Aefeso 6:19 - Mawu a Mulluku

¹⁹ Nave mukivekellellekettho miyaano wi Mulluku akivahe othenga kaallalleyaka wi killoteke moollipa murima nave wi yookhuweya ya othenga waphaama edduwelliwe.

Aefeso 6:19 ပူးပေါင်းရင်းမြစ်များ

Akolose 4:3

Nave munivekellelleke hiyaanottho wi Mulluku anihullelle mullako wi nillalleye othenga wa yoovittheya ya Khrisitu. Vawi miyaano vano kiri mundende ekaamba ya yeeyo.

Mitteko 4:29

Vano, Apwiya, neerelleni echifundo kaambiiwa ennanoopopiha nave nillipiheni hiyaano oorumeyellaanyu wi nillote othengaanyu moollipa murima wunchichi.

2 Atesalonika 3:1

Voomallihella, asinnihu ni arokorihu, munivekellelleke hiyaano wi othenga wa Apwiya ovirellelleke ovuwa mwawaakuva navettho waakhelliwe ni ntitimiho, wonanko mmo weerelliiwa mwa nyuwaano.

1 Atesalonika 5:25

Asinnihu ni arokorihu, munivekellelleke hiyaano.

Aheberi 13:18

Munivekellelleke hiyaano naari nihikayikaka wi nookhalla ni ello yoonivaanya m'murimani mwahu vawi ninneeseesa weera ddittheddene mwa phaama.

Mitteko 4:31

Yamallihalliiwa ovekellanko, vanipuroni mvo yatthukumanniiwa vaatikheya. Attheenaayo yaaddalliwa ni Munepa Waweella nave yaamba ollalleya othenga wa Mulluku moollipa murima.

1 Atesalonika 2:2

Munnadduwella mmo nahooselliweehu ni onyaambusiwa o Filipi nihinawe wa nyuwaano o Tesalonika. Nave naari navaanyihiwe wunchichi, Mullukwaahu aanillipiha murima wi nuulleelleni dda othenga waphaama woovenyera wa olliyooyo.

2 Akorinto 8:7

Mookhalla ni ddittheddene ddawaata, mu echikhulupililo, mu ddoollota, moodduwella ddeko, mu ntthitti nanyu nittheene ni mu echikondaanyu va hiyaano. Sika vano moonesese wi mookhalla ni ddawaata m'muttekoni waphaamoolla.

Aefeso 1:9

Mulluku aheera yoolinga eyo apaalleeye weera nave aanilleella yoolinga yoovittheya eyo aganizalleeye wi amallihe mwa Khrisitu.

1 Akorinto 4:1

Vano athu enaphwanella eneereke hiyaano oorumeyella a Khrisitu oopwatha ddookhuweya ddoovenyera wa Mulluku.

Mitteko 28:31

Aallalleya dda omwene wa Mulluku nave ahuddiha dda Apwiya Yesu Khrisitu, aallota moottaphuwa ni moohikhalla ni yookatamiha.

Mitteko 19:8

Wa miyeri miraru Paulo aanaya mu enyumba yamavekello nave aanallota moollipa murima wa athu, okambiranana ni opaalla waakopella mu omwene wa Mulluku.

Mitteko 13:46

Koma Paulo ni Baranaba yaallota moollipa murima wi, “Waari woophwanella wi mawu a Mulluku ellotiwe wa nyuwaano vawaamba. Ekaamba yawi mohaakhoota, mohooniha wi khamunaphwanella okumi woohimalla, nineerewuuhiyani niye wa athu ayo ehiri Ayuda.

Filemoni 1:22

Navettho okikhozere vookonavo kaambiiwa kinatiyerella wi Mulluku aneerewiiwa mavekello a nyuwaano nave kineerohokolloselliwa wa nyuwaano.

Akolose 2:2

Kineera ddenndda wi ellipihiwe murima ni wi yaattaneke mu echikondi nave wi ekhallena eyuuma ya osimikizella wookwakhwana nko onawa ni wiiwesesa wawoona. Mwawi ddiidda eneerodduwella yookhuweya ya Mulluku wi tti Khrisitu yooyo.

