Aefeso 6:20 - Mawu a Mulluku

²⁰ Ekaamba ya othenga yoolla miyaano tti kazembe naari vano kiri mundende. Vekellani wi killoteke moollipa murima dda othenga yoolla wonanko mmo kinaphwanellelleemi.

Aefeso 6:20 ပူးပေါင်းရင်းမြစ်များ

2 Akorinto 5:20

Vano hiyaano tti akazembe a Khrisitu nave Mulluku annuuvekani oweella mwa hiyaano. Vano ninnuuvekani munipuroni mwa Khrisitu wi mwaattanihiwe ni Mulluku.

Akolose 4:4

Vano vekellani wi kuupullulle othenga yoolla mwawiiweya moollikana ni mmo onapaalleyelliiwa.

2 Timoteo 2:9

Kaambiiwa yoollalleya othenga waphaama kinnahoosiwa navettho omakiwa wonanko muthu oonanara. Koma mawu a Mulluku khenamakiwa,

Afilipi 1:7

Kinnawuupuwellani enthawi ddittheddene! Nave vano nginalakwiha oganiza mwawi ddiidda dda nyuwaano attheene kaambiiwa nyuwaano munnakeerengella. Vawi nyuwaano mookikaviherana mutteko yoolla Mulluku akivahilleeye mu echisomwaaye, kiriimi mundende ni enthawi kaariimi oottaphulliwa wi koonihe ddawoona dda othenga waphaama ni owuteteza ni owuukeraatthiha moollipa.

Mitteko 26:29

Paulo ahaakhulla wi, “Khaya ddinaakuse enthawi yooyeva apaalle yoorekama, nivekello naka wa Mulluku sika nawi nyuwaano ni athu attheene enakiiwellella ollellwaalla ekhalle wonanko miyaano, opatula omakiwave ni onyoloolla!”

1 Yohane 3:16

Ninnadduwella wi echikondi tti tini kaambiiwa Khrisitu aapaalla okhwa ekaamba ya hiyaano. Navettho hiyaano ninaphwanella nipaalleke okhwa ekaamba ya asinnihu ni arokorihu!

2 Timoteo 1:16

Apwiya yeerelle echifundo nibanja na Onesifore kaambiiwa aakihakallalliha wiilliwiilli. Nave khaawulliwe muru naari kaariimi mundende.

1 Atesalonika 2:2

Munnadduwella mmo nahooselliweehu ni onyaambusiwa o Filipi nihinawe wa nyuwaano o Tesalonika. Nave naari navaanyihiwe wunchichi, Mullukwaahu aanillipiha murima wi nuulleelleni dda othenga waphaama woovenyera wa olliyooyo.

Afilipi 1:20

Ni murimaaka muttheene kinnatiyera nave kinnapaalla wi miyaano kihilephele muttekwaaka muttheene. Koma enthawi ettheene, makamaka vano kikhalle oollipa murima wi kimutitimihe Khrisitu ni mwiillaaka muttheene naari kikhwille apaalle kiri mukumi.

Aefeso 6:19

Nave mukivekellellekettho miyaano wi Mulluku akivahe othenga kaallalleyaka wi killoteke moollipa murima nave wi yookhuweya ya othenga waphaama edduwelliwe.

Aefeso 4:1

Vano kinimuuvekani nyuwaano, miyaano a mundende kaambiiwa kinaarumeyella Apwiya wi mweeteke moophwanellella wiithaniwa nko Mulluku aawiithannenyuni.

Aefeso 3:1

Ekaamba ya yeella, miyaano Paulo a mundende ekaamba ya Khrisitu Yesu, kinuuvekellelleemini wa Mulluku nyuwaano athu ayo ehiri Ayuda.

Mitteko 28:31

Aallalleya dda omwene wa Mulluku nave ahuddiha dda Apwiya Yesu Khrisitu, aallota moottaphuwa ni moohikhalla ni yookatamiha.

Mitteko 28:20

Ekaamba ya yeella koowiithanani wi killote ni nyuwaano vawi kimakiwalle ni onyoloolla ekaamba ya oyo ari etiyerello ya athu a o Israele.”

Mitteko 5:29

Koma Petro ni amurummwa akhwaayaayo yahaakhulla wi, “Ninaphwanella omwiiwellella Mulluku ohiyana ni owiiwellella athu.

Miyambo 13:17

Murummwa oohiroromelleya annaahiya athu mu ddookatamiha koma oororomelleya annachiriha.

Yuda 1:3

Akhwaaka ookondiwa, kaapaallesesa wuulembellani dda ovullusiwa nko attheene nirinaahu mwa Yesu Khrisitu. Koma kahoona wi tti waphaama wuulembellani vano wi kuuvekeni wi mullipanena oteteza echikhulupililo eyo Mulluku aavahilleeye athwaaye aweella omoddave wenko.

Filemoni 1:10

Sika kinimuuveka weyaano dda Onesimo. Olliye ari wonanko mwanaka vawi kiriimi mundende ohaamba okhulupilila oweella mwa ollalleya waka.

Mitteko 21:33

Oolamulellooyo aaya vaari Paulooyo, amuphara nave alamulella wi amakiwe ni onyolo miilli. Nave ahaakoha athu a vamullokonimvo wi, “Muthu yoolla ttaani navettho eerille tini?”

Yesaya 58:1

Apwiya enallota wi, “Khuwa wunchichi, ohihiyerere! Llipiha okhuwa wonanko nipallapata! Alleelle athwaaka dda olakwa wiwa ni a nibanja na Yakobo dda machimwiiwa.

Yeremiya 1:17

Koma we Yeremiya, okhozeke nave oye waalleelle erive ello kuulamulelleemi. Ohiwoove alliwa wi kihuutthattuse awoova vamiitthoni viwa.

Yesaya 33:7

Oollipa murima ennakhuwa omusewuni nave amithenga amurendelle eninlla mweethakaraka.

Yeremiya 40:1

Mawu a Apwiya yaawa wa Yeremiya va enthawi eyo Nebuzaradani oohoollella a alonda amuttaphunlleeye o Rama. Amuphwanyille amakiwe ni onyolo ni awuukaporoni amodda a o Yerusalemu ni a o Yuda ooyaana o Babiloni.

2 Akorinto 3:12

Kaambiiwa nookhalla ni etiyerello yeella, khaninoova voollalleyani othenga.

Akolose 4:3

Nave munivekellelleke hiyaanottho wi Mulluku anihullelle mullako wi nillalleye othenga wa yoovittheya ya Khrisitu. Vawi miyaano vano kiri mundende ekaamba ya yeeyo.

Filemoni 1:9

Koma ekaamba ya okondana wahu, kinapaalla wuuveka, miyaano Paulo, oomwimellella Khrisitu Yesu navettho a mundende ekaamba ya omurumeyella olliye.