Afilipi 1:8 - Mawu a Mulluku

⁸ Mulluku sika ari mbonaaka wi kinallota ddawoona kaallotaka wi munkhellaaka va nyuwaano tti woovenyera mu echikondi ya Khrisitu Yesu.

Afilipi 1:8 ပူးပေါင်းရင်းမြစ်များ

Afilipi 4:1

Sika vano, asinnaka ni arokoraka nyuwaano tti ookondiwaaka nave kohuukhallellani munkhella. Munnakihakallalliha nave kinnuukotellani. Asinnaka ni arokoraka imellani moohitikheya mu eyaattano ni Apwiya.

Aroma 1:9

Mulluku, oyo kinamurumeyelleemi ni murimaaka muttheene voollalleyani othenga waphaama wa Mwanaye, sika mbonaaka wi kinnawuupuwellani erive enthawi kaavekellaka.

2 Timoteo 1:4

Kaawuupuwellaka miitthori ddawo, kinnapaallesesa owoona weyaano wi kihakallalle wunchichi.

1 Atesalonika 2:8

Vano ekaamba ya wuukondani nyuwaano, hiyaano naakhozeka wuuvahani ohiri othengave waphaama wa Mulluku komattho okumaahu. Nyuwaano mwaari ookondiwaahu wunchichi!

Aroma 9:1

Kinallota ddawoona nave nginoottha ekaamba yawi kiri mu eyaattano ni Khrisitu. Yawuupusella murima yaaka, yoolamuliwa ni Munepa Waweella, ennakikhallella omboni wi nginoottha

Filemoni 1:12

Kinimamurumiha omuhokollosella wa weyaano, wonanko kinarumiha murimaaka.

Yeremiya 31:20

We Efuremu, mwanaka a vamurimani, mwaana oyo kinahakallalleemina. Enthawi ddittheddene kaamuhumullullaka, kinnavirellella omuupuwella mwa echikondi vawi murimaaka onnampaallesesa, kineeromweerella echifundo.

Akolose 2:1

Kinapaalla wi mudduwelle mmo kinapharelleemi mutteko moollipihella wa nyuwaano ni wa athu a o Laodikeya ni wa attheene ayo ehinakooneke vamiitthoni ni vamiitthoni.

Agalatiya 4:19

Anaaka, kinnoonattho ovoreya woophwanaphwana ni ovoreya wa mutthiyana aayaraka ekaamba ya nyuwaano ophiyera makhallello a Khrisitu ekeraattheye mwa nyuwaano.

Agalatiya 1:20

Kinalembeeminndda tti ddawoona. Mulluku annadduwella wi nginoottha!

2 Akorinto 7:15

Sika vano echikondaaye wa nyuwaano tti yuullupalli, anuupuwelleeye mmo mwiiwellelleenyu navettho mwamwaakhenlleenyu moovelleella olemu wunchichi.

2 Akorinto 6:12

Khe hiyaano nihinuuhiyani vamurimani vahu koma nyuwaano sika muhinanihiya vamurimani vanyu.

Luka 1:78

Ekaamba ya echikondi ni echifundo ya Mullukwaahu, owala woovenyera oddullu oneerokhuma ni oniwalella hiyaano.

Yesaya 63:15

Nyu Apwiya oddullunko, o nipuro nanyu naweella ni nantitimiho, nooneni. Ethiyo opwatha wanyu ni masivaanyu ddiri wuuwi? Moohiya onoonihella echikondaanyu ni echifundwaanyu.

Yesaya 16:11

Sika murimaaka oninlla wunchichi omwinllella Mowabu nave kinniipullella ekaamba ya woonongeya wa Kiriheresi.

1 Yohane 3:17

Athu eeyuuma yamoona mwanamunniwa apaalle murokoriwa oohoowa nave emummella murima, kheworattho ollota wi ennamukonda Mulluku.

Filemoni 1:20

Sika, mwanamunnaka, okeerelle echifundo ekaamba ya Apwiya. Okillipihe murima wonanko mwanamunnaka ekaamba ya Khrisitu.

1 Atesalonika 2:5

Munnadduwella phaama ddene wi khanaallotille mooreera muwano apaalle ovenyera m'maganizoni a nrima, mbonaahu tti Mulluku.

Akolose 3:12

Nyuwaano tti athu a Mulluku. Olliyooyo ahuukondani nave ahuutthoollani wi mukhalle aaye. Sika vano munaphwanella wi mukhalleke a murima waweera echifundo, ooreera murima, awiiyeviha, oomaalleya ni oovillella.

Afilipi 2:26

Ohuukhallellani munkhella wi awooneni nyuwaano attheene nave animakhupanya kaambiiwa mwahiiwa wi aamavoriiwa.

Afilipi 2:1

Mu eyaattano ni Khrisitu munnallipihiwa murima nave echikondaaye ennavenyiha okhupanya wanyu. Mohaattanihiwa ni Munepa Waweella nave mooreera murima munnamorellana ethakaraka mmodda ni mukhwaaye.

2 Akorinto 13:9

Ninnahakallalla wi hiyaano naafookaka nyuwaano munnakhalla ni masiva. Nave ninnavekellattho wi mukhalle aphaama wunchichi.

Yobu 16:19

Ngoonani, mbonaaka ari oddullu, namunkhoswaaka ari wenko.

Agalatiya 3:26

Mu eyaattano ni Khrisitu Yesu, attheenenyu tti anamwani a Mulluku oweella mu echikhulupililo.