Afilipi 2:30 - Mawu a Mulluku

³⁰ kaambiiwa ahiivelleella moollipa murima nave ohalla vakhuviru okhwa ekaamba ya mutteko wa Khrisitu wi akikavihere munipuroni mwanyu.

Afilipi 2:30 ပူးပေါင်းရင်းမြစ်များ

1 Akorinto 16:17

Koohakallalla ni owa wa Stefanasi, Fortunato ni Akayiko vawi yaawa munipuroni mwanyu.

Afilipi 4:10

Apwiya yaakihakallalliha wunchichi kaambiiwa viviralle enthawi yoorekama mohaambattho okuupuwella. Nginaaka wi mwaahiya okuupuwella koma khamwaarina ekari yawi moonihe yeella.

Mitteko 20:24

Koma nginapwatha dda eyo enaakeereyelle. Emoddave eyo kinapaalleemi tti yawi kimallihe muttekwaaka ni orumeyella kavahiweemi ni Apwiya Yesu wi keere, ollalleya othenga waphaama wa echisomo ya Mulluku.

Afilipi 4:18

Kookhalla ni erive ello navettho ddawaata. Kookhalla ni ddittheddene kinapaalleemi vawi Epafrodito aawaana wa miyaano emphaso ddanyu ddittheddene. Ddiri wonanko yoovelleelliwa ya nthuko naphaama, yawaakhullelliwa ni yoomuddivella Mulluku.

2 Akorinto 12:15

Kineerohakallalla ovelleella ddaaka ddittheddene ni meenettho wi kuukavihereni. Nave ethiyo kaawuukondakani wunchichi, nyuwaano mukikondeke vang'ono?

Yawuupullulla 12:11

Asinnihu ni arokorihu yaamupambana Satana ni nikhame na mwaanaankhosa owaakattho omboni wa echikhulupililwiiwa nave yahaakhullella ovelleella okumiiwa wi ekhwe.

Filemoni 1:13

Kaanapaalla wi akhalleke ni miyaano wuno wi akikavihereke munipuroni mwa weyaano kiriimi mundendemmu ekaamba ya othenga waphaama.

Afilipi 2:27

Ddawoona aamavoriiwa nave aari vakhuviru okhwa. Koma Mulluku aamweerella echifundo nave ohiri va olliyeve koma ni va miyaanottho vawi aheeriha wi kihikhallena ethakaraka ddinchichi.

Afilipi 2:17

Echikhulupilwaanyu ni orumeyella wanyu tti wonanko yooheraatthiwa va mukutho. Vano naari kakhwa, nikhame naka nineerohelliwa vaddullu va mukuthwaanyu, koohakallalla vamodda ni nyuwaano attheene.

1 Akorinto 16:10

Timoteo aphiya owaninyunko, moonesese wi olliye oone wi moomwaakhella variyari vanyu kaambiiwa olliye anapharattho mutteko wa Apwiya, wonanko miyaano.

1 Akorinto 15:53

Vawi yoomalla eneerotthattusiwa yoohimalla, eyo enaakhwe eneerotthattusiwa yoohikhwa.

Aroma 16:4

ayo yahooville wiiphiwa wi evulluse okumaaka. Miyaano ni mipingo ddittheddene dda athu ayo ehiri Ayuda ninnaathokoza yaayo.

2 Akorinto 4:12

Hiyaano nahaakhullella woopopihiwa ni okhwa wi nyuwaano mukhalle ni okumi.