Aefeso 6:18 - Mawu a Mulluku

¹⁸ Mweereke ddenndda mu nivekello. Muvekelleke va ddirive ddaweereya, moohoollelliwa ni Munepa. Mukhalleke oowehera nave muvekelleke moohihiyerera, mwaavekellellekettho athu a Mulluku enthawi ettheene.

Aefeso 6:18 ပူးပေါင်းရင်းမြစ်များ

1 Atesalonika 5:17

Vekellani moohihiyerera.

Akolose 4:2

Vekellani moohihiyerera, muwehereke mwaavekellaka nave mumuthokozeke Mulluku.

Afilipi 4:6

Muhikhupanyeke erive ello koma mumulleelleke Mulluku erive ello munapaalleenyu moovekella. Enthawi ddittheddene muvekeke ni murima woothokoza.

1 Timoteo 2:1

Vawaambellella kinuuvekani nyuwaano wi yeeriweke mavekello ooveka ni oomuthokoza Mulluku ekaamba ya athu attheene,

Yuda 1:20

Koma nyuwaano, akhwaaka ookondiwa, muwumake okumaanyu va matthipello a echikhulupililo yaweella. Nave muvekelleke moohoollelliwa ni Munepa Waweella.

Mariko 14:38

Muhikoneke, muvekelleke wi muhivollowe mooweesiwa. Murimaanyu onnapaalla weera ddaphaama koma mwiillaanyu tti woofooka.”

Luka 21:36

Chenjerani enthawi ddittheddene, muvekellaka wi muwore ovulluwa mu ddeko ddittheddenenndda ni wiimella vamiitthoni va mi, Mwaana a Muthu.”

Mateyu 26:41

Muhikoneke, muvekelleke wi muheesiwe. Murimaanyu onnapaalla weera ddaphaama koma mwiillaanyu tti woofooka.”

Daniele 9:20

Kaanallota ni ovekella ni waakhullella machimwaaka ni machimo a athwaaka a Israele. Kaanaveka vamiitthoni va Apwiya Mullukwaaka vawuupuwellani mwaango waweella wa Mullukwaaka.

Aefeso 1:16

Nginahiya omuthokoza Mulluku ekaamba ya nyuwaano. Kinnawuupuwellani m'mavekelloni

Masalimo 6:9

Aakiiwa ovekella waka, alliwa aakaakhulla.

Aroma 12:12

Muhakallalleke ekaamba ya otiyera wanyu. Muvillelleke mwaahoosiwaka nave muvekelleke moohihiyerera.

Mariko 13:33

Chenjerani, tiyerani kaambiiwa khamunadduwella enthawi enaakwakhwane niini.

1 Petro 4:7

Omalla wa ddeko ddittheddene wohaatamella. Munaphwanella mwiihiiheeke nave muchenjere sika wi muworeke ovekella.

Mitteko 1:14

Yaanavekella wiilliwiilli ni murimiiwa muttheene moowiiwanana, vamodda ni atthiyana ni Mariya amennya a Yesu navettho asinne a Yesu.

Luka 22:46

Vano ahaakoha wi, “Munakonella tini? Venyani, muvekelle wi muheesiwe.”

Masalimo 4:1

Nyu Mullukwaaka oolungama, mukaakhulle kaawiithanakani. Kakatamihiweemi mwaawa mukikavihera. Mukeerelle echifundo nave iwani ovekella waka.

Aheberi 5:7

Mu okumaaye va ellapo yavatthimva, Yesu m'mavekelloni mwaye ahinlla mookhuwa nave moomoriha miitthori wa Mulluku, oyo aarina masiva oomuvullusa wuukhwaani. Kaambiiwa ahiivelleella ni wiiyeviha, Mulluku ahiiwa mavekellwaaye.

2 Timoteo 1:3

Kinnamuthokoza Mulluku oyo kinamurumeyelleemi ni yawuupusella murima yaweella wonanko mmo yeerella makhollwaaka. Kinnamuthokoza kaawuupuwellaka weyaano enthawi ddittheddene m'mavekelloni mwaka otthaana ni mahiiyu.

Afilipi 1:4

Nave enthawi ddittheddene kaawuuvekellakani, kinavekella moohakallalla,

1 Mamwene 8:52

“Miitthwaanyu yoone ovekella ni ollapella wa oorumeyellaanyu ni wa athwaanyu Aisraele nave muwaapelle maaru yaawiithanakani.

1 Mamwene 9:3

Vano Apwiya yaamulleella wi, “Kohiiwa nivekello nawo ni okhuwa wawo weerilleewe vamiitthoni vaka. Kooyipatula enyumba oyimakilleeweella nave koohiyamo nnddina naka wi athu ekillapellekemo wa enthawi yoohimalla. Miitthwaaka ni murimaaka ddinaakhalle mwemmo enthawi ddittheddene.

1 Mamwene 8:54

Solomoni amallihalle ovekella wa Apwiya aavenyawo o nikuwa wulle akokhorilleeye atukhullalle muddullu mattaaye.

