Afilipi 2:12 - Mawu a Mulluku

¹² Sika vano, akhwaaka ookondiwa vawi mwaakiiwellella enthawi ettheene kaariimi ni nyuwaano, tti woopaalleya wunchichi wi mukiiwellelleke vano kiriimi woorekama ni nyuwaano. Virellellani ophara mutteko mwawoova ni mootthukumella wi mwakuthulle ovullusiwa wanyu,

Afilipi 2:12 ပူးပေါင်းရင်းမြစ်များ

1 Akorinto 15:58

Sika vano, asinnaka ni arokoraka ookondiwa, khallani oohitikheya ni oohisuseya. Hiyani murimaanyu va mutteko wa Apwiya vawi munnadduwella wi oweella mwa alliwa, muttekwaanyu onnakhalla ni mphuro.

Aheberi 4:11

Vano hankoni moollipihella nivollowe mu wiithuuwanngu wi variyari vahu vihikhalle mmodda oolephela ovollowa ekaamba yoohiiwellella wonanko yenriiwa khalle.

1 Petro 2:11

Kinimuuvekani nyuwaano ookondiwaaka wi muhaakhullelleke minkhella dda mwiilli nnddo ddinawana ni Munepa vawi nyuwaano mu ellapweella muri wonanko alleto ni oothawa owaniwa.

Mateyu 11:29

Mukiiwellelleke miyaano wonanko eng'ombe ddatukhulla nigoli.* Navettho muhuddere wa miyaano kaambiiwa miyaano tti oomaalleya ni owiiyeviha, sika muneerewiithuuwa.

Afilipi 1:27

Vano yoopaalleya tti yawi mukhalleke moollikana ni othenga wa Khrisitu. Sika naari kiwe apaalle kihiwe wi kiwooneni kineerewiiwa wi mohiimella moohitikheya moowiiwanana moophara mutteko moollipa nimodda ekaamba ya echikhulupililo mu othenga waphaama.

Yesaya 66:2

Ddeko ddittheddenenndda kaddiphatusalle tti miyaano, sika ddittheddenenndda tti ddaaka. Miyaano kinnahakallalla ni athu awiiyeviha ni oolapa, ookoova ni awiiwellella mawaaka.

2 Petro 3:18

Koma muvirellelle wunnuwa mu echisomo ni odduwella dda Apwiya ni Oovullusa Yesu Khrisitu. Ntitimiho nikhalle ni olliye, Ollello ni enthawi yoohimalla! Amen.

Aheberi 5:9

Ohoosiwangu waamweeriha okhalla aphaama nave aakhalla awaamba a yoovullusa yoohimalla wa athu attheene oomwiiwellella olliye,

2 Timoteo 2:10

sika kinnavillella ddittheddene ekaamba ya athu ootthoolliwa a Mulluku wi naalliwattho yaphwanye ovullusiwa onaweella mwa Khrisitu Yesu vamodda ni waakhella ntitimiho naye noohimalla.

Miyambo 13:4

Muthu oolesi annakhumba koma khanaphwanya ello koma muthu a ntthitti aneerokhalla ni eyuuma.

Aheberi 4:1

Vano lonjezano na Mulluku allotilleeye khallenne na ovollowa munipuroni naye nawiithuuwellamo, nookhallawove. Hankoni nichenjere wi ahikhallevo naari mmodda anooneya wi khavollowillemo mwawiithuuwella.

Aheberi 12:1

Vawi virive veko voonaapheella vookhalla amboni a echikhulupililo anchichi ddiidda, hankoni nivenyihevo erive ello yooniselliha, makamaka machimo ayo eniwanddeellelle nave nithamake ni murima muttheene mpikisano nambilleehoolla.

Afilipi 4:1

Sika vano, asinnaka ni arokoraka nyuwaano tti ookondiwaaka nave kohuukhallellani munkhella. Munnakihakallalliha nave kinnuukotellani. Asinnaka ni arokoraka imellani moohitikheya mu eyaattano ni Apwiya.

