Aefeso 5:26 - Mawu a Mulluku

²⁶ Enre ddenndda wi eellihe mpingooyo voohuwani ni maaddi vamoddattho ni mawu

Aefeso 5:26 ပူးပေါင်းရင်းမြစ်များ

Yohane 15:3

Nyuwaano mookhalla aweella khalle wonanko enthambi yoophadderiwa ekaamba ya mawu kuulleelleemini.

Aheberi 10:22

Vano hankoni nimwaatamelle Mulluku ni mirima ddawoona ni mirima ddoohikayika mwa echikhulupililo. Hankoni nikhalle ni mirima ddeellihiwe voomiddiwani, yawuupusella murima yoohivaanyihiwa ni ddoochimwa nave ni miilli ddoohapihiwa ni maaddi aweella.

Yohane 3:5

Yesu ahaakhulla wi, “Ddawoona, kinimuulleellani wi, khaavo muthu anaawore ovollowa mu omwene wa Mulluku aahiyariwa mwa maaddi ni Munepa Waweella.

Ezekiele 36:25

Kineerewuumiddani maaddi aphaama wi mweelle o ddittheddene ddawuuripihani. Navettho kineeroweellihani voovenyihani mafanwaanyu mattheene.

1 Akorinto 6:11

Amodda a nyuwaano mwaari awi ddiidda. Koma machimwaanyu yaakhululukiwa, mwaheellihiwa nave mwaheeriwa oolungama vamiitthoni va Mulluku mwa nnddina na Apwiya Yesu Khrisitu navettho Munepa wa Mullukwaahu.

Aefeso 6:17

Nave mwaakhelle ovullusa wonanko echipewa yawiitetezella omuruni nave mawu a Mulluku wonanko nsupada munavahiweenyu ni Munepa.

1 Yohane 5:6

Yesu Khrisitu sika aawiille ni maaddi a obatizwaaye ni nikhame na okhwa waye. Khaawiille ni maaddive koma ni maaddi ni nikhame. Nave Munepa Waweella yeekhaaye annavelleella omboni wi nndda tti ddawoona kaambiiwa Munepooyo tti awoona.

Tito 2:14

Ahiivelleella yeekhaaye mu nipuro na hiyaano wi anoopolle hiyaano o machimo mattheene nave wi aneerihe wi nikhalle aweella navettho wi nikhalle aaye ayo mirima ddiwa ddiri va mitteko ddaphaama.

Zekariya 13:1

Apwiya Amasiva Mattheene enallota wi, “Nllapo nenno nibanja na Davide vamodda ni athu a mu Yerusalemu eneerotuullelliwa neetuutu wi yeellihiwe o machimwiiwa ni ddoonanara ddiwa.

Aheberi 10:10

Sika noheellihiwa kaambiiwa Yesu Khrisitu aamwiiwellella Mulluku vawiiheraatthini mukutho wawaamba ni wookomihera.

1 Petro 3:21

Maaddaayo yaari echizindikiro ya obatizo oyo onuuvullusani vano. Obatizo khe ovenyiha nihiryo na vamwiillini koma echipangano ni Mulluku ovenyera va yawuupusella murima yaphaama ekaamba yawi Yesu Khrisitu aavenyihiwa wa okhwa.

Aheberi 9:14

Koma Khrisitu khaarina machimo nave ahiiheraatthi yeekhaaye wonanko mukutho mwa Munepa woohimalla. Ella sika ekaambiiwa nikhame naye niriiwa ni masiva manchichi oorukunusa murimaahu woochimwa okhalla waphaama wi niheereke ddeko nnddo ddinaanihoollelle wookhwa koma wi niwore omurumeyella Mulluku Ookumi.

Mitteko 22:16

Nave vano, onaselliwella tini? Venya nave obatiziwe ni ohapihiwa wi machimwaawo evenyihiwe voovekellani wa Apwiya.’ ”

1 Petro 1:2

Mwaatthoolliwa moollikana ni yoolinga ya Mulluku Attiitthaanyu nave mwaheeriwa athu aweella ni munepaaye wi mumwiiwellelle Yesu Khrisitu ni weellihiwa ni nikhame naye. Echisomo yawaata ni murendelle munchichi ddikhalle ni nyuwaano.

