Afilipi 3:15 - Mawu a Mulluku

¹⁵ Hiyaano attheene oowaraalla m'munepani ninaphwanella okhalla ni maganizo amoddamoddave yaalla. Nave amoddanyu mwaarimi murina maganizo oohiyana, Mulluku aneerowuupullullellani yawoona.

Afilipi 3:15 ပူးပေါင်းရင်းမြစ်များ

Yohane 7:17

Arive muthu anapaalla weera opaalla wa Mulluku aneerodduwella wi ehuddihwaaka enavenyera wa Mulluku apaalle wi kinallota ddoovenyera m'muruni mwaka.

Agalatiya 5:10

Nave miyaano kinnuukhulupililani mwa Apwiya wi khamukhalla ni maganizo ohiyana ni aaka navettho wi muthu oyo anawaapheellihani muru, khaya ttaani, aneerollakiwa ni Mulluku.

1 Akorinto 2:6

Nave kinallalleya othenga wa ezeru wa athu oowaraalla m'munepani. Nave khe ezeru ya ellapo yavattheella apaalle ya oolamulella a ellapweella, ayo masiviiwa enamalla.

Akolose 4:12

Epafra, mmodda a mullokwaanyu ni oorumeyella a Khrisitu Yesu anuuvahanittho mooni. Enthawi ddittheddene annallipihella wuuvekellani, omuveka Mulluku wi aweereni oohitikheya, oowaraalla mu echikhulupililo ni oosimikiza wiiwellella yoopaalla ya Mulluku.

1 Akorinto 14:20

Asinnaka ni arokoraka, muhinaganizaka wonanko anamwani. Mukhalleke wonanko anamwani ehinadduwella ello va yoonanara nave mukhalleke oowaraalla m'maganizoni mwanyu.

Mateyu 5:48

Munaphwanella wi mukhalle aweella wunchichi vawi Attiitthaanyu ooddullu tti aweella.

Yesaya 35:8

Wenko oneerokhalla musewu muullupalli, onaaromolliweke wi, “Ettilla ya Weella.” Ooripihiwa khewa yeetamo, ookarangeya khevollowamo.

Aheberi 5:14

Yoocha yoollipa tti ya athu oowaraalla ayo oweella mu ddookumanana ddiwa enawora ohiyaniha yaphaama ni yoonanara.

Akolose 1:28

Sika ninnallalleya dda Khrisitu wa arive muthu. Ninnachenjeza ni ohuddiha ni ezeru ddittheddene wi niweena arive muthu vamiitthoni va Mulluku ari oowaraalla mu eyaattano ni Khrisitu.

Aroma 15:1

Hiyaano niri ni echikhulupililo yoollipa ninaphwanella wi naakhurumuwelle oofooka mu echikhulupililo nave woohikhalla wiihakallalliha weekhiihu.

Luka 11:13

Naari muri oonanara munnadduwella waavaha aniinyu ddeko ddaphaama. Vano Attiitthiihu ooddullu enaalephele mwawiidde waavaha Munepa Waweella ayo enamuveka olliye!”

1 Yohane 2:5

Koma attheene ayo eniiwellella mawaaye, ddawoona, alliwa tti athu ayo echikondiiwa ya va Mulluku yeeriwe wi ekhalle yaphaama. Mmu sika ninadduwellelleehu wi niri mu eyaattano ni Mulluku.

2 Timoteo 3:17

wi muthu oomurumeyella Mulluku akhalle oophwanellella ni ookhozeka weera mitteko ddittheddene ddaphaama.

Yohane 6:45

Anamallotella yaalemba wi, ‘Arive muthu aneerohuddihiwa ni Mulluku.’ Muthu oyo iiwalle wa Attiitthaaka nave ahuddera wa alliwaayo, annawa wa miyaano.

Aefeso 1:17

ni omuveka Mulluku a Apwiihu Yesu Khrisitu, Attiitthiihu antitimiho wi uuvaheni Munepa oyo onuuvaheni ezeru yoomuupullulla Mulluku wa nyuwaano wi mumudduwelle.

1 Atesalonika 4:9

Khonapaalleyattho wi nuulembelleni ddawaakonda akhwiinyu ookhulupilila. Nyuwaano nyookha moohuddihiwa ni Mulluku mmo munakondellaneenyu.