Afilipi 4:18 - Mawu a Mulluku

¹⁸ Kookhalla ni erive ello navettho ddawaata. Kookhalla ni ddittheddene kinapaalleemi vawi Epafrodito aawaana wa miyaano emphaso ddanyu ddittheddene. Ddiri wonanko yoovelleelliwa ya nthuko naphaama, yawaakhullelliwa ni yoomuddivella Mulluku.

Afilipi 4:18 ပူးပေါင်းရင်းမြစ်များ

Aheberi 13:16

Muhinatiwalla weera dda echifundo ni okawana nnddo muriinyuna vawi mikutho ddenndda ddinnamuhakallalliha Mulluku.

Afilipi 4:12

Kinnadduwella okhalla oohoowa navettho okhalla ni ddawaata. Koohuddera yoovittheya yeella wi virive veko, enthawi ettheene kikhalleke ookwakhwanihiwa naari kivonille apaalle kivolliwe ettalla naari kirina ddawaata apaalle ddooyeva.

2 Akorinto 9:12

Vawi mutteko waphaama yoolla munaphareenyu khonakwakhwaniha ddoopaallave dda athu a Mulluku komattho onnaweeriha athu omuthokoza Mulluku wunchichi.

Aefeso 5:2

Sika okumaanyu olamulliweke ni echikondi, wonanko mmo Khrisitu ananikondelleeye nave aaheraatthi okumaaye ekaamba ya hiyaano wonanko ya nthuko naphaama yooheraatthiwa ni mukutho woomuhakallalliha Mulluku.

1 Petro 2:5

Waani wonanko malluku ookumi wi nyuwaano mupharihiwe mutteko voomakani enyumba ya Munepa, nko munaarumeyelleke wonanko allupa mukutho aweella oheraatthi wa Mulluku mukutho wa Munepa ni wawaakhelliwa oweella mwa Yesu Khrisitu.

2 Atesalonika 1:3

Asinnihu ni arokorihu, ninaphwanella wi nimuthokozeke Mulluku ekaamba ya nyuwaano enthawi ddittheddene. Tti woopaalleya weera ddiiddo kaambiiwa echikhulupilwaanyu ennunnuwannuwa navettho okondana wanyu onnaata.

Aroma 12:1

Sika asinnaka ni arokoraka, kinimuuvekani ekaamba ya echifundo ya Mulluku wi mwiiheraatthi nyookhaanyu wi mukhalle mukutho wookumi, waweella ni wawaakhelliwa wa Mulluku. Ella sika ettilla yaphaama yoomullapellella.

Eksodo 29:18

Nave oshellellihe enkhosa ettheeneeyo va nikuwamvo. Yooyo onaakhalle mukutho wooshellelliha woovelleella wa Apwiya, mukutho wa nthuko nawaaddivella, wawoosiwa viikho.

Numeri 15:3

mwavelleelleke wa Apwiya mukutho wa eng'ombe, enkhosa apaalle epuri, wawoosiwa viikho apaalle wooshellelliha apaalle woollupella apaalle wa opaalla wanyu va enthawi ya ehakallallo ddootthoolliwa wi ddikhalle mukutho wa nthuko nawaaddivella Apwiya.

Mitteko 10:4

Olliye aamuweha mungeloolle oovaka akoha wi, “Apwiya, tti waphaama?” Mungeloolle ahaakhulla wi, “Mavekellwaawo navettho waakavihera wawo oohoowa ddohaakhullelliwa ni Mulluku wonanko mukutho.

2 Akorinto 11:8

Kaphareemi mutteko variyari vanyu, kaallivelliwa ni mipingo ddimodda. Wonngu waari wonanko waakha wi kuurumeyelleni.

Numeri 7:62

Aavelleellattho muchecho mmodda wa golide woollemella magaramu 110, wooddalla ni lubani.