Aefeso 6:17 - Mawu a Mulluku

¹⁷ Nave mwaakhelle ovullusa wonanko echipewa yawiitetezella omuruni nave mawu a Mulluku wonanko nsupada munavahiweenyu ni Munepa.

Aefeso 6:17 ပူးပေါင်းရင်းမြစ်များ

Aheberi 4:12

Mawu a Mulluku tti ookumi ni amasiva, awiisha ohiyana ni nsupada noowiisha nngu ni nngu. Ennaphadda mutthemwene ophiyera munakumanella murima ni munepa naarittho munallundellellana makuttha ni makhura a m'makhuvani. Enneeruza nnddo athu enapaalliiwa ni oganiza m'murimani mwiwa.

Yesaya 59:17

Yaawara echilungamo wonanko yoowara yawiitetezella ekhakadda nave ovullusa wonanko echipewa yawiitetezella omuruni. Yaawara ohokollosella ddoonanara wonanko mukanjo nave osha murima wiwa wonanko yawiikhuneelliiwa.

Yawuupullulla 19:15

Nsupada nawiisha naanooneya nikhumellelle otte ovenyera muwano mwaye ni nenna aneerewaallakella athu a va ellapo yavatthi. Aneerewaalamulella ni ekopo ya mukoko nave aneerovota mpesa mu yoovotella ya osha murima wawoopiha wa Mulluku Amasiva Mattheene.

1 Atesalonika 5:8

Wawi hiyaano tti a otthaana, nihilezeleke. Niware echikhulupililo ni echikondi wonanko yoowara yawiitetezella ekhakadda ni etiyerello ya ovullusiwa wonanko echipewa yawiitetezella omuruni.

Yesaya 49:2

Aakitthattusa vayanoni vaka wi vikhalle wonanko nsupada nawiisha. Aakiteteza ni nnatta niwa aakihana wonanko mpaamba wootthokowa, aakiipitthiha munigoneloni mwiwa.

Yawuupullulla 2:16

Vano rukunuwani murima! Mwaahirukunuwa murima, kineeroowa wa nyuwaano veneva wi kiwane ni athu yaayo ni nsupada nookhuma muwano mwaka.

Yawuupullulla 12:11

Asinnihu ni arokorihu yaamupambana Satana ni nikhame na mwaanaankhosa owaakattho omboni wa echikhulupililwiiwa nave yahaakhullella ovelleella okumiiwa wi ekhwe.

Hoseya 6:5

Sika ekaambiiwa kuuphanddemini oweella mwa anamallotella, kiwiiphalleemini ni mawaaka. Okamulla waka tti wawooneya wonanko owala wa nndduwa.

Yawuupullulla 1:16

Aatukhulla etheneeri dditthanu ni piilli o nnattanatta naye nave muwano mwaye mwaari nsupada nawiisha nngu ni nngu nookhumellella otte. Ekhovaaye yaari yoowala wonanko nndduwa na otthaana.

Mateyu 4:4

Koma Yesu ahaakhulla wi, “Mawu a Mulluku eni, ‘Athu khenakhalla ni okumi ekaamba ya yoochave, koma ni mawu oollotiwa ni Mulluku.’ ”

Mateyu 4:7

Yesu ahaakhulla wi, “Navettho mawu a Mulluku eni, ‘Ohiiweese Apwiya Mullukwaawo.’ ”

1 Samuele 17:5

Awaresa echipewa ya mukuwa ni malaya amukoko, ayo yallemella vakhuviru makilogaramu 57.

1 Samuele 17:58

Saulo aamukoha Davide wi, “Ethiyo we musombwe, ori mwaana awani valle?” Davide ahaakhulla wi, “Mi tti mwaana a mullupa muttekwaanyu Yese a o Betelehemu.”

2 Samuele 22:36

Nyuwaano mookiteteza ni yawiitetezellaanyu yoovullusa. Nnattanatta nanyu nookiseera, mookiwelliha ni nikavihero nanyu.

Zekariya 4:6

Vano olliye aakilleella wi kimulleelle Zerubabele mawu a Apwiya awi, “Ddawoona, oneeropambana koma ohiri ni ekhoto apaalle ni masivaawo koma ni munepaaka. Mi Apwiya Amasiva Mattheene koollota.

Aefeso 5:26

Enre ddenndda wi eellihe mpingooyo voohuwani ni maaddi vamoddattho ni mawu

Aheberi 6:5

yaallawiha wi mawu a Mulluku tti aphaama navettho yahoona masiva a enthawi yamuhoollo.