu ni oteteziwa ni Yesu Khrisitu.

Afilipi 1:2

Echisomo ni murendelle ddoovenyera wa Mulluku Attiitthiihu ni Apwiya Yesu Khrisitu ddikhalle ni nyuwaano.

Yeremiya 32:16

Kimwinnyalle Baruki mwaana a Neriya, makalataalle, kahaamba ovekella wa Apwiya wi,

2 Akorinto 10:5

ni erive ello yoolepheliha athu odduwella dda Mulluku. Ninnaaphara erive maganizo wonanko kaporo wi emwiiwellelleke Khrisitu.

Afilipi 1:1

Ovenyera wa hiyaano Paulo ni Timoteo, oorumeyella a Khrisitu Yesu. Ninaalembella athu attheene a Mulluku a o Filipi ayo eri mu eyaattano ni Khrisitu Yesu, vamodda ni oohoollella ni owaakaviheriiwa mumpingoni.

Afilipi 4:19

Oyeella mwa Khrisitu Yesu Mullukwaaka aneerewuuvahani ddoopaalla ddanyu ddittheddene ovenyera mu eyuumaaye yawaata.

Afilipi 4:21

Kinavelleella mooni wa arive muthu a Mulluku oyo ari mu eyaattano ni Khrisitu Yesu. Asinnaka ni arokoraka ayo eri ni miyaano wuno ennuuvahani mooni.