Aefeso 5:21 - Mawu a Mulluku

²¹ Mwiiwellellaneke mmodda ni mukhwaaye ekaamba ya omoova wanyu Khrisitu.

Aefeso 5:21 ပူးပေါင်းရင်းမြစ်များ

Afilipi 2:3

Muheereke erive ello mwawiikonda apaalle mwawiitukhulla koma mwawiiyeviha vawoonani athu amodda okhalla oopaalleya ohiyana ni nyuwaano.

Aefeso 5:24

Sika vano atthiyana ewiiwellelleke amamuniwa mu ddeko ddittheddene wonanko mmo mpingo onamwiiwellelliiwa Khrisitu.

Aefeso 5:22

Atthiyananyu, mwaavaheke olemu amamuninyu wonanko mmo munawiiwellelleenyu Apwiya.

1 Petro 5:5

Emoddamoddave yeeyo asombwe nyu, munaphwanella muwiiwellelleke attekweenaanyu. Nave attheenenyu munaphwanella mwiiyeviheke wi murumeyellaneke vawi mawu a Mulluku eni, “Mulluku annaahiiha awiitukhulla koma annaweerella echifundo awiiyeviha.”

Aheberi 13:17

Muwiiwellelleke oohoollellaanyu ni waagonjera vawi alliwa ennawehera mirima ddanyu enthawi ettheene vawi eneerotthopoolla mitteko ddiwa vamiitthoni va Mulluku. Mwawiiwellella eneerekophara muttekwiiwa moohakallalla. Mwaaheera ddiiddo, eneerokhumuwa nave kheyuukaviherani nyuwaano.

1 Petro 2:17

Mumuvaheke olemu arive muthu, mwaakondeke ookhulupilila akhwiinyu, mumooveke Mulluku nave mumuvaheke olemu Kaisara.

1 Timoteo 3:4

Akhalle oodduwella weetiha nibanja naye phaama ni waallella anaaye phaama wi ekhalle awiiwellella ni oolemu mu erive ello.

Agalatiya 5:13

Nave nyuwaano, asinnaka ni arokoraka, muhaakhullelle wi ottaphulliwa wonngu okhalle ekari yawi mulamuliweke ni ddoopaalla dda mwiillaanyu. Nave mukhalle oorumeyellana mmodda ni mukhwaaye mu echikondi.

1 Timoteo 2:11

Atthiyana emaalleyeke voohudderani nave ni wiiwellella ottheene.

1 Akorinto 16:16

wi mwiiwellelleke olamulello wa athu wonanko yaalla ni arive muthu oyo anaphara mutteko ni orumeyella ni alliwaayo.

Miyambo 24:21

Mwanaka, owooveke Apwiya ni mwene nave owiiwellelleke attheenaayo.

Nehemiya 5:15

Koma enduna nnddo ddaarivo miyaano kihinakhallevo ddaanaahoosa athu vawaallivellihani yoocha, vinyo ni makobiri 40 a siliva. Naari owaarumeyelliiwa yaanaahoosattho athu. Koma miyaano ngeerille ddennddo vawi kaanamoova Mulluku.

2 Epilli 19:7

Vano muwooveke Apwiya. Muganizeke va nnddo muneerekeenyu vawi Apwiya Mullukwaahu tti oolungama nave khenaweha ekhove apaalle waakhella ddamukaphwani.”

1 Petro 2:13

Mwiiwellelleke olamulello ottheene wa athu ekaamba ya Apwiya naari Kaisara,* oolamulella muullupalli.

2 Akorinto 7:1

Akhwaaka ookondiwa, ddoolonjeza ddittheddenenndda ddaheeriwa wa hiyaano. Sika vano hankoni neellihe nnddo ddinaripiha mwiillaahu ni munepaahu nave hankonittho nikhalle aweella mu ddittheddene voomoovani Mulluku.

Nehemiya 5:9

Vano kaavirellella ollota wi, “Muneereenyunndda khe ddaphaama. Ethiyo nyuwaano khemunaphwanella omoova Mullukwaahu wi adanaahu a mitundu ddimodda ehininyaambuseke?

1 Epilli 29:24

Oohoollella attheene, akhoto amasiva ni anamwani attheene a mwene Davide yaalonjeza omwiiwellella mwene Solomoni.

Genesis 16:9

Mungelooyo aallota wi, “Iyaayi, hokollweella wa adonaawo Sarai, wamugonjelle.”

2 Akorinto 5:11

Ninnadduwella wi tti woophwanella owoova Apwiya nave ninneeseesa waakopa athu amodda wi yaathwarelle Apwiyaayo. Mulluku annanidduwella phaama hiyaano nave kinnaganiza wi munnanidduwellattho hiyaano m'murimani mwanyu.