Afilipi 3:11 - Mawu a Mulluku

¹¹ vootiyerani wi nameenettho kineerovenyihiwa wa ookhwa.

Afilipi 3:11 ပူးပေါင်းရင်းမြစ်များ

Yawuupullulla 20:5

(Ookhwa amodda attheene kheyaavenyille ophiyera omalla wa miyakha 1,000.) Nngu sika ovenya wowaamba wa ookhwa.

Mitteko 26:7

Ddeko ddennddo malloko khumi ni meelli a athwaahu enatiyeriiwa wi yaakhelle, voomullapellani Mulluku otthaana ni mahiiyu, tti ddennddo kiniipiweemina mullatu ni Ayudaalla, mwene nyu!

Mitteko 23:6

Paulo oonilleeye wi amodda a m'mullokonimmo yaari Asaduki* nave amoddattho yaari Afarisi,* aallota mookhuwa munthatoni mulle wi, “Ayuda akhwaakanyu! Mi tti Mufarisi, mwaana a Mufarisi. Kiniipiwa mullatu kaambiiwa kinnatiyera wi athu eneerovenya wa ookhwa!”

Aheberi 11:35

Atthiyana amodda yaahokolloselliiwa ookondiwiiwa evenyihiwe wa ookhwa. Amodda yahoosiwa ophiyera yahiiphiwa ekhootille ottaphulliwa vawi yatiyerella waakhella okumi woohimalla.

2 Atesalonika 2:3

Muhaakhullelle wi muthu mmodda awoottottheni mu erive ettilla. Vawi nllapo nenno nihinaphiye, onaakhalle omuwukila Mulluku navettho muthu Oonanaroolle aneerewuupulluwa, oyo anoonongiwe.

1 Atesalonika 3:5

Ella sika ekaambiiwa kimurumihalleemi Timoteo. Miyaano ngaawore ovillella, sika kaamuruma olliyooyo wi oone echikhulupilwaanyu. Vawi koova wi apaalle Satana aaweesani nave wi muttekwaahu muttheene waari woohikhalla ni mutteko.

2 Akorinto 11:3

Koma kinoova wi maganizwaanyu enaavirikanyihiwe nave wi muneerohiya wiivelleella wanyu woororomelleya wa Khrisitu wonanko mmo Heva aallekiweeye ni olleka woochenjera wa enowa.

1 Akorinto 9:27

Kinnahiiha ni owutthattusa kaporo mwiillaka wi kihilephele kiri miyaano killalleyille othenga waphaama wa amodda.

1 Akorinto 9:22

Kakhalla variyari va athu oofooka mu echikhulupililo kinakhalla oofooka wonanko mmodda a yaayo wi kaakope alliwaayo. Sika wa athu attheene kinakhalla wonanko alliwaayo wi apaalle kaavulluse amodda a yaayo voopharihani mutteko erive ettilla.

Aroma 11:14

Vaweerani ddenndda kinapaalla oweeriha Aisraele akhwaaka wi ekhalle ni ehache wi evullusiwe amodda a yaayo.

Yohane 11:24

Marita aallota wi, “Kinnadduwella wi aneerovenya wa ookhwa nllapo noomallihella, nno athu attheene enaavenyihiwiiwa.”

Luka 14:14

Vano oneerokhalla muthu oodalisiwa kaambiiwa khewora wuuhokollosella koma Mulluku sika anuuhokolleselle va nllapo nno athu oolungama eneeriiwa evenyihiwe wa ookhwa.”

Masalimo 49:7

Ddawoona, khaavo muthu anaaddoopolle, ovelleella mutengo woovullusella okumaaye wa Mulluku.

Mitteko 27:12

Vawi khawaari waphaama okhalla vadokonimvo ekaamba yooriirya, sika athu anchichi yaaneesa ovenyawo enaya o Foenikisi va enthawi ya nakhuttweeyo. Foenikisi tti doko na o Krete noowehana ni omwera wa woovollowa nndduwa ni ompoto wa woovollowa nndduwa.

1 Akorinto 15:23

Nave arive muthu aneerovenyihiwa va enthawaaye. Vawaamba va attheene, Khrisitu, vatulli viwa ayo eri aaye a Khrisitu va enthawi anaaweeye.

2 Timoteo 4:8

Vano eyo enakitiyera tti waakhella emphaso ya echilungamo eyo Mulluku akisungenlleeye. Apwiya ayo eri Ooweeruza aphaama sika enaakithuve va nllapo na echiweruzo. Khekivaha miyaanove komattho wa attheene ayo enatiyera mookonda wi Apwiya eneeroowa.