Aefeso 5:12 - Mawu a Mulluku

¹² (Tti ddoowulliha muru ollota ddeko ddineereya mwiipiphini.)

Aefeso 5:12 ပူးပေါင်းရင်းမြစ်များ

Aefeso 5:3

Vawi nyuwaano tti athu a Mulluku, khe waphaama wi oraruwa apaalle yooripiha apaalle nrima ddillotiweke variyari vanyu.

Aroma 2:16

Nave vano moollikana ni othenga waphaama kinallalleyeemi, mmu sika ddinaakhallelliiwa va nllapo nno Mulluku aneeruzeeye ddookhuweya m'mirimani mwa athu attheene oweella mwa Khrisitu Yesu.

Yeremiya 23:24

Ethiyo muthu ttuuwiipittha vootiitheya wi mi kihimoone? Ethiyo mi ngiri viriveveko, oddullu ni va ellapo yavatthi?

Oollalleya 12:14

Vallethi Mulluku aneereweeruza ddittheddene ddaweereya, ddaphaama apaalle ddoonanara naari ni ddoovittheya ddene.

2 Samuele 12:12

Weyaano weera ddenndda mwawiipittheya koma miyaano kinaaweere ddenndda otthaana, Aisraele attheene yoonaka.’ ”

Yawuupullulla 20:12

Nave kaawoona ookhwa, uullupalli ni ang'onong'ono, yiimenlle vamiitthoni va mpando woomwene. Mabukhu yaahulliwa, nibukhu nimodda nahulliwe naari nibukhu na akumi. Athu ookhwaayo yaheeruziwa moollikana ni mitteko ddiwa nnddo ddalembiwe m'mabukhunimmo.

1 Petro 4:3

Mootathilla enthawi yinchichi khalle vaweerani nnddo eneera athu oohimullapella Mulluku. Okhalla wanyu waari wa oraruwa, minkhella ddoonanara, olezela, machellello ni olezela nave ollapella mafano moonanariha.

Miyambo 9:17

Maaddi awiiya ennaddiva nave buledi oochiwa mwawiipitthiha annanang'aneya.

Aefeso 5:11

Muhiiwananekena ddeko ddoohikhalla ni mutteko ddeko dda mwiipiphini koma muweena vaweella.

Aefeso 5:13

Nave ddeko ddittheddene ddinuupullulleya phaama ddakuselliwa vaweella.