Aroma 2:7

Sika athu ayo enavirellellave weera ddaphaama nave enaashaasha ntitimiho ni okumi woohimalla ovenyera wa Mulluku, Mulluku aneerewaavaha okumi woohimalla.

1 Atesalonika 1:3

Vawi ninnuupuwella vamiitthoni va Mullukwaahu ni Attiitthiihu ezipaso dda mitteko dda echikhulupilwaanyu ni mitteko dda echikondaanyu nave ovillella wa etiyerellwaanyu mwa Apwiihu Yesu Khrisitu.

Afilipi 1:29

Vawi moovahiwa ekari ohiri vookhulupililanive mwa olliye komattho ohoowa ekaamba ya olliye.

Masalimo 119:120

Mwiillaaka onnatthukumella ekaamba yoowoovani, kinnoova echiweruzwaanyu.

Masalimo 2:11

Arumeyelleni Apwiya mwawoova, atitimiheni mootthukumella.

2 Akorinto 7:15

Sika vano echikondaaye wa nyuwaano tti yuullupalli, anuupuwelleeye mmo mwiiwellelleenyu navettho mwamwaakhenlleenyu moovelleella olemu wunchichi.

1 Akorinto 2:3

Sika kawiilleemi wa nyuwaano, kaari oofooka ni ootthukumella ni woova,

Aefeso 6:5

Akaporonyu, muwiiwellelleke apwiinyu a va ellapo yavatthi moovelleella olemu wunchichi. Nave mweereke ddiiddo ni murimaanyu muttheene, wonanko munamurumeyella Khrisitu.

Yesaya 66:5

Nyu ootthukumella Apwiya yaallotaka, iwani mawu a Apwiya. Alliwa enallota wi, “Abalaanyu ayo eniitana ni nyuwaano ni wuukhootani ekaamba ya nnddina naka enallota wi ‘Apwiya etitimihiwe wi hiyaano noone ehakallallwaanyu.’ Koma alliwa sika enaawulliwe muru.

Miyambo 10:16

Mphuro wa muthu oolungama tti okumi koma opindula wa oonanara tti ochimwa.

Mateyu 11:12

Waambeella enthawi eyo Yohane allalleyeeye ophiyera ollello omwene wa Mulluku wookhalla owukiliwaka nave athu oowukilaayo enneeseesa wi yaakhe omwenooyo.

Ezara 10:3

Vano hankoni nikeraatthihe echipangano Mullukwaahu wi nimwallanena atthiyanaalla vamodda ni aniiwa moollikana ni malangizo a nyu apwiyaaka ni a athu ayo eniiwellella malamulo a Mullukwaahu. Nave akhullellani wi ddenndda ddeereye moollikana ni malamulo.

Afilipi 1:5

ekaamba ya mmo mukikaviherelleenyu ovuwiha othenga waphaama ovenyera nllapo mwaambilleenyu okhulupilila ophiyera ollello.

Mitteko 9:6

“Koma venya wi wavollowe m'muzindanimmo nave eneerewuulleella yoophwanella wi weere.”

Afilipi 2:19

Apwiya yapaalla, kinatiyerella omurumiha Timoteo wa nyuwaano veneva wi killipihiwe murima ni epillaanyu.

1 Akorinto 4:14

Kinalembella ella wa nyuwaano ohiri kaambiiwa kuuwulliheni muru koma wi kuuhuddiheni wonanko muri anaaka ookondiwa.

Afilipi 4:15

Nyuwaano Afilipi munnadduwella phaama ddene wi kavenyilleemi o Masedoniya ni waamba ollalleya othenga waphaama, nyuwaanove sika mwaari mpingo mmoddave oyo wakikavihenre miyaano mu ddoopaalla ddaka.

Mitteko 16:29

Nave ooweherooyo ahiithaniha enyali, athamakella muwari, atthukumellaka ekaamba yawoova aakokhora vakhuviru ni Paulo ni Sila.

Afilipi 1:6

Nave kinimasimikiza wi Mulluku, oyo aambille mutteko waphaama yoolla mwa nyuwaano, aneerovirellella ophara ophiyera akuthullalle va Nllapo na owa wa Khrisitu Yesu.