Afilipi 2:9 - Mawu a Mulluku

⁹ Ekaamba ya yeella Mulluku aamutitimiha wunchichi amuvaha nnddina nno ninakhwaranya nirive nnddina.

Afilipi 2:9 ပူးပေါင်းရင်းမြစ်များ

Yawuupullulla 19:16

Va yoowaraaye ni vakasambarani vaye vaalembiwa nnddina nawi, “Mwene a mamwene ni Apwiya a apwiya.”

Mateyu 28:18

Yesu aaphiya vakhuviru allota wi, “Attiitthaaka aakivaha olamulello muttheene wa oddullu ni wa vatthimva.

1 Petro 3:22

Olliye aarowa oddullu nave akhalla o nnattanatta na Mulluku, olamulella angelo ni masiva amodda mattheene ooddullu.

Aheberi 2:9

Koma ninnamoona Yesooyo va enthawi yooyeva avevulliwe, akhwaranyiwe ni angelo wi mwa echisomo ya Mulluku aakhwa munipuroni mwa athu attheene. Nave ekaamba ya okhwa oonilleeye, aavahiwa oriiheya ni olemu woomwene.

Yesaya 52:13

Apwiya enallota wi, “Oorumeyellaaka aneeropambana va muttekwaaye, aneerowellihiwa ni otitimihiwa, aneerovahiwa olemu wunchichi.

Yawuupullulla 5:12

Nave yaaniipa ni mawu oowella wi, “Mwaanaankhosa iiphiwooyo sika anaphwanella waakhella masiva, eyuuma, ezeru ni ollipa, oriiheya, ntitimiho ni othokoza!”

Daniele 7:14

Vano aavahiwa olamulello, olemu ni omwene wi athu a ellapo ddittheddene, mitundu ddittheddene ni ellotello ddoohiyanahiyana yaanamurumeyella. Olamulellwaaye tti wa enthawi yoohimalla, khowa omalla nave omwenaaye khowa woonongeya.

Aheberi 1:4

Mwaana a Mulluku tti oowaakhwaranya angelo nave nnddina nno Mulluku amuvahilleeye tti nowaakwaaranya manddina a angelwaayo.

Masalimo 89:27

Kineeromutthattusa mwanaka awaamba wi aakhwaranya mamwene mattheene a va ellapo yavatthi.

Aheberi 12:2

Miitthwaahu ekhalle va Yesu oyo akeraatthihalle echikhulupilwaahu, oyo ananihoollella ni weeriha echikhulupililwaahu wi ekhalle yaphaama. Aavillella owullihiwa muru vookhomiwani vamutandani, ekaamba yoodduwella wi muhoollo aneerohakallalla. Vawi vano annakhalla o nnattanatta wa mpando woomwene wa Mulluku.

Yesaya 53:12

Sika kineeromuvaha nipuro variyari va attekweene. Aneerokawana ddawaakha ni amasiva vawi aavelleella okumaaye ophiyera okhwa, aheesiwa wonanko mmodda a athu oohithwara malamulo. Ahiireya machimo a athu anchichi, ahaavekella oochimwa wi ekhululukiwe.

Masalimo 110:1

Apwiya yahaalleella apwiyaaka wi, “Khalla o nnattanatta naka ophiyera kaatthattusalle adanaawo voonyingallavo manyallwaawo.”

Yohane 17:5

“Vano Attiitthaaka, kititimiheni miyaano vamiitthoni vanyu ni ntitimiho nenno kaariimi ni nyuwaano ehinaphatusiwe ellapo yavatthi.

Masalimo 110:5

Apwiya eri onnattanatta nawo, eneerewaanyenya mamwene va nllapo na osha murima wiwa.

Yawuupullulla 3:21

Wa ayo enaapambane, kineerowaakhullella wi elamulelle vamodda ni miyaano mu omwenaaka. Emoddamoddave yeeyo kaapambana nave vano kinnalamulella ni Attiitthaaka mu omweniiwa.

Luka 10:22

“Attiitthaaka aakivaha ddeko ddittheddene. Khaavo muthu anamudduwellesesa Mwaana koma Attiitthaakave sika enamudduwella. Nave khaavottho anaadduwellesesa Attiitthaaka koma Mwaana nave sika anaadduwella ni wa ayo Mwaanooyo anapaalleeye owuupullullella Attiitthinnya.”

Yesaya 9:7

Olamulello ni murendellaaye ddineerovirellella waata, aneerokhalla va mpando wa mwene Davide, aneerokeraatthiha ni ollipiha omwenaaye, vaweerani ddoolungama ni ddaphaama waambeella enthawi yeeyo wa enthawi yoohimalla. Ni murimiiwa muttheene Apwiya Amasiva Mattheene yoosimikiza okwakhwanihella ddenndda.

