Aefeso 5:20 - Mawu a Mulluku

²⁰ Mumuthokozeke Mulluku Attiitthiihu enthawi ddittheddene ni ekaamba ya ddittheddene mu nnddina na Apwiihu Yesu Khrisitu.

Aefeso 5:20 ပူးပေါင်းရင်းမြစ်များ

Akolose 3:17

Vano erive ello muneereenyu apaalle munalloteenyu enaphwanella yeeriwe mu nnddina na Apwiya Yesu, mwaamuthokozaka Mulluku Attiitthaanyu oweella mwa olliyooyo.

1 Atesalonika 5:18

Muthokozeke mu ddittheddene. Vawi nndda sika Mulluku anapaalleeye wi mweereke nyuwaano muri mu eyaattano mwa Khrisitu Yesu.

Aheberi 13:15

Sika ekaamba ya yeella mukuthwaahu okhalle omuthokoza Mulluku oohimalla oweella mwa Yesu. Nallota wi, “Mulluku tti Apwiya” nooheraatthi mukutho.

Afilipi 4:6

Muhikhupanyeke erive ello koma mumulleelleke Mulluku erive ello munapaalleenyu moovekella. Enthawi ddittheddene muvekeke ni murima woothokoza.

Aefeso 5:4

Navettho khe waphaama wi mulloteke ddoollava, dda etthiru apaalle woopa miyaha dda oraruwa koma munaphwanella mumuthokozeke Mulluku.

2 Atesalonika 1:3

Asinnihu ni arokorihu, ninaphwanella wi nimuthokozeke Mulluku ekaamba ya nyuwaano enthawi ddittheddene. Tti woopaalleya weera ddiiddo kaambiiwa echikhulupilwaanyu ennunnuwannuwa navettho okondana wanyu onnaata.

Masalimo 34:1

Kineerewaathokoza Apwiya enthawi ettheene, vayanoni vaka vineerewaatitimiha alliwa moohihiyerera.

2 Atesalonika 2:13

Asinnihu ni arokorihu ookondiwa ni Apwiya, hiyaano ninaphwanella omuthokoza Mulluku enthawi ddittheddene ekaamba ya nyuwaano. Vawi Mulluku ahuutthoollani wi mukhalle awaamba ovullusiwa oweella mwamasiva a munepaaye ni mwa echikhulupilwaanyu mu yawoona wi mukhalle athwaaye aweella.

1 Petro 2:5

Waani wonanko malluku ookumi wi nyuwaano mupharihiwe mutteko voomakani enyumba ya Munepa, nko munaarumeyelleke wonanko allupa mukutho aweella oheraatthi wa Mulluku mukutho wa Munepa ni wawaakhelliwa oweella mwa Yesu Khrisitu.

Yesaya 63:7

Kineerollota dda echikondi yoohisintheya ya Apwiya, kineerewaatitimiha ekaamba ya ddittheddene eneerenlliiwa. Ahaadalisa wunchichi athu a o Israele, voothwarani echifundwiiwa ni wunnuwa wa echikondiiwa yoohisintheya.

Yobu 1:21

allota wi, “Epwillimwinddive kaakhuma m'mirimani mwa amoowe nave epwillimwinddive kineerovollowa mu mahame. Apwiya yaavaha nave Apwiya ahaakha. Nititimihiwe nnddina na Apwiya.”

1 Akorinto 1:4

Kinnamuthokoza Mullukwaaka mallapo mattheene ekaamba ya nyuwaano vawi ohuuvahani echisomwaaye mwa Khrisitu Yesu.

Yohane 15:16

Nyuwaano khamwaakithoonlle miyaano koma miyaano kahuutthoollani ni oweerani wi muye mwimme ezipaso ddinchichi, ezipaso nnddo ddinaakhallewo wa enthawi yoohimalla. Sika vano erive ello munaavekeenyu Attiitthaaka mu nnddina naka eneerewuuvahani.

1 Petro 4:11

Arive muthu anallalleya, allalleyeke othenga wa Mulluku, arive muthu anarumeyella, arumeyelleke ni masiva oovenyera wa Mulluku wi mu ddeko ddittheddene ntitimiho niyeeke wa Mulluku oweella mwa Yesu Khrisitu. Wa olliye okhalle ntitimiho ni masiva wa enthawi yoohimalla. Amen.

Afilipi 1:3

Kinnamuthokoza Mullukwaaka enthawi ddittheddene kaawuuganizerakani.

Mitteko 5:41

Amurummwaayo yavenyilliiwa o nthatoni namillatu nko, yaahakallalla wi Mulluku aaweerengella alliwaayo wi tti woophwanella ohoosiwa ekaamba ya nnddina na Yesu.

1 Atesalonika 3:9

Vano ninnawora omuthokoza wunchichi Mullukwaahu ekaamba ya nyuwaano. Ninnamuthokoza ekaamba ya ohakallalla niriihuna vamiitthoni vaye ekaamba ya nyuwaano.

Aroma 1:8

Vawaamba, kinnamuthokoza Mullukwaaka oweella mwa Yesu Khrisitu ekaamba ya nyuwaano vawi ellapo yavatthi ettheene enniiwa dda echikhulupilwaanyu.

1 Akorinto 15:24

Vano ellapo yavatthi eneeromalla; Khrisitu aneerowoononga masiva mattheene oolamulella nave aneerovelleella omwenooyo wa Mulluku Attiitthinnya.