2 Akorinto 3:12

Kaambiiwa nookhalla ni etiyerello yeella, khaninoova voollalleyani othenga.

1 Akorinto 1:5

Vawi mwa Khrisitu mohaakhella ddeko, mawu mattheene ni odduwella ottheene mwawaata.

Mitteko 14:3

Koma Paulo ni Baranaba yaakhallawo enthawi yoorekama, ellalleyaka moollipa murima dda Apwiya. Apwiya yaakhalla mboni a othengiiwa wa echisomwiiwa vawaavahani masiva aweera ezizindikiro ni ddoottikhiniha.

Mitteko 9:27

Koma Baranaba aawa amukavihera nave amukusa ayaana wa amurummwa. Ahaatthopoollella ddeereye wi Saulo aawoona Apwiya vamusewuni nave yaallotana. Ahaalleellattho wi Saulo aallipa murima voollalleyani mu nnddina na Yesu mu Damasiko

1 Timoteo 3:16

Ndithu, ella tti yoovittheya yawoona yuullupalli ya echikhulupililwaahu yawi, “Yooyo ahuupullulliwa mu mwiilli wa muthu, Munepa aamweerella omboni wi olliye tti awoona. Nave ahooniwa ni angelo. Aallalleyiwa mwa athu a mitundu ddittheddene, aakhulupililiwa mu ellapo yavatthi ettheene, nave aawellihiwa oddullu mu ntitimiho.”

2 Akorinto 7:4

Kinnallota moohoova ello navettho kinnuukotellani! Mu ddoohoosa ddahu ddittheddene kinnallipa murima wunchichi navettho kiri oohakallalla ni murimaaka muttheene.

2 Akorinto 1:11

Nyuwaano munaphwanella munikaviherekettho voovekellani. Vano athu anchichi eneeromuthokoza Mulluku ekaamba yoonidalisa vawaakhullellani mavekellwaahwaalla.

1 Akorinto 2:7

Ezeru kinalloteemi tti dda Mulluku ddookhuweya nnddo atthoollelleeye ntitimiho nahu ellapo yavatthi ehinaphatusiwe.

Aroma 15:30

Asinnaka ni arokoraka, vano kinimuuvekani, oweella mwa Apwiihu Yesu Khrisitu navettho ni echikondi ya Munepa Waweella wi nipharane matta vookivekellani moollipiha wa Mulluku.

Mitteko 18:26

Vano ahaamba ollota moollipa murima mu enyumba yamavekello. Prisila ni Akwila yamwiiwalliiwa, yaamukusella onyumbani wiwa, eya yamutthopoollella phaama dda ettilla ya Mulluku.

Mitteko 4:13

Attekweene a Ayuda yoonilliiwa ollipa murima wa Petro ni Yohane nave wi yaari athu shisha oohihuddera, yaattikhina. Navettho yaadduwella wi yaanakhalla vamodda ni Yesu.

Mitteko 2:4

Attheenaayo yaaddalliwa ni Munepa Waweella nave yahaamba ollota ellotello ddoohidduwanyeya* kaambiiwa Munepooyo waaweeriha wi ewore ollota mwawi ddiiddo.

Mitteko 9:29

Aallotattho ni okambirana ni Ayuda oollota Egriki nave alliwaayoottho yaapaalla omwiipha.

Aroma 16:25

Mulluku atitimihiwe! Olliye annawora ollipiha echikhulupilwaanyu moollikana ni othenga waphaama wa Yesu Khrisitu kinallalleyeemi navettho moollikana ni wuupullulla yawoona yookhuweya eyo yavitthiwe miyakha ddinchichi khalle.

2 Akorinto 6:11

Akhwaaka ookondiwa a o Korinto, ninnuulleellani mwawiiweya nave nohuuhiyani vamurimani wunchichi.

Aefeso 3:9

nave owoonihella athu attheene mmo yoolinga yoovittheya ya Mulluku eneeriiwa yeereyelle. Mulluku oyo tti oophatusa ddeko ddittheddene aakhuwa yoovittheyaaye enthawi ettheene yakhalle,