Afilipi 1:5 - Mawu a Mulluku

⁵ ekaamba ya mmo mukikaviherelleenyu ovuwiha othenga waphaama ovenyera nllapo mwaambilleenyu okhulupilila ophiyera ollello.

Afilipi 1:5 ပူးပေါင်းရင်းမြစ်များ

Aheberi 3:14

Vawi attheenehi tti akhwaaye a Khrisitu okusella naphara moohitikheya echikhulupilwaahu naariihuna vawaamba valle ophiyera omamallihello.

Filemoni 1:17

Vano waakoonaka miyaano wonanko mukhwaawo oomurumeyella Khrisitu, omwaakhelle olliyoolla wonanko mmo wakaakhellelleewe miyaano.

Afilipi 1:7

Kinnawuupuwellani enthawi ddittheddene! Nave vano nginalakwiha oganiza mwawi ddiidda dda nyuwaano attheene kaambiiwa nyuwaano munnakeerengella. Vawi nyuwaano mookikaviherana mutteko yoolla Mulluku akivahilleeye mu echisomwaaye, kiriimi mundende ni enthawi kaariimi oottaphulliwa wi koonihe ddawoona dda othenga waphaama ni owuteteza ni owuukeraatthiha moollipa.

1 Yohane 1:3

Nnddo noonilleehu ni wiiwa ninallalleya wa nyuwaanottho wi mukawane ni hiyaano mu eyaattano niriihuna mwa Attiitthiihu ni mwa Mwanaye Yesu Khrisitu.

Aefeso 3:6

Yoovittheyeeyo tti yawi mwa othenga waphaama athu ayo ehiri Ayuda ni Ayuda eneerewaakhellana madaliso a Mulluku, yaayo tti mwiilli mmodda nave ennattakanyiherana mu lonjezo nno Mulluku ennreeye oweella mwa Khrisitu Yesu.

2 Akorinto 8:1

Asinnihu ni arokorihu, ninapaalla wi mudduwelle dda echisomo ya Mulluku eyo yavahiwe m'mipingoni o echigawo ya Masedoniya.

Aroma 15:26

Vawi athu a mipingo dda o Masedoniya ni dda o Akaiya yaaganiza moohiwatiheriwa wi evelleelle nikavihero wa athu a Mulluku oohoowa o Yerusalemu.

1 Yohane 1:7

Koma nakhalla mu owalanko, wonanko olliye ariiye mu owala, sika nookhalla ni eyaattano va mmodda ni mukhwaaye nave nikhame na Yesu, Mwanaye, ninnaneelliha ovenyiha machimo mattheene.

2 Petro 1:1

Ovenyera wa miyaano Simoni Petro, mullupa mutteko ni murummwa a Yesu Khrisitu. Kinalembella wa ayo evahiwe echikhulupililo yoowallamella ophwanaphwana ni yaahu oweella mu echilungamo ya Mullukwaahu ni Oovullusa Yesu Khrisitu.

Afilipi 2:12

Sika vano, akhwaaka ookondiwa vawi mwaakiiwellella enthawi ettheene kaariimi ni nyuwaano, tti woopaalleya wunchichi wi mukiiwellelleke vano kiriimi woorekama ni nyuwaano. Virellellani ophara mutteko mwawoova ni mootthukumella wi mwakuthulle ovullusiwa wanyu,

1 Akorinto 1:9

Mulluku tti oororomelleya, oyo aawiithanilleni nyuwaano wi mukhalle mu eyaattano ni mwanaye Yesu Khrisitu, Apwiihu.

Aroma 11:17

Enthambi ddimodda dda muteekho wa olivi wawaalliwa ddahinttakeya nave enthambi ya muteekho wa olivi wa muhakani waamakellelliwavo. Nyu athu ayo ehiri Aisraele muri wonanko muteekho wa olivi wa muhakani nave munnakawanana ddaphaama dda muteekho wa olivi wawaalliwa, Aisraele.

Mitteko 2:42

Athwaayo yaatthukumana vamodda wi ehuddereke wa amurummwaayo, enaattana, enamumeyameya buledi nave enamucha nimodda owaakattho enavekella nimodda.

Aroma 12:13

Muvelleelleke ddeko ddanyu wa ookhulupilila akhwiinyu oohoowa nave muwaakhelleke alleto m'mawaninyu.

Afilipi 1:12

Asinnaka ni arokoraka, kinapaalla mudduwelle wi ddeko ddeereye wa miyaano ddookavihera ovuwiha othenga waphaama.

Afilipi 1:16

nave enneera ddiidda ovenyera mu echikondi kaambiiwa ennadduwella wi Mulluku aakitthoolla oteteza othenga waphaama.

Afilipi 1:27

Vano yoopaalleya tti yawi mukhalleke moollikana ni othenga wa Khrisitu. Sika naari kiwe apaalle kihiwe wi kiwooneni kineerewiiwa wi mohiimella moohitikheya moowiiwanana moophara mutteko moollipa nimodda ekaamba ya echikhulupililo mu othenga waphaama.

Afilipi 2:22

Koma nyuwaano munnadduwella mmo oonihalleeye oreera waye, mmo olliye ni miyaano, nipharelleehu mutteko nimodda wonanko mwaana aamullopwana ni Attiitthinnya ekaamba ya othenga waphaama.

Afilipi 4:3

Nave weyaanottho, mukhwaaka oororomelleya, kinapaalla wi waakavihereke atthiyanaalla; vawi aallipihella ophara mutteko woovuwiha othenga waphaama ni miyaano, vamodda ni Kilementi ni allupa mutteko akhwaaka attheene, ayo manddiniiwa eri mu nibukhu na akumi.