Yuda 1:1

Ovenyera wa miyaano Yuda, oorumeyella a Yesu Khrisitu ni mwanamunne a Yakobo. Kinuulembellani nyuwaano mwiithaniwe nave munakondiwa ni Mulluku Attiitthaanyu ni oteteziwa ni Yesu Khrisitu.

Mitteko 26:18

Onaphwanella wi oweerihe wi yooneke wi erukunuwe ovenyera wiipiphini ephiye mu owala navettho ovenyera mu masiva a Satana ophiyera mu masiva a Mulluku. Sika mwa echikhulupililwiiwa eneerokhululukelliwa machimo ni waakhella nipuro niwa variyari va athu a Mulluku.’

Yohane 17:7

Nave vano ennadduwella wi erive ello mwaakivahilleenyu enavenyera wa nyuwaano.

Ezekiele 16:9

“Kahuuhapiha kuuhuwa nikhame nawo ni wuuhella makhura.

Yakobo 1:18

Moollikana ni opaalla waye mwaneena, aanivaha okumi oweella mwa mawaaye awoona wi hiyaano nikhalle wonanko ezipaso ddawaamba dda ddoophatusiwa ddaye.

Yohane 15:8

Mwaawimmaka ezipaso ddinchichi wooniha wi nyuwaano tti oohudderaaka Attiitthaaka eneerotitimihiwa.

Levitiko 8:6

Mose aawaana Aroni ni anaaye, aweeriha wi ehape moopatuleya.

Levitiko 16:30

Vallethi nllapo nenno vineerokhalla mutetho woopepesella machimwaanyu wi machimwaanyu mattheene evenyihiwe. Sika muneerokhalla aweella vamiitthoni va Apwiya.

Yohane 13:10

Yesu ahaakhulla wi, “Ayo ehapille aheella wunchichi nave khenapaalleyattho ohapa koma manyallove.” Nyuwaano moheella koma woohikhalla attheenenyu.

Aroma 10:8

Mawu a Mulluku enallotiiwa eni, “Othenga wa Mulluku ori vakhuviru ni nyuwaano, vayanoni vanyu navettho m'murimani mwanyu.” Olla sika othenga wa echikhulupililo ninallalleyeehu.

2 Akorinto 11:2

Kinnuukhallellani ehache, wonanko mmo Mulluku anakhallelleeye. Nyuwaano muri wonanko namwalli oyo kimutomelihalleemi wi atthelliwe ni mullopwana mmoddave, sika Khrisitu yeekhave.

Akolose 3:16

Othenga wa Khrisitu onaphwanella okhalle m'murimani mwanyu mwawaatesa. Muhuddihaneke ni olangizana mweezeru. Mwiipeke masalimo, machipo a Mulluku ni machipo a munepa. Ni murimaanyu muttheene muwiipelleke ni waatitimiha Apwiya.

Aheberi 4:12

Mawu a Mulluku tti ookumi ni amasiva, awiisha ohiyana ni nsupada noowiisha nngu ni nngu. Ennaphadda mutthemwene ophiyera munakumanella murima ni munepa naarittho munallundellellana makuttha ni makhura a m'makhuvani. Enneeruza nnddo athu enapaalliiwa ni oganiza m'murimani mwiwa.

Aheberi 10:14

Ni mukutho mmoddoolla, aaweeriha wi ekhalle aphaama woohimalla athu ayo aweellihalleeye.

Aheberi 10:29

Onaakhalle wawiidde wa oyo anamullotella epewe Mwaana a Mulluku? Oyo aneesa noohikhalla ni mutteko nikhame na echipangano nno naneellihalle? Apaalle anallotella epewe Munepa Waweella oyo ananivaha echisomo ya Mulluku? Ollakiwa wa muthu awi ddiidda onaakhalle wawoopiha wunchichi.

Aheberi 13:12

Ekaamba ya yeella Yesu nayeenettho aakhwella otte wa muzinda wi aweellihe athu ni nikhame naye.

2 Petro 1:9

Koma ayo ehinna ddenndda tti oohoonesesa apaalle oohoona nave aatiwalla wi machimwiiwa akhalle aakhululukiwa.

Levitiko 14:11

Mullupa mukuthooyo amwiimese muthooyo ari ni ddoovelleella ddaye ddittheddene vamiitthoni va Apwiya, va mullako wa musasa wamutthukumano.