Afilipi 1:10 - Mawu a Mulluku

¹⁰ wi muwore otthoolla eyo eri yaphaama. Sika khamukhalla ni machimo ni yawiipiwana mullatu va Nllapo na owa wa Khrisitu.

Afilipi 1:10 ပူးပေါင်းရင်းမြစ်များ

Aroma 12:2

Muhittakihereke makhallello a athu a va ellapo yavattheella. Koma mwaakhullelle wi Mulluku uutthattuseni vawuuvahani murima wanaanweene. Vano muneerodduwella eyo Mulluku anapaalleeye, yaphaama wunchichi, yoomuhakallalliha ni yoophwanellella.

1 Atesalonika 3:13

Mwa yeella aneerewuullipihani mirima ddanyu nave muneerokhalla aphaama ni aweella vamiitthoni va Mullukwaahu ni Attiitthiihu yaawaaka Apwiihu Yesu vamodda ni athwaaye attheene.

1 Atesalonika 5:23

Nave Mulluku amurendelle aweelliheni nyuwaano mu erive ello navettho munepaanyu, okumaanyu ni mwiillaanyu ddihikhalle ni erive yoolakwa yaawaaka Apwiya Yesu Khrisitu.

Aroma 2:18

munnadduwella eyo Mulluku anapaalleeye wi mweere nave ovenyera m'malamuloni moohuddera otthoolla yawoona,

Aefeso 5:10

Mweeseeseke odduwella ddinaahakallalliha Apwiya.

1 Yohane 4:1

Akhwaaka ookondiwa, muhinaakhulupilila ayo enallota wi aakhalla ni munepa koma muweeseke wi mudduwelle munepa eriiwanooyo waarimi ovenyeraka wa Mulluku. Vawi anamallotella awoottha anchichi yahooneya va ellapo yavatthi.

Afilipi 1:6

Nave kinimasimikiza wi Mulluku, oyo aambille mutteko waphaama yoolla mwa nyuwaano, aneerovirellella ophara ophiyera akuthullalle va Nllapo na owa wa Khrisitu Yesu.

1 Atesalonika 5:21

Nave mweeseke ddittheddene nave mupharesese yaphaameeyo.

1 Akorinto 1:8

Eneerewuullipihani murima ophiyera va mamallihello wi muhikhalle ni yoochimwa va Nllapo na Apwiihu Yesu Khrisitu.

Yawuupullulla 2:2

kinnadduwella makhallellwaanyu, ophara mitteko moollipiha ni ovillella wanyu woohitikheya ni ddaweereya. Kinnadduwellattho wi khamuniiwanana ni athu aweera ddoonanara. Navettho mohoona makhallello a ayo eniiromolla weekhiiwa wi tti amurummwa ehiri yaayo nave mohaaphwanya wi tti athu awoottha.

Aefeso 5:27

wi iivahe yeekhaaye mpingo wookhalla ni ntitimiho, waweella ni woohikhalla ni yoonanara, woohikhalla ni nipamba apaalle mahoonya apaalle erive ello yoohikhalla phaama.

Yohane 1:47

Yesu amoonilleeye Natanaele awaaka wa olliye, aallota dda olliyooyo wi, “Olla sika mu Israele awoona, mwa olliyooyo khamuri woottha.”

Mateyu 16:23

Koma Yesu aamurukunuwella Petro allota wi, “Okivenyerevo, Satana! Weyaano tti oolepheliha muttekwaaka kaambiiwa maganizwaawo khenavenyera wa Mulluku koma wa athu.”

Yoswa 24:14

“Vano nyuwaano, mwaavahe olemu Apwiya nave mwaarumeyelleke mwawoona nave moororomelleya. Venyihani milluku nnddo makhollwaanyu yaddillapelliiwa okhopella wa mihinje wa Yufurate ni o Iguputo nave mwaarumeyelle Apwiya.

2 Akorinto 1:12

Ninnakotella wi yawuupusella murimaahu ennanisimikizella wi naakhalla moolungama ni moororomelleya makamaka nakhalleehu ni nyuwaano. Khanaawerille nndda oweella mu ezeru dda athu koma oweella mu echisomo ya Mulluku.

Aroma 12:9

Echikondi ehikhalleke yawoottha. Mwiiteke yoonanara nave muhihiyeke yaphaama.

