Afilipi 3:8 - Mawu a Mulluku

⁸ Ddawoona, kinaddeesa ddittheddene ddoohipinduliha kaambiiwa omudduwella Khrisitu Yesu Apwiyaaka tti woopaalleya wunchichi okhwaranya ddittheddene. Kootathilla ddeko ddittheddene ekaamba ya olliye nave kinaddeesa ddittheddene ddooddallani wi kimupindule Khrisitu

Afilipi 3:8 ပူးပေါင်းရင်းမြစ်များ

Aroma 8:18

Kinnasimikiza wi ddoohoosa dda mallapo yaalla khaddinaphwanaphwana ni ntitimiho ninawanno nno ninawuupullulliwe wa hiyaano.

Mitteko 20:24

Koma nginapwatha dda eyo enaakeereyelle. Emoddave eyo kinapaalleemi tti yawi kimallihe muttekwaaka ni orumeyella kavahiweemi ni Apwiya Yesu wi keere, ollalleya othenga waphaama wa echisomo ya Mulluku.

Afilipi 3:7

Nave ddeko ddittheddene nnddo kaddeeseemi ddoopinduliha, vano kinaddeesa ddoohipinduliha ekaamba ya Khrisitu.

Yohane 17:3

Nave okumi woohimalla onattaphullella wi athu yuudduwellekeni nyuwaano, Mulluku awoona nave ni miyaano Yesu Khrisitu, oyo mwakirumalleenyu.

Afilipi 3:10

Kinapaalleemi tti yawi kimudduwelle Khrisitu nave masiva a ovenya waye wa ookhwa navettho kikhallena mu ddoohoosa ddaye nave kikhalle wonanko olliye mu okhwa waye,

2 Petro 1:3

Masiva a Mulluku aanivaha hiyaano erive ello ninapaalleehu wi nikhalleke ni makhallello ookhulupilila oweella mu omudduwella oyo aaniithanille wi nikawanena mu ntitimiho naye nave mu ddaphaama ddaye.

1 Akorinto 2:2

Vawi kaariimi ni nyuwaano, kaaganiza otiwalla erive ello opatula Yesu Khrisituve oyo atthomeyiwe vamutandani.

1 Yohane 5:20

Ninnadduwella wi Mwaana a Mulluku oowa nave oonivaha wiiwesesa wi nimudduwelle Mulluku awoona. Ninakhalla mu eyaattano ni Mulluku awoona vawi niri mu eyaattano ni Mwanaye Yesu Khrisitu. Olla sika Mulluku awoona nave olla sika okumi woohimalla.

Yohane 17:8

Vawi kahaavaha mawu yaayo mwakivahilleenyu nave yaawaakhella. Nave ennadduwella wi tti ddawoona wi kaavenyennre wa nyuwaano nave ennakhulupilila wi mwaakiruma miyaano.

Yohane 14:20

Nllapo nenno muneerodduwella wi miyaano kiri mwa Attiitthaaka nave nyuwaano muri mwa miyaano nave miyaano kiri mwa nyuwaano.

Aheberi 3:14

Vawi attheenehi tti akhwaaye a Khrisitu okusella naphara moohitikheya echikhulupilwaahu naariihuna vawaamba valle ophiyera omamallihello.

2 Akorinto 4:6

Mulluku aallotille wi, “Owala omolleelle ovenyera mwiipiphini.” Tti Mulluku mmoddamoddave yooyo enre owala waye wi omolleelle m'mirimani mwahu wi onivahe odduwella dda ntitimiho na Mulluku noomolleella va ekhove ya Khrisitu.

Yohane 14:7

Vawi mookidduwella miyaano muneerewaadduwellattho Attiitthaaka nave waambeella ollello munnaadduwella nave moowoona.”

Yesaya 53:11

Wamalla ohoowa wayenko, aneerokwakhwanihiwa ni mphurwaaye. Mweezeru, oorumeyellaaka oolungama aneerewiireya machimo a athu attheene wi anchichi eneerolungamihiwa.

Aefeso 4:13

ophiyera attheene nineerewaattanihiwa vamodda mu echikhulupilwaahu ni mu omudduwella wahu Mwaana a Mulluku. Vano nineerokhalla athu oowaraalla ni ophiyera va wunnuwa ottheene wa Khrisitu.

2 Petro 3:18

Koma muvirellelle wunnuwa mu echisomo ni odduwella dda Apwiya ni Oovullusa Yesu Khrisitu. Ntitimiho nikhalle ni olliye, Ollello ni enthawi yoohimalla! Amen.

1 Yohane 1:3

Nnddo noonilleehu ni wiiwa ninallalleya wa nyuwaanottho wi mukawane ni hiyaano mu eyaattano niriihuna mwa Attiitthiihu ni mwa Mwanaye Yesu Khrisitu.

2 Timoteo 4:6

Vawi enthawi ya okhwa waka yohaatamella nave nikhame naka niheraatthiwe wonanko mukutho.

Yohane 20:28

Tomasi ahaakhulla wi, “Apwiyaaka ni Mullukwaaka!”