Masalimo 91:14

Kineeromuvullusa anakiwandeellella miyaano mweechikondi, kineeromuteteza kaambiiwa annadduwella nnddina naka.

Yawuupullulla 11:15

Nave mungelo aneetthanu ni piilli ahoopa nipallapata naye. Nave kahiiwa mawu oowella ovenyera oddullu oollota wi, “Omwene wa ellapo yavattheella tti wa Apwiihu ni wa Mesiyaaye.* Nave Apwiihu eneerolamulella wa enthawi ddoohimalla!”

Yawuupullulla 1:5

ddoovenyerattho wa Yesu Khrisitu, mboni oororomelleya oyo aari awaamba ovenyihiwa wa ookhwa nave oyottho ari oolamulella a mamwene a va ellapo yavatthi. Olliyooyo annanikonda hiyaano nave ni mukutho wa okhwa waye aanittaphulla hiyaano ovenyera o machimwaahu.

2 Petro 1:17

Vawi aavahiwa ntitimiho ovenyera wa Mulluku Attiitthinnya, oyo anaromolliwa wi Ntitimiho Nuullupalli nave oyo allotille wa olliye wi, “Olla sika Mwanaka ookondiwa, mwa olliye kinnahakallalla wunchichi!”

Akolose 1:18

Olliye tti muru wa mpingo oyo ori mwiillaaye. Olliye tti maambeellello a erive ello, awaamba a oovenya wa ookhwa wi akhalle muullupalli mu ddeko ddittheddene.

Mitteko 5:31

Yooyo Mulluku aamuwelliha akhalla onnattanatta naye wi akhalle Oohoollella navettho Oovullusa wi aavahe athu a o Israele ekari yoorukunuwa murima ni okhululukelliwa machimwiiwa.

Yohane 13:3

Yesu aadduwella wi Attiitthinnya yaamuvaha olamulello wa ddeko ddittheddene. Nave aadduwellattho wi avenyenre wa Mulluku nave anahokollweella wa Mulluku.

Mateyu 11:27

“Attiitthaaka aakivaha ddeko ddittheddene. Khaavo muthu anamudduwellesesa Mwaana koma Attiitthinnyave sika enamudduwella. Nave khaavottho anaadduwellesesa Attiitthaaka koma Mwaana nave sika anaadduwella ni wa ayo Mwaanooyo anapaalleeye owuupullullella Attiitthinnya.

Genesis 3:15

“Kineeroweeriha weyaano ni mutthiyana wi mwiitane nave vineerokhalla wiitana wunchichi variyari va edduullu ddawo ni edduullu dda mutthiyanooyo. Edduullu ddaye ddineeronyenya murwaawo nave weyaano eneerolluma etotopwa ya edduullu ddaye.”

Yohane 17:11

Vano nginakhallattho mu ellapo yavatthi koma alliwaayo tti a mu ellapo yavatthi nave miyaano kinimawa wa nyuwaano. Attiitthaaka aweella, ekaamba ya masiva a nnddina nanyunno mwaakivahilleenyu atetezeni yaalla phaama. Sika vano ekhalle amodda wonanko mmo nyuwaano ni miyaano nikhallelleehu amodda.

Yohane 17:12

Kaariimi ni yaayo kahaateteza phaama mu masiva a nnddina nanyu, mwakivahilleenyu miyaano. Kahaawehera alliwaayo nave khaavo mmodda arimeellevo, omuhiya muthu olle aphwanenlle orimeella wi mawu a Mulluku ekwakhwanihiwe.

Aefeso 1:10

Enthawi yakwakhwana Mulluku aneerokwakhwaniha yoolinga yeella, vootthukumanihani ddoophatusiwa ddittheddene vamodda, erive ello va ellapo yavatthi ni oddullu, vatthi va oolamulella muullupalli, Khrisitu.

2 Atesalonika 1:12

wi nnddina na Apwiihu Yesu nititimihiwe mwa nyuwaano ni nyuwaano mwa alliwaayo moollikana ni echisomo ya Mullukwaahu ni ya Apwiya Yesu Khrisitu.

Aheberi 1:9

Munnakonda echilungamo nave munniitana ni ddoonanara. Miyaano Mullukwaanyu kuutthoonlleni ekaamba ya yeella nave kohuuriihani vawuuvahani ehakallallo yuullupalli ohiyana ni eyo kaavahilleemi akhwiinyu.”

3 Yohane 1:7

Vawi yaatimulla olendwiiwa ekaamba ya nnddina na Khrisitu ehaakhullenlle nikavihero ovenyera wa athu oohikhulupilila.