Afilipi 3:20 - Mawu a Mulluku

²⁰ Koma hiyaano owanihu tti oddullu nave nnamutiyera oovullusaahu, Apwiya Yesu Khrisitu wi awe ovenyera wenko.

Afilipi 3:20 ပူးပေါင်းရင်းမြစ်များ

Aefeso 2:19

Sika vano nyuwaano athu ayo ehiri Ayuda khamuhiyottho alleto apaalle athu oovenyera waamodda wene. Nyuwaano tti amodda ni athu a Mulluku navettho nyuwaano tti a nibanja na Mulluku.

2 Akorinto 4:18

Vawi mirima ddahu ddiri va ddeko ddoohooneya ohiri va ddeko ddawooneya. Ddeko ddawooneya tti ddoomalla koma ddeko ddoohooneya tti ddoohimalla.

Aheberi 12:22

Koma nyuwaano moophiya o mwaango wa Ziyoni nave o Yerusalemu ooddullu, o muzinda wa Mulluku Ookumi, nko ori angelo anchichi enahakallalla.

Akolose 1:5

Nndda ddiri ddiidda kaambiiwa munatiyerella ddeko nnddo ddisungiwe oddullu. Vawi mwahiiwa dda nndda mvo yawoona, eyo tti othenga waphaama, wallalleyiwiiwa wa nyuwaano.

Aefeso 2:6

Mu eyaattanwaahu ni Khrisitu Yesu Mulluku aanivenyiha navettho anivaha nipuro oddullu vamodda ni Yesooyo.

2 Akorinto 5:8

Ninnallipa murima wunchichi koma Waaweerokhalla phaama okhumamo m'mwiillini mwahummu ni okhalla owaani ni Apwiya.

2 Timoteo 4:8

Vano eyo enakitiyera tti waakhella emphaso ya echilungamo eyo Mulluku akisungenlleeye. Apwiya ayo eri Ooweeruza aphaama sika enaakithuve va nllapo na echiweruzo. Khekivaha miyaanove komattho wa attheene ayo enatiyera mookonda wi Apwiya eneeroowa.

1 Atesalonika 1:10

ni mmo munamutiyerelleenyu Mwanaye wi awe ovenyera oddullu. Mwaana yooyo tti Yesu oyo aamuvenyihalleeye wa ookhwa ni oyo anaanivulluse o osha murima wa Mulluku onawanko.

Aheberi 9:28

Emoddamoddave yeeyo Khrisitu aaheraatthiwa mukutho omodda wi atukhulle ni ohuwa machimo a athu anchichi. Aneeroowa wiilli oohikhalla wi eellihe machimo koma aavulluse ayo enamutiyera.

Agalatiya 4:26

Koma Yerusalemu ooddullu, oyo ahiri kaporo tti ameehu.

Tito 2:13

Nooddalla ni otiyera ninatiyereehu nllapo noodala, wooneya wa ntitimiho na Mullukwaahu muullupalli ni Yesu Khrisitu Oovullusaahu.

1 Akorinto 1:7

Sika kheyiivo emphaso ya Mulluku muyelleelleenyu, munatiyereenyu wuupullulliwa wa Apwiihu Yesu Khrisitu yaawaaka.

Mitteko 1:11

Allopwana yaalla yaallota wi, “Nyu Agalileya, mwiimellelle tini munaweha oddullu? Yesu oyo aawellihiwe oya oddullu ovenyera wa nyuwaano, aneerohokollowattho wonanko mmo mwamoonilleenyu ayaaka oddullu.”

Mateyu 19:21

Yesu aallota wi, “Wapaalla okhalla aphaama wunchichi, khawe wakullihe ddeko oriiwena nave makobiraayo waavahe athu oohoowa nave oneerothuviwa oddullu. Weera ddiiddo owe okithware.”

1 Atesalonika 4:16

Vineerokhalla okhuwa ni mawu a muullupalli a angelo, owaaka mawu a nipallapata na Mulluku nave Apwiya weekhiiwa eneerokittha ovenyera oddullu. Nave ayo yakhwille emukhulupililaka Yesu eneerovenya mwawaambeellella.

Luka 14:14

Vano oneerokhalla muthu oodalisiwa kaambiiwa khewora wuuhokollosella koma Mulluku sika anuuhokolleselle va nllapo nno athu oolungama eneeriiwa evenyihiwe wa ookhwa.”

Yawuupullulla 1:7

Ngoonani aneeroowa m'miraponi! Arive muthu aneeromoona naarittho alle yamuhomille. Malloko mattheene a va ellapo yavatthi eneeromwinllella. Sika ddinaakhalle ddiiddo!

Miyambo 15:24

Athu eezeru ennawella ettilla yookumi wi erapelle ettilla yooya o ellapo ya ookhwa.

Afilipi 1:10

wi muwore otthoolla eyo eri yaphaama. Sika khamukhalla ni machimo ni yawiipiwana mullatu va Nllapo na owa wa Khrisitu.

Masalimo 17:15

Koma miyaano ni echilungamwaaka, kineerewoona ekhovaanyu. Kineerohakallalla ni mooneeyellwaanyu kavenya.

Masalimo 16:11

Munnakitthoonyihella ettilla ya okumi, ophwanyeya wanyu onnakihakallalliha wunchichi miyaano. Onnattanatta wanyu, kinnahakallalla wa enthawi yoohimalla.”

Luka 12:21

Voomallihani Yesu aallota wi, “Ddinaakhalle ddiiddo ni athu oodduukellellella weekhiiwa eyuuma koma khenakhallattho allupa a eyuuma vamiitthoni va Mulluku.”

1 Akorinto 15:48

Arive muthu ari va ellapo yavatthi ari wonanko Adamu awaamba koma ooddullu tti wonanko Adamu aneepiilli.

Afilipi 1:27

Vano yoopaalleya tti yawi mukhalleke moollikana ni othenga wa Khrisitu. Sika naari kiwe apaalle kihiwe wi kiwooneni kineerewiiwa wi mohiimella moohitikheya moowiiwanana moophara mutteko moollipa nimodda ekaamba ya echikhulupililo mu othenga waphaama.