Afilipi 1:25 - Mawu a Mulluku

²⁵ Kinimasimikizella yeella nave kinnadduwella wi kineerokhallawove. Kineerovirellella okhallave ni nyuwaano attheene, waanjerera opambana wanyu ni ehakallallwaanyu mu echikhulupililo,

Afilipi 1:25 ပူးပေါင်းရင်းမြစ်များ

Afilipi 2:24

Nave kinnasimikiza mwa Apwiya wi miyaano meekhaaka kineeroowa wa nyuwaano veneva.

2 Akorinto 1:24

Hiyaano khaninuulamulani yoophwanella nyuwaano okhulupilila vawi ninnadduwella wi nyuwaano tti oohitikheya mu echikhulupililo. Koma ninaphara mutteko ni nyuwaano wi muhakallalle.

Aroma 15:13

Mulluku oyo ananivaha otiyera uddalliheni ni oohakallalla ni murendelle kaambiiwa munnamukhulupilila. Sika otiyera wanyu oneerovirellella wunnuwa ni masiva a Munepa Waweella.

Aroma 5:2

Kaambiiwa naamukhulupilila Yesu Khrisitu aaneeriha wi noonena echisomo ya Mulluku, eyo eri matthipellellwaahu. Nave vano ninnahakallalla wi ninnatiyera okhalla ni ntitimiho na Mulluku!

Mitteko 20:25

“Kooweetellani attheenenyu, killalleyaka omwene wa Mulluku. Nave vano kinnadduwella wi khaavo a nyuwaano anaakoonettho.

1 Petro 1:8

Munnamukonda naari muhimonne nave munnakhulupilila mwa yooyo naari vano muhimonne. Sika munnahakallalla wuullupalli ni murimaanyu muttheene,

Aroma 15:29

Kinnadduwella wi kawa owaninyunko kineeroowa ni madaliso manchichi a Khrisitu.

Aroma 15:18

Kineerollota moohoova ddennddove Khrisitu eerilleeye oweella mwa miyaano wi kineeroweeriha athu ayo ehiri Ayuda omwiiwellella Mulluku. Kineereweera ddenndda voollotani ni voopharani muttekwaaka

Mitteko 14:22

Yahaallipiha murima ni waalleellesesa wi evirellelle okhulupilila. Yahaahuddiha wi, “Ninaphwanella wi nikumane ni ddoohoosa wi navollowe mu omwene wa Mulluku.”

Mitteko 11:23

Aphiyalleeyewo ahoona echisomo ya Mulluku vaathwaayo. Aahakallalla nave aallipiha mwiilli attheenaayo wi evirellelle ookhulupilila mwa Apwiya ni murimiiwa muttheene.

Luka 22:32

Koma miyaano kohuuvekella weyaano Simoni wi echikhulupilwaawo ehimalle. Nave warukunuwa murima, waallipiheke murima ookhulupilila akhwaawaalla.”

Masalimo 60:6

Mulluku ari onipuroni naye naweella, oolonjeza wi, “Kineerewuukawellani ellapo ya Shekemu moohakallalla, kineerewuuphadderani malire mu ntapo na Sukoti.

Afilipi 1:24

Nave tti woopaalleya wi kikhalleve mukumi ekaamba ya nyuwaano.

Filemoni 1:22

Navettho okikhozere vookonavo kaambiiwa kinatiyerella wi Mulluku aneerewiiwa mavekello a nyuwaano nave kineerohokolloselliwa wa nyuwaano.