Aroma 8:7

Sika vano athu yaaweetihiwaka ni omuthwiiwa enakhalla adani a Mulluku vawi kheniiwellella malamulo a Mulluku nave khenaworattho owiiwellella yaayo.

Mateyu 26:33

Petro aallota wi, “Naari amodda yuuhiyeni, miyaano nguuhiyani.”

Mika 3:2

Koma munniitana ni ddaphaama ni okonda ddoonanara. Athwaaka munnawaatta ookumi ni ottovorolla muhehiiwa.

Yobu 34:3

Vawi naaru niniiwesesa mawu, wonanko muwano munallawihelliiwa yoocha.

Yobu 12:11

Ethiyo khe naaru nineesa mawu wonanko mmo nllumi ninallawihelliiwa yoocha?

Genesis 20:5

Abrahamu vookilleellani allotille wi, ‘Tti murokoraka,’ Nave olliyettho mwaneenaaye aallota wi, ‘Tti murokoraka.’ Miyaano vaweerani ddenndda, ngoonille yawuupusella murima nave ngichimwalle.”

Afilipi 1:16

nave enneera ddiidda ovenyera mu echikondi kaambiiwa ennadduwella wi Mulluku aakitthoolla oteteza othenga waphaama.

Aefeso 6:24

Echisomo ekhalle ni attheene ayo enaakonda Apwiihu Yesu Khrisitu ni echikondi yoohisintheya.

Aefeso 4:15

Voollotani yawoona mwa munepa wa echikondi, ninaphwanella wunnuwa mu ddeko ddittheddene mwa Khrisitu, oyo ari muru.

Agalatiya 5:11

Nave miyaano, asinnaka ni arokoraka, kavirellella ollalleya wi ophaddiwa tti woopaalleya, kinahoosiwa kaambiiwa tini? Ddaariki ddawoona, sika ollalleya waka wa dda mutanda wa Khrisitu khawaaweerihe ddookatamiha.

2 Akorinto 8:8

Nginallota yeella moolamula. Koma vawoonihani ntthitti na athu amodda voovahani, kinaaka koone echikondaanyu yaarimi eri yawoona.

2 Akorinto 6:3

Khaninapaalla wi arive muthu aphwanyelle muttekwaahu yoonanara. Sika ninneeseesa wi nihihiye yoolepheliha va ettilla ya arive muthu.

2 Akorinto 2:17

Hiyaano khaninaphwanaphwana ni athu amodda anchichi ayo enakusa othenga wa Mulluku wonanko tti malonda oohiwallamella mutengo koma kaambiiwa Mulluku oonirumiha hiyaano, ninavuwiha othenga mwawoona vamiitthoni vaye oweella mwa Khrisitu.

1 Akorinto 10:32

Muhaakwakwatuwihe Ayuda apaalle athu oohimullapella Mulluku apaalle mpingo wa Mulluku.

1 Akorinto 8:13

Sika vano yoocha yamukwakwatulliha mwanamunnaka apaalle murokoraka, ngiwa kichattho enama yeella wi kihaakwakwatullihe.

Aroma 16:17

Asinnaka ni arokoraka, kinimuuvekani nyuwaano wi muchenjerekena athu ayo enaakawaniha athu ni owaapheelliha muru voohuddihani ddoohiyana ni nnddo mwahudderennyu. Muhiwaatamelleke yaayo.

Aroma 7:22

Murimaaka muttheene onnahakallalla ni malamulo a Mulluku.

Aroma 7:16

Vano keera eyo kihinapaalleemi, kinnaakhullella wi malamulo tti aphaama.

Mitteko 24:16

Nave sika kinnallipihella mallapo mattheene okhalla muthu oohikhalla ni mullatu vamiitthoni va Mulluku ni athu.

Yohane 3:20

Vawi attheene eneera ddeko ddoonanara enniitana ni owala. Nave khenawa nko ori owala kaambiiwa khenapaalla wi mitteko ddiwa ddoonanara ddooneye.

Afilipi 2:16

Nave wanddeellellani othenga woovaha okumi. Mwaaweeraka ddiiddo kineerokhalla ni ekaamba yawuukotellani va Nllapo na owa wa Khrisitu kaambiiwa ddineerewooniha wi muttekwaaka ni ollipihella waka ottheene woophura ello.