Aefeso 6:19

Nave mukivekellellekettho miyaano wi Mulluku akivahe othenga kaallalleyaka wi killoteke moollipa murima nave wi yookhuweya ya othenga waphaama edduwelliwe.

Mitteko 12:5

Petro ahiyiwe mundende mpingoolle waanamuvekella wa Mulluku moohihiya.

Hoseya 12:4

Yakobooyo aallipana ni mungelo nave aapambana. Ahinlla mooveka madaliso. Akumana ni Mulluku o Betele nave wenko oweella mwa olliye aallota ni hiyaano.

Daniele 6:10

Daniele iiwalleeye wi lamulonna nookeraatthihiwa aavollowa mpa mwaye. Mu echipindaaye yavaddullu mwaakhalla mawindo ooweha o Yerusalemu. Nave mwemmo aanakokhora vatthi oraru vanllaponi anavekella ni omutitimiha Mullukwaaye moollikana ni mmo eerelleeye khalle.

Yesaya 26:16

Nyu Apwiya, va enthawi ya ddoohoosa, athwaanyu yaawaashaashani. Enthawi eyo mwaallakeenyu, yaavekella wa nyuwaano.

1 Mamwene 8:59

Apwiya Mullukwaahu yuupuwelle nivekello nakanna otthaana ni mahiiyu. Apwiya Mullukwaahu ekipambanihe mi oorumeyelliiwa navettho yaakavihere Aisraele athwiiwa vawaavahani ddoopaalleya ddiwa nllapo ni nllapo.

Filemoni 1:5

Vawi kinniiwa wi onnaakonda athu a Mulluku ni wi onnaakhulupilila Apwiya Yesu.

Zekariya 12:10

“Vano athu a nibanja na Davide ni attheene a o Yerusalemu kineerewaakawella murima wooddalla ni echifundo ni woovekella. Sika yamuweha oyo yamuhomilliiwa, eneeromwinllella wunchichi wonanko enamwinllelliiwa mwaana akhalla mmoddave.

Yobu 27:10

Ethiyo olliye ttuuhakallalla ni Mulluku? Ethiyo ttuuvekella wa Mulluku enthawi ddittheddene?

Estere 4:8

Mordekai aamwinnyattho kalata oolamulo oovenyera o Susa ootthopoolla wi Ayuda attheene yoonongiwe. Aaveka wi Estere amoonihere kalatooyo ni omutthopoollella nave amulleelle wi aye wa mwene amuveke moomukhupanyella wi aweerelle echifundo Ayuda.

Mitteko 10:2

Aanamoova Mulluku, olliye ni nibanja naye nittheene. Aaneerattho ddeko ddinchichi waakavihera Ayuda oohoowa nave aanavekella wa Mulluku mallapo mattheene.

Mitteko 6:4

Hiyaano nineerollipihella ovekella ni ollalleya mawu a Mulluku.”

Aefeso 3:18

wi nyuwaano vamodda ni athu attheene a Mulluku muwore wiiwesesa oramballalla ni orekama navettho owella ni owallamella wa echikondi ya Khrisitu.

Aefeso 3:8

Mi tti mung'onong'ono wunchichi waakhwaranya athu attheene a Mulluku. Naari ddiri ddiiddo, Mulluku aakivaha mutteko yoolla wi killalleye wa athu ayo ehiri Ayuda othenga waphaama wa dda waata wa eyuuma ya Khrisitu,

Aroma 8:15

Vawi Munepa oyo Mulluku uuvahilleeyeni khonaweerani akaporo ayo enakhalla mwawoova koma Munepooyo onaweerani anamwani a Mulluku nave ekaamba ya masiva a Munepooyo ninnamweera Mulluku wi, “Abba” ottaphullella wi, “Attiitthaaka!”

Aefeso 2:22

Mu eyaattano ni Khrisitu nanyeenettho munimamakiwa vamodda ni amodda attheenaayo wi mukhalle nipuro nookhallamo Mulluku oweella mwa munepaaye.

Luka 3:37

Metusela, Enoki, Yaredi, Mahalaleeli, Kainani,

Akolose 1:4

Vawi nohiiwa dda echikhulupilwaanyu mwa Khrisitu Yesu ni echikondaanyu wa athu a Mulluku attheene.

Agalatiya 4:6

Vawoonihani wi nyuwaano tti anaaye, Mulluku aarumiha Munepa wa mwanaye m'mirimani mwahu, Munepooyo onakhuwa wi, “Abba, Attiitthaaka.”

Luka 3:26

Maati, Matatiyasi, Semeini, Yoseki, Yoda,

Akolose 1:3

Ninnamuthokoza Mulluku, Attiitthiiwa a Apwiihu Yesu Khrisitu enthawi ddittheddene naawuuvekellakani.

1 Samuele 1:12

Hana aavekella mwawi ddiidda wa Apwiya enthawi yoorekama Eli amuwehaka vayanoni.