Afilipi 1:6 - Mawu a Mulluku

⁶ Nave kinimasimikiza wi Mulluku, oyo aambille mutteko waphaama yoolla mwa nyuwaano, aneerovirellella ophara ophiyera akuthullalle va Nllapo na owa wa Khrisitu Yesu.

Afilipi 1:6 ပူးပေါင်းရင်းမြစ်များ

Afilipi 2:13

kaambiiwa Mulluku anaphara mutteko mwa nyuwaano wi mupaalle nave muwore omwiiwellella.

Aefeso 4:12

Enre ddenndda wi athu a Mulluku ekhozekelle mutteko woomurumeyella Khrisitu wi ellipihe mwiilli wa Khrisitooyo,

1 Petro 5:10

Nave mwahoosiwalle wa enthawi yooyeva, Mulluku a echisomo ettheene, oyo awiithanilleni wi mukawanena mu ntitimiho naye noohimalla mu eyaattano ni Khrisitu, olliye yeekhaaye aneerewuuhokollosellani masivaanyu, aneerewuullipihani navettho aneerewuukeraatthihani.

Masalimo 138:8

Apwiya eneerewoonesesa wi yoolingiiwa va miyaano yoheereya, Nyu Apwiya, echikondaanyu tti yoohisintheya, mukhwaranyihe mutteko mwaambilleenyooyo.

1 Akorinto 1:8

Eneerewuullipihani murima ophiyera va mamallihello wi muhikhalle ni yoochimwa va Nllapo na Apwiihu Yesu Khrisitu.

2 Atesalonika 1:11

Ella sika ekaambiiwa ninuuvekellelleehuni enthawi ddittheddene wi Mullukwaahu aweereni nyuwaano oophwanellella okumi oyo aawiithanelleeyeni. Ninavekattho wi ni masivaaye akwakhwanihe minkhella ddanyu ddaweera ddaphaama ni ddaweera mutteko wa echikhulupililo,

Aheberi 10:35

Sika muhinatathilla ollipa wanyu murima vawi muneerothuviwa wuullupalli.

Yohane 6:29

Yesu ahaakhulla wi, “Eyo Mulluku anapaalleeye wi mweere tti yawi mumukhulupilileke oyo aamurumalleeye.”

Afilipi 1:10

wi muwore otthoolla eyo eri yaphaama. Sika khamukhalla ni machimo ni yawiipiwana mullatu va Nllapo na owa wa Khrisitu.

Aheberi 12:2

Miitthwaahu ekhalle va Yesu oyo akeraatthihalle echikhulupilwaahu, oyo ananihoollella ni weeriha echikhulupililwaahu wi ekhalle yaphaama. Aavillella owullihiwa muru vookhomiwani vamutandani, ekaamba yoodduwella wi muhoollo aneerohakallalla. Vawi vano annakhalla o nnattanatta wa mpando woomwene wa Mulluku.

1 Atesalonika 1:3

Vawi ninnuupuwella vamiitthoni va Mullukwaahu ni Attiitthiihu ezipaso dda mitteko dda echikhulupilwaanyu ni mitteko dda echikondaanyu nave ovillella wa etiyerellwaanyu mwa Apwiihu Yesu Khrisitu.

Filemoni 1:21

Kinnakhulupilila wi oneerokiiwellella nave kinalemba yeella wa weyaano voodduwellani wi oneereweera naari ohiyana ni mommu kinallotelleemi.

Afilipi 1:29

Vawi moovahiwa ekari ohiri vookhulupililanive mwa olliye komattho ohoowa ekaamba ya olliye.

2 Atesalonika 3:4

Nave Apwiya ennanisimikizella wi munneera nnddo ninuulleelleehuni navettho muneerovirellella weera ddenndda.

Akolose 2:12

Vawi mwabatiziweenyu, mwaavitthiwa vamodda ni Khrisitu nave mu obatizo mwaavenyihiwattho ni Khrisitu oweella mu echikhulupilwaanyu mu masiva a Mulluku, oyo amuvenyihalle wa ookhwa.

2 Akorinto 7:16

Kinnahakallalla wi kinnuuroromellani mu erive ello.

Mitteko 11:18

Yiiwalliiwa yeella, yaahiya omuhumullulla wulle nave yaamutitimiha Mulluku, ellota wi, “Vano Mulluku ohaavaha athu ayo ehiri Ayuda ekari yawi ehiye machimo nave ekhalle ni okumi woohimalla!”

Mitteko 16:14

Mmodda a atthiyana yaniiwella nillotaka aari Lidiya, mutthiyana oovenyera o Tiyatira, oyo aari ookulliha ekuwo ddooreera ddoofiira. Aari mutthiyana oomullapella Mulluku nave Apwiya yaamuhoollella wi iiwesese mawu yallotiwa ni Paulo.

Agalatiya 5:10

Nave miyaano kinnuukhulupililani mwa Apwiya wi khamukhalla ni maganizo ohiyana ni aaka navettho wi muthu oyo anawaapheellihani muru, khaya ttaani, aneerollakiwa ni Mulluku.

2 Petro 3:10

Koma nllapo na Apwiya nineerophiya wonanko mullupaawiiya. Va nllapo nenno oddullu oneeromalla ni okhuwa wuullupalli ni ddeko ddooddullu ddineerewoonongiwa ni munllo. Nave ellapo yavatthi ni ddeko ddittheddene dda mwemmo ddineerewooneya.

2 Akorinto 9:4

Nave athu oovenyera o Masedoniya yaphiya ni miyaano nave ephwanya wi khamunakhozeke, nineerowulliwa muru vawuuroromellani navettho nyuwaano muneerowulliwa muru wunchichi ekaamba ya yeella.

2 Akorinto 2:3

Ella sika ekaambiiwa kalembilleemi kalata wa nyuwaano. Ngaapanlle owa wa nyuwaano wi kivoriihiwe murima ni nyuwaano, athu ayo yaphwanenlle okihakallalliha. Vawi kinnadduwella wi miyaano kahakallalla sika attheenenyuttho moohakallalla.

2 Akorinto 1:15

Kaasimikiza dda ddeko ddittheddenenndda wi vawaamba kapaalla owa wa nyuwaano wi mudalisiwe ni owa waka wiilli.

Afilipi 2:12

Sika vano, akhwaaka ookondiwa vawi mwaakiiwellella enthawi ettheene kaariimi ni nyuwaano, tti woopaalleya wunchichi wi mukiiwellelleke vano kiriimi woorekama ni nyuwaano. Virellellani ophara mutteko mwawoova ni mootthukumella wi mwakuthulle ovullusiwa wanyu,

Afilipi 2:16

Nave wanddeellellani othenga woovaha okumi. Mwaaweeraka ddiiddo kineerokhalla ni ekaamba yawuukotellani va Nllapo na owa wa Khrisitu kaambiiwa ddineerewooniha wi muttekwaaka ni ollipihella waka ottheene woophura ello.