Aefeso 6:14 - Mawu a Mulluku

¹⁴ Sika vano imellani mookhozeka ni yawoona wonanko laamba oomakelliwa moollipa muyuununi mwanyu nave echilungamo wonanko yoowara yawiitetezella ekhakaddaanyu,

Aefeso 6:14 ပူးပေါင်းရင်းမြစ်များ

Yesaya 59:17

Yaawara echilungamo wonanko yoowara yawiitetezella ekhakadda nave ovullusa wonanko echipewa yawiitetezella omuruni. Yaawara ohokollosella ddoonanara wonanko mukanjo nave osha murima wiwa wonanko yawiikhuneelliiwa.

1 Atesalonika 5:8

Wawi hiyaano tti a otthaana, nihilezeleke. Niware echikhulupililo ni echikondi wonanko yoowara yawiitetezella ekhakadda ni etiyerello ya ovullusiwa wonanko echipewa yawiitetezella omuruni.

Yesaya 11:5

Echilungamo enaakhalle laambaaye, ororomelleya onaakhalle yoomakella muyuununi mwaye.

Luka 12:35

“M'makelleni laamba okhozekella mutteko nave enyali ddanyu ddikhareke,

1 Petro 1:13

Sika vano, maganizwaanyu ekhalle ookhozeka. Chenjerani nave mutiyerelle wunchichi va echisomo eyo enaavahiwe wa nyuwaano Yesu Khrisitu uupullulliwa.

2 Akorinto 6:7

voollalleyani othenga wawoona ni vookhallani ni masiva a Mulluku. Echilungamo sika ezida ddahu ddoowanella ni ddawiitetezella.

Aefeso 5:9

vawi owala sika oneeriha ddaphaama, echilungamo ni yawoona.

Yawuupullulla 9:17

M'masomphenya mwaka mwemmo kahoona akavalo ni allupa oowella va akavalomvo ewanre ddawiitetezella dda mukoko dda ekhakadda ddiwa ddoofiira wonanko munllo, bululu wonanko nlluku na safire navettho yelo wonanko sulufure. Miru dda akavalwaayo ddaari wonanko dda mikango nave ovenyera muwano mwiwa mwaakhuma munllo, mwiisi ni sulufure.

Yawuupullulla 9:9

Aakhallattho ni makarumbasa awooneya wonanko ddoowara dda mukoko ddawiitetezella ekhakadda nave muuphellwaaye yaananyakulla wonanko magareta ni akavalo anchichi oothamakella okhotoni.

Yobu 29:14

Echilungamo yaari wonanko yoowaraaka, ddaphaama ddaka ddaari wonanko mukanjo ni enduwira.

Aroma 13:12

Mahiiyu ehanlle vang'ono omalla nave ohinase wohaatamella. Sika hankoni nihiye mitteko dda mwiipiphini nave niware ddoowanella ekhoto dda mu owala.

Aefeso 6:13

Sika vano muware ddoowara ddawiitetezella ddittheddene nnddo muvahiweenyu ni Mulluku! Nllapo noonanara naphiya, muneerowora wiiteteza wa mudani nave mwamalliha owana, mukhallave oollipa.

2 Mamwene 3:21

Vano Amowabu yiiwalle wi mamwene mararu yaawa wi ewane ekhoto, yaawiithana athu attheene oowora owana ekhoto waambeella mung'onong'ono ophiyera muullupalli nave attheene yaatthattana m'malireni.