Afilipi 2:16 - Mawu a Mulluku

¹⁶ Nave wanddeellellani othenga woovaha okumi. Mwaaweeraka ddiiddo kineerokhalla ni ekaamba yawuukotellani va Nllapo na owa wa Khrisitu kaambiiwa ddineerewooniha wi muttekwaaka ni ollipihella waka ottheene woophura ello.

Afilipi 2:16 ပူးပေါင်းရင်းမြစ်များ

1 Akorinto 9:26

Sika nginathamaka kihinna yoolinga nave ngiri wonanko mullupa oowana ookusha.

Agalatiya 2:2

Kayiillewo kaambiiwa Mulluku ahuupullulla wa miyaano wi kaaphwanella oyaawo. Mu mutthukumano wa ooholleellave kaatthopoollella othenga waphaama kallalleyilleemi wa athu ayo ehiri Ayuda. Vawi Ngaapanlle wi nnddo kineereemi ni nnddo kenreemi ddooneye wonanko tti ddoohikhalla ni mutteko.

1 Yohane 1:1

Ninuulembellani nyuwaano dda mawu oovaha okumi, ayo yaarivo waambeella vawaamba. Noowiiwa nave noowoona ni miitthwaahu. Ddawoona, noowoona nave mattaahu ahaattannya yaayo.

Yohane 6:68

Simoni Petro ahaakhulla wi, “Apwiya, ninaaye wa aani? Tti nyeeneve muri ni mawu oovaha okumi woohimalla.

1 Atesalonika 3:5

Ella sika ekaambiiwa kimurumihalleemi Timoteo. Miyaano ngaawore ovillella, sika kaamuruma olliyooyo wi oone echikhulupilwaanyu. Vawi koova wi apaalle Satana aaweesani nave wi muttekwaahu muttheene waari woohikhalla ni mutteko.

Yohane 6:63

Munepa a Mulluku sika anavaha okumi. Masiva a muthu khenna mutteko. Mawu ayo kaallotilleemi wa nyuwaano enavenyera wa Munepa a Mulluku oyo anavaha okumi.

Luka 12:8

“Kinimuulleellani nyuwaano, muthu anaakhullella wi tti aaka vamiitthoni va athu, miyaanottho Mwaana a Muthu, kineeromwaakhullella vamiitthoni va angelo a Mulluku.

Aheberi 4:12

Mawu a Mulluku tti ookumi ni amasiva, awiisha ohiyana ni nsupada noowiisha nngu ni nngu. Ennaphadda mutthemwene ophiyera munakumanella murima ni munepa naarittho munallundellellana makuttha ni makhura a m'makhuvani. Enneeruza nnddo athu enapaalliiwa ni oganiza m'murimani mwiwa.

1 Petro 1:23

Vawi oweella mwa mawu a Mulluku Ookumi ni oohimalla, mooyariwa wiilli wonanko anamwani a nikhollo noohikhwa ohiri nookhwa.

1 Atesalonika 2:19

Vawi tti nyuwaano yootiyerellaahu, yoohakallallihaahu ni yookotellaahu va opambana wahu vamiitthoni va Apwiya Yesu va owa waye.

Agalatiya 4:11

Kinnakhupanya dda nyuwaano! Ethiyo muttekwaaka muttheene va nyuwaano tti woohipindula?

Yesaya 49:4

Koma kaallota wi, “Kipharille mutteko woohillivelliwa, kitathillelle masivaaka nivuddove.” Komave ddookiphwanella ddiri m'mattani mwa Apwiya, yoothuviwaaka eri mwa Mullukwaaka.

Masalimo 71:17

Nyu Mulluku, mookihuddiha waambeella enamwanaaka, ophiyera ollello kinnallalleya mitteko ddanyu ddoottikhiniha.

Yawuupullulla 22:17

Munepa Waweella vamodda ni Ootthelliwa eni, “Waani!” Arive muthu oyo aniiwa, anaphwanellattho ollota wi, “Waani!” Arive muthu arina nthona awe, oyo anapaalla, aakhelle maaddi ookumi moohillivella.

Mitteko 13:26

“Aisraele akhwaaka, edduullu dda Abrahamu ni athu attheene ayo ehiri Ayuda koma munamoova Mulluku, othenga woollota dda ovullusa waarumihiwa wa hiyaano!

Mateyu 10:27

Nnddo kinuulleelleemini mwiipiphini nyuwaano munaphwanella muddiwulule vawooneya navettho nnddo muniiweenyu ddillotiwaka moonong'ona wa nyuwaano munaphwanella muddillalleye vaddullu va enyumba.

Masalimo 40:9

Koollalleya dda echilungamwaanyu vamutthukumanoni muullupalli. Nyu Apwiya, ngaawanlle vayanoni, moollikana ni mmo munadduwellelleenyu,

1 Akorinto 1:8

Eneerewuullipihani murima ophiyera va mamallihello wi muhikhalle ni yoochimwa va Nllapo na Apwiihu Yesu Khrisitu.

Afilipi 1:6

Nave kinimasimikiza wi Mulluku, oyo aambille mutteko waphaama yoolla mwa nyuwaano, aneerovirellella ophara ophiyera akuthullalle va Nllapo na owa wa Khrisitu Yesu.

Afilipi 1:10

wi muwore otthoolla eyo eri yaphaama. Sika khamukhalla ni machimo ni yawiipiwana mullatu va Nllapo na owa wa Khrisitu.