Aefeso 6:9 - Mawu a Mulluku

⁹ Nave Apwiya nyu, mukhallekena phaama akaporwaanyu nave muhiye owoopopiha. Munnadduwella wi nyuwaano vamodda ni akaporwaanyu mookhalla ni Apwiya amodda oddullu, ayo anamweeruza arive muthu moohiweha ekhove.

Aefeso 6:9 ပူးပေါင်းရင်းမြစ်များ

Akolose 3:25

Nave aweera ddoonanara eneerewaakhella yoonanara eneeriiwa kaambiiwa Mulluku annamweeruza arive muthu moohiweha ekhove.

Mitteko 10:34

Petro ahaamba ollota wi, “Ddawoona, vano kohiiwesesa wi wa Mulluku athu attheene tti oophwanaphwana.

Aroma 2:11

Vawi Mulluku khanaweha ekhove.

Luka 6:31

Muweerelleke athu amodda, nnddo munapaalleenyu wi eweerellekeni nyuwaano.

Mateyu 7:12

“Muweerelleke athu amodda nnddo munapaalleenyu wi eweerellekeni nyuwaano. Nngu sika ottaphullella wa malamulo a Mose ni ehuddiho ya anamallotella.

Deuteronomo 10:17

Vawi Apwiya Mullukwaanyu tti ookhwaranya milluku ddittheddene navettho tti owaakhwaranya apwiya attheene. Alliwa tti uullupalli, amasiva ni awoopiha, khenaweha ekhove nave khenaakhella ddamukaphwani.

Yakobo 2:13

Vawi muthu aweeruza moohikhalla ni echifundo nayeenettho Mulluku aneeromweeruza moohikhalla ni echifundo. Koma oyo ari ni echifundo khanoova echiweruzo ya Mulluku.

Yakobo 2:8

Vano munneera phaama mwaarimi muthwaraka malamulo a omwene ayo enaphwanyeya mu mawu a Mulluku awi, “Omukondeke mukhwaawo wonanko mmo oniikondelleewe weekha.”

1 Akorinto 1:2

Kinalembella mpingo wa Mulluku oyo ori m'muzindani wa Korinto, wa ayo yeeriwe aweella mwa Khrisitu Yesu nave yiithaniwe wi ekhalle athu a Mulluku. Navettho kinalembella wa athu attheene enaallapella Apwiihu Yesu Khrisitu m'mapuroni mattheene. Olliye tti Apwiiwa ni aahu.

Yohane 13:13

Nyuwaano munakeera ‘Ahuddihi’ Navettho ‘Apwiya.’ Munnallota phaama vawi miyaano tti yooyo.

Yakobo 5:4

Allupa mutteko oohata m'matani mwanyu khamunaallivella. Mwiiwe okhuwa wiwa! Okhuwa wa oohataayo wohiiweya ni Mulluku, Apwiya Amasiva Mattheene.

1 Akorinto 7:22

Vawi kaporo oyo iithaniwe ni Apwiya tti oottaphulliwa vamiitthoni va Apwiya; emoddamoddave yeeyo muthu oyo ahiri kaporo iithaniwe ni Khrisitu tti kaporwaaye.

Mateyu 24:51

Apwinnyaalle eneeromuphaddaphadda nave eneeromullaka wonanko athu awoottha. Eneerekewinlla ni okhuuriha miino.

Mateyu 24:48

Koma mullupa muttekoolle akhalla oonanara, aneerollota m'murimani mwaye wi apwinnya emmaselliwa.

Mateyu 22:10

Sika allupa muttekwaalle yaaya omisewuni wulle yaatthukumaniha attheenaayo yaaphwanyilliiwa, oonanara naari aphaama vawi enyumba ya machellello yaaddalla ni awiithaniwa.

Mateyu 22:8

Eerille ddiiddo aawiithana allupa muttekwaaye niwaalleella wi, ‘Machellellwaaka a okwati vano ahiithwa koma alleto awiithaniwaayo kheyaaphwanenlle wiithaniwa.

Malaki 3:5

Apwiya Amasiva Mattheene enallota wi, “Kineerewooneyella wa nyuwaano wi keeruze nave kineerovelleella omboni wowaavaanyiha attheene ehinakoova monga amasenga, ooraruwa, oollupella mwawoottha, oowiiyera mallivello allupa muttekwiiwa, owaanyingallella anaamukhwelle, akhwaadduni ni athu eelleto.”

Daniele 3:15

“Mwaakhullella wi mwiiwa winlla wa nipallapata, echitoliro, zeze, ethangara, gitala wizilo ni wiipa wa mitundumitundu, muneeropopheya erukullu vatthi ni ollapella nifano nagolide nno kiniimenseemi, ddaphaama. Koma mwaahinillapella muneerovokhiwa mu eng'anjo yamunllo. Vano ethiyo tti mulluku oovi anuuvulluseni m'mattani mwaka?”

Daniele 3:6

Arive muthu oohipopheya ekhove vatthi ni ollapella nifano nagolide aneerovokhelliwa mu eng'anjo yamunllo.”

Yesaya 47:6

Kahaashella murima athwaaka, kahaahambulla wonanko khe yoohallanaaka. Kahaavelleella m'mattani mwawo, weyaano khewaaweerelle echifundo waawummella murima naari awuulluvalla.

Oollalleya 5:8

Wawoona athu oohoowa ehoosiwaka mwiillaponi navettho yaakhiwaka murendelliiwa ni echilungamo mweekuku, ohittikhine. Vallethi oowehera muullupalli ookhallana mmodda muullupalli wunchichi oyo anamuwehera. Navettho vookhalla uullupalli wunchichi amodda ayo enaawehera.

Masalimo 140:12

Nyu Apwiya kinnadduwella wi munnaateteza oohoosiwa, munnaweeruza mweechilungamo athu oopaneya.

Nehemiya 5:5

Vano naari niri a mutundu mmoddave ni akhwiihwaalla nave wi aniihu ennaphwanaphwana ni aniiwa, ninnaawatihera aniihu wi ekhalle akaporo nave amodda mwa aniihu aatthiyana aaphariwa khalle okaporo. Komathi hiyaano khaninna masiva wi neerevo ello vawi athu amodda aanaakha khalle emata ddahu ni emata ddahu ddampesa.”

1 Samuele 15:17

Samuele aallota wi, “Naari muddoonaka wi muri oohipaalleya wunchichi vamiitthoni va athu koma muri oohoollella malloko mattheene a Aisraele. Apwiya yahuuzozani wi mukhalle mwene owaalamulella Aisraele.

Levitiko 19:13

“Muhimunyingallelle mukhwiinyu apaalle omwiiyera ddeko ddaye. Muhinasunga mallivello a mullupa muttekwaanyu mahiiyu mattheene ophiyera ohinase.

Yobu 34:19

Olliye khanaakondella oolamulella apaalle waariiha eeyuuma okhwaranya oohoowa vawi attheenaayo tti mutteko wa mattaaye.

Akolose 4:1

Apwiya nyu, mukhallekena phaama ni mweechilungamo akaporwaanyu. Vawi munnadduwella wi nyuwaano mookhallattho ni Apwiya oddullu.