Aefeso 5:14 - Mawu a Mulluku

¹⁴ Vawi erive ello enuupullulliwa phaama ennakhalla mu owala. Ella sika ekaambiiwa onallotiwa wi, “Venya, mullupa ookona, nave venya wa ookhwa, nave Khrisitu aneerewuumolleella.”

Aefeso 5:14 ပူးပေါင်းရင်းမြစ်များ

Yesaya 60:1

Venya, wala vawi omolleella wawo woophiya, ntitimiho na Apwiya nohuuwalella!

Yesaya 26:19

Athu ookhwa eneerokhallattho ni okumi, miilli ddiwa ddineerovenya. Nyu attheene muri mu mahame, venyani ni wiipa nchipo moohakallalla. Wonanko nikame ninoollowihelliiwa vatthi ohihimulla ddoomella, emoddamoddave yeeyo Apwiya eneerewaavenyiha ookhwa.

1 Atesalonika 5:6

Sika vano nihikoneke wonanko amodda ayo koma muvenyeke nave mukhalleke oowehera.

Yesaya 52:1

We Ziyoni, venya venya, llipa murima. We Yerusalemu, muzinda waweella, wara ddoowara ddawo ddaphaama, athu oohiphaddiwa ni ooripihiwa khewa evollowattho va millako ddawo.

2 Akorinto 4:6

Mulluku aallotille wi, “Owala omolleelle ovenyera mwiipiphini.” Tti Mulluku mmoddamoddave yooyo enre owala waye wi omolleelle m'mirimani mwahu wi onivahe odduwella dda ntitimiho na Mulluku noomolleella va ekhove ya Khrisitu.

Akolose 3:1

Moovenyihiwa mukhalla akumi ni Khrisitu, sika mukeraatthihe mirima ddanyu va ddeko ddooddullu, nko Khrisitu akeraatthilleeye va mpando wa omwene onnattanatta na Mulluku.

Yesaya 51:17

We Yerusalemu, venya, venya, imella! Woomuwirya kapu oollaka oyo Apwiya yawinnyalliiwa eshille murima, kapu oohaharereyiha waamuwirya muttheene.

Aroma 6:13

Naarittho muhiivelleelle nyookha o machimo wi muphare mutteko woonanara. Koma nyuwaano muvenyihiwe wa ookhwa wi mukhalle akumi, mwiivelleelle nyookha wa Mulluku navettho mwiivelleelle wa olliyooyo wi muphare mitteko ddoolungama.

Yohane 9:5

Miyaano vookhallani mu ellapo yavatthi, kiri owala wa ellapo yavatthi.”

Yohane 8:12

Yesu aallotattho wi, “Mi tti owala wa ellapo yavatthi. Oyo anakithwara miyaano aneerokhalla ni owala woovaha okumi nave kheetattho mwiipiphini.”

Aefeso 2:5

vawi naariihu ookhwa m'munepani voohiiwellellani aanivenyiha vamodda ni Khrisitu. Echisomo ya Mulluku sika yuuvullusalleni.

1 Akorinto 15:34

Muhokollweelle o makhallellwaanyu aphaama nave muhiye ettilla ddanyu ddoochimwa. Kinallota wi kuuwulliheni muru kaambiiwa amodda a nyuwaano khamunamudduwella Mulluku.

2 Timoteo 1:10

Nave vano ddenndda ddohuupullulliwa wa hiyaano mwa wooneya wa oovullusaahu, Khrisitu Yesu. Aahiiha okhwa nave ohooniha vaweella okumi woohimalla oweella mwa othenga waphaama.

2 Timoteo 2:26

nave okhalla ni ezeru wi evulluwe mu musampha wa Satana oyo aaphanre wi yeereke ddoopaalla ddaye.

Mitteko 13:47

Vawi ella sika Apwiya yanilamulliiwa wi, ‘Kooweerani wi mukhalle owala wa athu ayo ehiri Ayuda, wi ovullusa waka ophiye o makomello a ellapo yavatthi.’ ”

Luka 1:78

Ekaamba ya echikondi ni echifundo ya Mullukwaahu, owala woovenyera oddullu oneerokhuma ni oniwalella hiyaano.

Luka 15:24

Vawi mwanakoolla aari wonanko ookhwa, vano tti mukumi. Aarimeella, vano oophwanyeya.’ Vano yahaamba ohakallalla vamachellelloni.

Aefeso 2:1

Khalle nyuwaano mwaari ookhwa m'munepani ekaamba ya ohiiwellella wanyu ni machimwaanyu.