Aefeso 5:19 - Mawu a Mulluku

¹⁹ Mwatthukumana vamodda mwiipeke masalimo, machipo a Mulluku ni machipo a munepa. Ni murimaanyu muttheene muwiipelleke ni waatitimiha Apwiya.

Aefeso 5:19 ပူးပေါင်းရင်းမြစ်များ

Akolose 3:16

Othenga wa Khrisitu onaphwanella okhalle m'murimani mwanyu mwawaatesa. Muhuddihaneke ni olangizana mweezeru. Mwiipeke masalimo, machipo a Mulluku ni machipo a munepa. Ni murimaanyu muttheene muwiipelleke ni waatitimiha Apwiya.

1 Akorinto 14:26

Asinnaka ni arokoraka, ella sika kinaakeemi. Mwaatthukumanaka wi muvekelleke, muthu mmodda okhalla ni nchipo, mmodda ni yoohuddiha, mmodda ni yawuupullulla yoovenyera wa Mulluku, mmodda ni othenga wa mu ellotello ddoohidduwanyeya navettho mmodda okhalla ni yoottaphullella ddinallotiwa nnddo. Erive ello enaphwanella ddikhalleke yoollipiha mpingo.

Masalimo 95:2

Hankoni naphiye vamiitthoni viwa, naathokoze, hankoni naakhuwelle moohakallalla ni machipo.

Mitteko 16:25

Nave variyari va mahiiyu Paulo ni Sila yaamavekella ni omwiipella machipo Mulluku nave athu amodda yahiyiwe mundendemmo yaaniiwellella.

Masalimo 147:7

Wiipelleni Apwiya moothokoza, mwiipelleni Mullukwaahu nchipo ni zeze,

Yakobo 5:13

Ethiyo ookhallavo mmodda a nyuwaano ari mu ddoohoosa? Avekelle. Ethiyo ookhallavo mmodda a nyuwaano anahakallalla? Iipe ddoomutitimiha Mulluku.

Masalimo 62:8

Nyu athu, hiyani murimaanyu va olliye enthawi ettheene, mumulleelle ddittheddene dda m'murimani mwanyu. Mulluku sika woothawella wahu.

Yesaya 65:14

Oorumeyellaaka eneerewiipa moohakallalla koma nyuwaano muneerewinlla wunchichi ekaamba yovoreyiwa murima. Muneerewinlla mookhuwa ekaamba ya yookatamihiwa m'murimani.

Masalimo 86:12

Nyu Apwiya Mullukwaaka, kinnuuthokozani ni murimaaka muttheene, kineerotitimiha nnddina nanyu wa enthawi yoohimalla.

Mateyu 26:30

Yahiipa nchipo nave yaakhuma eya o mwaango wa Olivi.

Mateyu 15:8

Mulluku aallota wi, ‘Athwaalla enakititimiha miyaano ni vayanonive, koma mirima ddiwa ddoorekamellana ni miyaano.

1 Akorinto 14:15

Vano kinaphwanella keere tini? Kineerovekella ni munepaaka nave kineerovekellattho ni maganizwaaka. Kineerewiipa ni munepaaka nave kineerewiipattho ni maganizwaaka.

Yawuupullulla 5:9

Yaaniipa nchipo nanaanweene nawi, “Munaphwanella waakhella nibukhunno ni omarulla ddoomarella ddiwa. Vawi mwahiiphiwa nave ni nikhame nanyu mwaamoopollella Mulluku athu oovenyera mu nirive nlloko, erive ellotello, erive ellapo, orive mutundu.