Yohane 16:3

Athu eneereweera ddeko ddenndda kaambiiwa khanaadduwella Attiitthaaka naari miyaano.

Masalimo 126:6

Muthu oyo anaya woomidda mmiddo inllaka, aneerohokollweella owaniwa akhuwaka moohakallalla, atukhullalle mitolo ddaye ddinchichi.

1 Yohane 2:19

Athu yaalla yavenyenre mwa hiyaano koma yaathawamo nave ella sika ekaambiiwa yavenyilliiwa variyari vahu; yaakhanlleke a eyaattanwaahu, yeerokhalla ni hiyaano. Nave yaavenyavo wi vidduwanyeye wi attheenaayo kheyaari a hiyaano.

1 Petro 2:7

Nlluku nenna tti noopaalleya wunchichi wa nyuwaano ookhulupilila koma wa nyuwaano oohikhulupilila, “Nlluku nno nakhootiwe ni oomaka enyumba nenna naakhalla nlluku noopaalleya.”

Agalatiya 1:16

aamuupullulla mwanaye wa miyaano wi kaallalleyelle athu ayo ehiri Ayuda othenga waphaama wa olliye. Nave ngaayiille wa arive muthu wi akilleelle ezeru.

2 Akorinto 4:4

Khenakhulupilila kaambiiwa mulluku oonanara a ellapo yavattheella oheeriha mirima ddiwa wi ddihooneke. Sika khenawora woona omolleella wa othenga waphaama wa ntitimiho na Khrisitu oyo anaphwanaphwana ni Mulluku.

1 Akorinto 9:10

Alloteeye ddenndde khaaka dda hiyaano? Ddawoona ddennddo ddaalembelliwe hiyaano. Oyo anallima ni oyo anahata enaphwanella ophara muttekwiiwa mootiyera okawanana ddoohatannddo.

Yohane 20:13

Yaamukoha wi, “Moowe Muninllella tini?” Ahaakhulla wi, “Ahaavenyihamo Apwiyaaka nave nginadduwella nko yaavitthalliiwa!”

Luka 11:20

Koma kaakhumihaka minepa ddoonanara ni masiva a Mulluku ddinnooniha wi omwene wa Mulluku woowa khalle wa nyuwaano.

Numeri 14:30

khaavo naari mmodda oyo anaavollowe mu ellapo eyo kallupenlleemi wi muneerovollowamo omupatula Kalebe mwaana a Yefune ni Yoswa mwaana a Nuni.

Luka 1:43

Miyaano kiri aani wi ameewa a Apwiyaaka ekeetella?

Malaki 2:3

Ngoonani, kineerollaka edduullu ddanyu nave kineerewuumarani owiitthoni mashi a eziweto dda mikutho dda ehakallallo ddanyu nave muneerowollelliwa nimodda.

Yobu 20:7

aneeronaanella wonanko eneerella manyowa. Ayo yamoona eneerekokoha wi, ‘Ethiyo nesoolle ari wuuwi?’

2 Mamwene 9:37

Sika mutembwaaye onaakhalle wonanko mashi eeng'ombe m'matani mu Yezireele vawi khawa akhallavo oollota wi, ‘Olla tti Yezebele.’ ”

1 Mamwene 14:10

Sika kineeromorihella otulli va nibanja nawo we Yerobowamu nave kineerewiipha edduullu ddawo ddeellopwana, kaporo ni oottaphulliweene mu Israele. Kineerotthollosa nibanja nawo nittheene wonanko mmo muthu anaashellelliheeye mashi eeziweto.

Masalimo 73:25

Ethiyo kiri ni aani oddullu mwaahikhalla nyuwaano? Vatthimva kheviri erive ello eyo kinayipaalleemi koma nyeeneve.

Aroma 8:39

naari ddooddullu apaalle dda vatthi. Kheyiivo mu ddoophatusiwa ddittheddene enaawore onimwallaniha hiyaano ni echikondi ya Mulluku yawiille wa hiyaano oweella mwa Khrisitu Yesu Apwiihu.

Afilipi 1:1

Ovenyera wa hiyaano Paulo ni Timoteo, oorumeyella a Khrisitu Yesu. Ninaalembella athu attheene a Mulluku a o Filipi ayo eri mu eyaattano ni Khrisitu Yesu, vamodda ni oohoollella ni owaakaviheriiwa mumpingoni.

Afilipi 3:12

Nginaaka wi kohaakhella yeella khalle apaalle miyaano kookhalla khalle aphaama. Koma kinimallipihellave othamaka wi kiddiphwanye vawi ella sika yaari yoolinga ya Khrisitu Yesu vookikopani wi kikhalle aaye.

2 Petro 1:2

Echisomo ni murendelle ddaanjerereye wa nyuwaano oweella mu omudduwella wanyu Mulluku ni Yesu Apwiihu.

2 Petro 1:8

Nave mwakhallana makhallello yaalla nave yaanjerereya mwa nyuwaano vano waadduwella wanyu Apwiya Yesu Khrisitu oneerophara mutteko nave oneerewiima ezipaso.