Afilipi 2:21 - Mawu a Mulluku

²¹ Amoddaayo attheene enallipihella ddeko ddawaaddivella weekhiiwa ohiri ddeko dda Yesu Khrisitu.

Afilipi 2:21 ပူးပေါင်းရင်းမြစ်များ

1 Akorinto 10:24

Ahikhallevo mmodda a nyuwaano aneereke ddoomuddivella yeekha koma ddawaaddivella amodda.

Mateyu 16:24

Vano Yesu aallota wa oohudderaaye wi, “Muthu aapaallaka okithwara iikhoote yeekhaaye, atukhulle mutandaaye akithware miyaano.

Afilipi 2:4

Muhiweheke ddoopaalla ddaanyuve komattho ddoopaalla dda athu amodda.

2 Timoteo 3:2

Vawi athu enaakhalle awiikonda, ookonda makobiri, ookota, awiinyarulla, oonyaambusa, oohiwiiwellella makhollwiiwa, oohithokoza ni ooheella murima.

1 Akorinto 10:33

Erani wonanko mmo kineerelleemi. Kinneesa omuhakallalliha arive muthu mu ddittheddene kineereemi, ohiri ddookiddivella meekhaaka koma ddawaaddivella attheene wi yavullusiwe.

1 Akorinto 13:5

Echikondi khenakhalla ni makhallello oonanara apaalle kheniikonda apaalle khenasha murima mwawaakuva, echikondi khenasungella mangawa a athu amodda,

Luka 14:26

“Muthu aapaallaka okhalla oohudderaaka akikondeke miyaano ohiyana ni attiitthinnya ni amennya, mwaariye ni anaaye, asinne ni arokoriye naari okumaayeene.

Yesaya 56:11

Tti wonanko anapwa. Naari abusa khenna ezeru vawi arive muthu aneera eneeta ettilla ddaye nave anapaalla ddoomuddivella yeekha.

2 Timoteo 4:10

Dema aakonda dda ellapo yavatthi nave ookihiya miyaano aya o Tesalonika. Kresike akelle o Galatiya nave Tito akelle o Dalamatiya.

2 Akorinto 1:5

Moollikana ni mmo ninahosiwelleehu wunchichi mwa Khrisitu, emoddamoddave yeeyo ni ninnakhurumusiwa murima wunchichi mwa Khristooyo.

2 Timoteo 4:16

Vawiitetezani va mullatwaaka enthawi yawaamba, khaavo naari mmodda aakikavihenre, attheene yaakihiya meekhaaka. Mulluku aakhululukelle!

Mitteko 15:38

Koma Paulo khaapanlle omukusa Yohane Markooyo kaambiiwa ahaahiya weekhiiwa o Pamfuliya nave khaavirellelle ophara mutteko ni alliwaayo.

Mitteko 13:13

Vano Paulo ni akhwaaye yaheeta vakallawani ovenyera o Pafosi yaphiya o muzinda wa Perga, mu echigawo ya Pamfuliya nave eri wenko Yohane Mariko ahaahiya ahokollweella o Yerusalemu.

Malaki 1:10

Apwiya Amasiva Mattheene enallota wi, “Ttaani anaawalle mullako wa enyumbaaka wi muhikharihelle nivuddo munllo wa va nikuwa naka. Nginahakallalla ni nyuwaano nave ngaakhella ddoovelleella ddanyu.

2 Timoteo 1:15

Onnadduwella wi attheene a mu echigawo ya Asiya* yaakikhoota miyaano, mwa yaayo mmodda aari Figelo ni mmodda aari Heremogene.

2 Mamwene 12:6

Koma voophiyani muyakha wa 23 wa omwene wa Yowashi, allupa mukuthwaayo yaari ehinapotokoseve enyumbeeyo.