Afilipi 4:15 - Mawu a Mulluku

¹⁵ Nyuwaano Afilipi munnadduwella phaama ddene wi kavenyilleemi o Masedoniya ni waamba ollalleya othenga waphaama, nyuwaanove sika mwaari mpingo mmoddave oyo wakikavihenre miyaano mu ddoopaalla ddaka.

Afilipi 4:15 ပူးပေါင်းရင်းမြစ်များ

Afilipi 1:5

ekaamba ya mmo mukikaviherelleenyu ovuwiha othenga waphaama ovenyera nllapo mwaambilleenyu okhulupilila ophiyera ollello.

Mitteko 16:40

Paulo ni Sila yaakhumamo mundendemmo eya o enyumba ya Lidiya. Wenko yaakumanawo ni ookhulupilila akhwiiwa nave yahaallipiha murima nave yaatimulla.

2 Mamwene 5:20

Koma Naamani eetille vang'ono, Gehazi oorumeyella a Elisha namallotella a Mulluku, aallota ni murima wi, “Apwiyaakaalla yoomuhiyerera Naamani Musiriya, voohaakhellani nnddo awiilleeyena wi avelleelle. Ngoonani, kinimallupella vamiitthoni va Mulluku, miyaano kineeromuthamakella wi kaakhellewo ello.”

2 Mamwene 5:16

Koma Elisha aallota wi, “Kinimallupella vamiitthoni va Mulluku Ookumi oyo kinamurumeyelleemi, mi ngaakhella ddenndda.” Naamani aamuwatihera Elisha wi aakhelle emphasweeyo koma olliye aakhoota.

Aroma 15:26

Vawi athu a mipingo dda o Masedoniya ni dda o Akaiya yaaganiza moohiwatiheriwa wi evelleelle nikavihero wa athu a Mulluku oohoowa o Yerusalemu.

Afilipi 1:7

Kinnawuupuwellani enthawi ddittheddene! Nave vano nginalakwiha oganiza mwawi ddiidda dda nyuwaano attheene kaambiiwa nyuwaano munnakeerengella. Vawi nyuwaano mookikaviherana mutteko yoolla Mulluku akivahilleeye mu echisomwaaye, kiriimi mundende ni enthawi kaariimi oottaphulliwa wi koonihe ddawoona dda othenga waphaama ni owuteteza ni owuukeraatthiha moollipa.

Afilipi 1:12

Asinnaka ni arokoraka, kinapaalla mudduwelle wi ddeko ddeereye wa miyaano ddookavihera ovuwiha othenga waphaama.

Afilipi 1:16

nave enneera ddiidda ovenyera mu echikondi kaambiiwa ennadduwella wi Mulluku aakitthoolla oteteza othenga waphaama.

Afilipi 2:12

Sika vano, akhwaaka ookondiwa vawi mwaakiiwellella enthawi ettheene kaariimi ni nyuwaano, tti woopaalleya wunchichi wi mukiiwellelleke vano kiriimi woorekama ni nyuwaano. Virellellani ophara mutteko mwawoova ni mootthukumella wi mwakuthulle ovullusiwa wanyu,