Aefeso 5:18 - Mawu a Mulluku

¹⁸ Muhilezeleke ni vinyo kaambiiwa olezela onneeriha ddeko ddoonanara koma muhoollelliwe ni Munepa Waweella.

Aefeso 5:18 ပူးပေါင်းရင်းမြစ်များ

Miyambo 20:1

Vinyo annavevulla nave yoowirya yoowalli ennanyakulla, oohollowana khanna ezeru.

Aroma 13:13

Sika makhallellwaahu ekhalle aphaama wonanko a athu ayo enakhalla mu owala. Vihikhalle machellello oonanara apaalle olezela, oraruwa apaalle echigololo, owana apaalle okhallellana ehache.

Luka 1:15

Aneerokhalla muullupalli vamiitthoni va Apwiya. Khawa amuwirya vinyo apaalle erive yoolezeliha. Aneeroddalliwa ni Munepa Waweella naari ahinayariwe.

Yesaya 5:22

Otulli wa athu oolezela ayo enahiya murimiiwa va ottheka, ayo ehinoova naari vang'ono ottakanyihera ddoowirya ddoowalli.

1 Akorinto 5:11

Eyo kaakeemi tti yawi munaphwanella wi muhaattane ni muthu oyo aniiromolla yeekha wi tti oomukhulupilila Mulluku koma ari ooraruwa apaalle anrima apaalle oollapella mafano apaalle olalata apaalle oolezela apaalle mullupaawiiya. Muhicheke vamodda ni muthu awi ddiidda.

Mitteko 11:24

Baranaba aari muthu aphaama, oohoollelliwa ni Munepa Waweella ni a echikhulupililo nave athu anchichi yahaanjerereya owa wa Apwiya.

1 Atesalonika 5:7

Athu enakona mahiiyu navettho enalezela mahiiyu.

Luka 12:45

Koma mullupa muttekooyo allota m'murimani mwaye wi apwinnya emmaselliwawo, aamba owuukutha allupa mutteko akhwaaye, aallopwana ni aatthiyaneene navettho anacha, anawirya ni olezela,

Luka 11:13

Naari muri oonanara munnadduwella waavaha aniinyu ddeko ddaphaama. Vano Attiitthiihu ooddullu enaalephele mwawiidde waavaha Munepa Waweella ayo enamuveka olliye!”

1 Akorinto 6:10

apaalle allupaawiiya apaalle anrima apaalle oolezela apaalle oolalata, khaavo a yaalla anaawaakhelle omwene wa Mulluku.

Tito 1:6

muullupalli ahikhalle ni yookayikella, akhalleke ni mwaariye mmoddave nave anaaye ekhalle ookhulupilila ni oohikhalla ni epilli ya machimo naari oohiiwellella.

Luka 21:34

“Chenjerani wi mirima ddanyu ddihikondeke wiichellachella ni owirya ddoolezeliha navettho oviheeriwa ni dda va ellapo wi nllaponno nihuuphiyereni moorurumusa wonanko musampha.

Yesaya 55:1

Apwiya enallota wi, “Nyu attheene oovolliwa nthona, waani, maaddi aakhallawo. Nyu oohikhalla ni makobiri, waani mukulle yoocha wi muche. Waawoni mumukulle vinyo ni mukaka, oohillivella makobiri, oohillivella erive ello.

Deuteronomo 21:20

Makhollwaaye yaalleelle attekweenaayo wi, ‘Mwanihu tti oohiiwellella ni oowukila nave khaniiwellelle ddoollota ddahu navettho tti amillilli ni oolezela.’

1 Akorinto 11:21

Vawi mwaachaka, arive muthu anacha yoochaaye, sika amodda ennavolliwa ettalla amodda elezelaka.

Nchipo na Solomoni 1:4

Kikuse nave hanko naakuve. Mwene, kivollochihe muchipindani mwawo. Nihakallalle wunchichi nimodda. Niyiriihe echikondaawo omukhwaranya vinyo. Anamwalli attheene enuukondella ddawoona.

Genesis 9:21

Nllapo nimodda olliye amuwiryalle vinyo, aalezela, arulla ddoowara ddaye ddittheddene, akonaatthi epwillimwinddive m'musasani mwaye.

Mateyu 23:25

“Nyu, awoottha, ahuddihi a malamulo ni Afarisi, mookhalla ni otulli! Munnahuwa otte wa kapu ni embale koma muwari mwiwa tti mooddalla ni dda nrima ni dda wiikonda.

Yesaya 25:6

Va mwaango wa Ziyoni Apwiya Amasiva Mattheene eneerokeraatthihella mitundu ddittheddene dda athu machellello a ddoocha ddooddiva ni a vinyo aphaama, machellello a enama yoonuna ni a vinyo ooddivesesa.

Masalimo 69:12

Athu ookhalla va mullako wa muzinda yaanakillota, oolezela yaanakiipa nchipo.

Mateyu 24:49

Nave aneerewaamba owuukutha allupa mutteko akhwaaye, ocha ni owirya ni athu oolezela.

Nchipo na Solomoni 7:9

Eyanwaawo ekhalle wonanko vinyo ooddivesesa, oomorella vayanoni ni vamiinoni. Namwalli

Levitiko 10:9

“Muhinamuwiryaka vinyo apaalle yoowirya yoowalli, weyaano ni edduullu ddawo, mwaayaaka o musasa wamutthukumanoolla woova wi munaakhwe. Nenna nikhalle lamulo wa enthawi yoohimalla wa mibado ddanyu ddittheddene.

Yohane 2:10

amulleella wi, “Arive muthu anaamba omukawa vinyo ooddiva wunchichi nave athu awiithaniwa yamuwirya munchichi, sika anamukawa vinyo ooddiva vang'ono. Koma weyaano woomusunga vinyo ooddiva wunchichi ophiyera vano!”