Afilipi 1:7 - Mawu a Mulluku

⁷ Kinnawuupuwellani enthawi ddittheddene! Nave vano nginalakwiha oganiza mwawi ddiidda dda nyuwaano attheene kaambiiwa nyuwaano munnakeerengella. Vawi nyuwaano mookikaviherana mutteko yoolla Mulluku akivahilleeye mu echisomwaaye, kiriimi mundende ni enthawi kaariimi oottaphulliwa wi koonihe ddawoona dda othenga waphaama ni owuteteza ni owuukeraatthiha moollipa.

Afilipi 1:7 ပူးပေါင်းရင်းမြစ်များ

2 Akorinto 7:3

Nginallota yeella wi kiweereni oochimwa. Koma wonanko mmo kallotilleemi khalle, nyuwaano tti ookondiwa wunchichi wa hiyaano, sika enthawi ddittheddene munnakhalla m'murimani mwahu, vookumini naari vookhwani.

Afilipi 1:5

ekaamba ya mmo mukikaviherelleenyu ovuwiha othenga waphaama ovenyera nllapo mwaambilleenyu okhulupilila ophiyera ollello.

2 Timoteo 2:9

Kaambiiwa yoollalleya othenga waphaama kinnahoosiwa navettho omakiwa wonanko muthu oonanara. Koma mawu a Mulluku khenamakiwa,

Akolose 4:18

Miyaano Paulo kinalemba dda moonoolla meekhaami. Muhitiwalle wi miyaano kiri mundende. Echisomo ya Mulluku ekhalle ni nyuwaano.

Afilipi 4:14

Komave mwaheera phaama okikavihera va ddookatamiha ddaka.

Aefeso 6:20

Ekaamba ya othenga yoolla miyaano tti kazembe naari vano kiri mundende. Vekellani wi killoteke moollipa murima dda othenga yoolla wonanko mmo kinaphwanellelleemi.

Aefeso 3:1

Ekaamba ya yeella, miyaano Paulo a mundende ekaamba ya Khrisitu Yesu, kinuuvekellelleemini wa Mulluku nyuwaano athu ayo ehiri Ayuda.

Mitteko 20:23

Emoddave eyo kinadduwelleemi tti yawi Munepa Waweella ookichenjeza wi muzinda orive muttheene kinayeemiwo, endende ni ddoohoosa ddinimakitiyera.

1 Yohane 3:14

Ninnadduwella wi noohiyana ni okhwa nave noophiya mu okumi kaambiiwa ninnaakonda asinnihu ni arokorihu. Ayo ehinakondana aakhallave vatthi va masiva a okhwa.

2 Petro 1:13

Miyaano kinnoona wi tti waphaama wi kiwuupuseni dda ddeko ddenndda enthawi kiriimi ni okumi.

1 Petro 4:13

Koma hakallallani mwaahoosiwaka wonanko Khrisitu. Sika wi muhakallalle wunchichi ntitimiho naye nuupullulliwa.

Aheberi 3:1

Asinnaka ni arokoraka, muri athu a Mulluku nave mwiithaniwe ni olliye! Ganizerani dda Yesu, murummwa ni mullupa mukutho muullupalli a echikhulupililwaahu.

2 Timoteo 1:8

Ohiwulliweke muru ovelleella omboni dda Apwiihu naari dda miyaano kiriimi mundende ekaamba ya Khrisitu koma okawane ni miyaano ddoohoosa ekaamba ya othenga waphaama mu masiva a Mulluku.

1 Atesalonika 5:5

Nyuwaano attheene tti athu a owala ni a otthaana. Khaniri a mahiiyu naari a epiphi.

Akolose 4:3

Nave munivekellelleke hiyaanottho wi Mulluku anihullelle mullako wi nillalleye othenga wa yoovittheya ya Khrisitu. Vawi miyaano vano kiri mundende ekaamba ya yeeyo.

Aefeso 4:1

Vano kinimuuvekani nyuwaano, miyaano a mundende kaambiiwa kinaarumeyella Apwiya wi mweeteke moophwanellella wiithaniwa nko Mulluku aawiithannenyuni.

Agalatiya 5:6

Vawi nakhalla mu eyaattano ni Khrisitu Yesu, ophaddiwa naari ohiphaddiwa khonna mutteko; yoopaalleya tti echikhulupililo eyo enaphara mutteko oyeella mu echikondi.

2 Akorinto 3:2

Nyuwaano sika kalataahu ootetheella, oolembiwa m'murimani mwahu wi arive muthu adduwelle ni weerenga.

1 Akorinto 13:7

Echikondi ennamaalleya mu ddeko ddittheddene, ennakhulupilila ddeko ddittheddene, ennatiyera mu ddeko ddittheddene, ennavillella mu ddeko ddittheddene.

1 Akorinto 9:23

Kineera ddittheddenndda ekaamba ya othenga waphaama wi nameenettho kaakhellena madaliso.

Mitteko 21:33

Oolamulellooyo aaya vaari Paulooyo, amuphara nave alamulella wi amakiwe ni onyolo miilli. Nave ahaakoha athu a vamullokonimvo wi, “Muthu yoolla ttaani navettho eerille tini?”

1 Petro 5:1

Miyaano, muttekweene, kinaaveka attekweene a mipingo ddanyu. Mi tti mboni a ohoosiwa wa Khrisitu nave kineerewaakhellana ntitimiho nno nnuupullulliwe. Kinuuvekani wi

Afilipi 1:12

Asinnaka ni arokoraka, kinapaalla mudduwelle wi ddeko ddeereye wa miyaano ddookavihera ovuwiha othenga waphaama.

Afilipi 1:13

Vawi, oowehera a Eroma ni athu amodda attheene wuno ennadduwella wi miyaano kiri mundende kaambiiwa kinamurumeyella Khrisitu.

Afilipi 1:14

Nave okhalla waka mundende wooweeriha asinnaka ni arokoraka anchichi ollipa murima wunchichi mu eyaattano ni Apwiya, sika enthawi ni enthawi ennallalleya othenga waphaama moohoova.

Afilipi 2:22

Koma nyuwaano munnadduwella mmo oonihalleeye oreera waye, mmo olliye ni miyaano, nipharelleehu mutteko nimodda wonanko mwaana aamullopwana ni Attiitthinnya ekaamba ya othenga waphaama.

Afilipi 4:3

Nave weyaanottho, mukhwaaka oororomelleya, kinapaalla wi waakavihereke atthiyanaalla; vawi aallipihella ophara mutteko woovuwiha othenga waphaama ni miyaano, vamodda ni Kilementi ni allupa mutteko akhwaaka attheene, ayo manddiniiwa eri mu nibukhu na akumi.

Afilipi 4:15

Nyuwaano Afilipi munnadduwella phaama ddene wi kavenyilleemi o Masedoniya ni waamba ollalleya othenga waphaama, nyuwaanove sika mwaari mpingo mmoddave oyo wakikavihenre miyaano mu ddoopaalla ddaka.

Filemoni 1:13

Kaanapaalla wi akhalleke ni miyaano wuno wi akikavihereke munipuroni mwa weyaano kiriimi mundendemmu ekaamba ya othenga waphaama.