Aefeso 5:11 - Mawu a Mulluku

¹¹ Muhiiwananekena ddeko ddoohikhalla ni mutteko ddeko dda mwiipiphini koma muweena vaweella.

Aefeso 5:11 ပူးပေါင်းရင်းမြစ်များ

Aroma 13:12

Mahiiyu ehanlle vang'ono omalla nave ohinase wohaatamella. Sika hankoni nihiye mitteko dda mwiipiphini nave niware ddoowanella ekhoto dda mu owala.

1 Timoteo 5:20

Attekweene ayo enavirellella ochimwa, waahumullulleke vamiitthoni va attheene wi amoddaayo yooveke.

2 Atesalonika 3:6

Asinnihu ni arokorihu ninnuulamulani, mu nnddina na Apwiihu Yesu Khrisitu wi mumwallaneke ni ookhulupilila attheene oolesi ni ayo ehinathwara ehuddiho mwaakhenlleenyu wa hiyaano.

Aroma 16:17

Asinnaka ni arokoraka, kinimuuvekani nyuwaano wi muchenjerekena athu ayo enaakawaniha athu ni owaapheelliha muru voohuddihani ddoohiyana ni nnddo mwahudderennyu. Muhiwaatamelleke yaayo.

Yawuupullulla 18:4

Nave kahiiwattho mawu amodda oovenyera oddullu ellotaka wi, “Khumaniwo athwaaka, wa olliyooyo! Khamunaphwanella wi mweerekena machimwaayaayo, khamunaphwanella wi mukawanena ollakiwa wayenko!

Tito 2:15

Ohuddihe ddeko ddenndda navettho opharihe mutteko olamulellwaawo vawaallipihani murima ni waahumullulla. Vihikhalle muthu anuuvevulleke.

2 Atesalonika 3:14

Mmodda aahiiwellella mawaahu a mu kalata yoolla, mooneseseni yooyo wi muhaattanena wi awulliwe muru.

Aroma 6:21

Ethiyo mwaphunrevo tini? Ddeko ddoowulliha muru nnddo dduuhoollellani wuukhwaani. Omallihella wene wa ddeko ddennddo tti okhwa.

2 Timoteo 4:2

ollalleyeke othenga naari enthawi erivo apaalle ehiivo, waadduwellihe machimwiiwa, waahumullulle, waallipiheke athu murima waahuddiheke mwawiithaalla.

2 Timoteo 3:5

Eneereke wooneya wonanko oollapella koma masiviiwa yahaakhoota. Athu yaayo ohaathwareke.

Agalatiya 6:8

Vawi ayo enamidda m'matani mwa minkhella dda omuthwiiwa, eneerotthukumaniha ddoohata dda okhwa; yamidda m'matani mwa munepa ovenyera wa munepa yooyo eneerotthukumaniha yoohata ya okumi woohimalla.

Miyambo 29:1

Awummiha nikohi ahumullulliwe aneerewoonongeya moorurumusa kheyiivo enaamuchirihe.

Miyambo 13:18

Ookhoota mwambo annahoowa nave annavevulliwa koma awiiwellella ohumullulliwa annariihiwa.

Levitiko 19:17

“Muhiniitana ni mbalaanyu m'murimani mwanyu koma mumuhumullulle mwa echilungamo wi muhaakhullellane ni nichimo naye.

1 Atesalonika 5:7

Athu enakona mahiiyu navettho enalezela mahiiyu.

Luka 3:19

Navettho aamuhumullulla Herode, oolamulella kaambiiwa aamutthella Herodiyasi, mwaara a mwanamunne ni weera ddeko ddimodda ddinchichi ddoonanara.

Aefeso 5:7

Sika muhiiwananekena athu yaayo.

Aefeso 4:22

Sika muhiye makhallellwaanyu akhalle ayo yaweerihalleni wi mukhalleke mwawi ddiiddo, makhallellwaanyu akhalle ayo yuntihiwe ni minkhella ddoolleka.

Yesaya 29:21

Mulluku aneerewaallaka awoottha, oovirikaniha echiweruzo yawoona ni oovelleella omboni wawoottha wi oohilakwa yeeruziwe moohilungama.

Miyambo 25:12

Wa muthu awaapella maaru, ohumullulla weezeru tti wonanko endolo ya golide apaalle erive ello yawiireerihella ya golide.

Masalimo 141:5

Muthu oolungama ttuuwora okivadda, okihumullulla ekaamba yawi annakeerella echifundo. Koma kihaakhelle olemu wa athu oonanara vawi kinnavekella moovaanyihana ni mitteko ddiwa ddoonanara.

Genesis 20:16

Nave aamulleella Sara wi, “Murokoriyoolla kinamvaha makobiri a masiliva 1,000 wi okhalle wonanko omboni wa attheene oriiwenaalla wi weyaano kholakwille.”

Miyambo 19:25

Wamuukutha muthu oovevulla, athu eenamwani eneerochenjera. Wamuhumullulla muthu awiiwesesa annadduwella.

Miyambo 15:12

Muthu oovevulla khanahakallalla ni ohumullulliwa nave khanaya wa athu eezeru.

Mateyu 18:15

“Mukhwaawo uuchimwella, oye wa olliyooyo wamuhumullulle murivo eelli. Awiiwellella weyaano woomuhokollosa mukhwaawooyo.

Yeremiya 15:17

Ngaakhanlle m'mutthukumano wa athu oovudduwa naari ohakallallana alliwa. Koma kahanlle meekha ekaamba yawi nnatta nanyu niri va miyaano nave mwaaddalliha owalli murimaaka.

Miyambo 1:31

Muneerocha ezipaso dda mitteko ddanyu nave muneerovona ddoonanara nnddo mwapaalleenyu oweerella amodda.

1 Timoteo 6:5

ni okangana woohimalla variyari va athu oohikhalla ni ezeru apaalle yawoona. Alliwaayo eneesa wi omutitimiha Mulluku sika ettilla yoophwanyella eyuuma.

Miyambo 1:10

Mwanaka, athu oonanara yaapaallaka yaawuukopaka ohiwiiwellelleke.

Miyambo 28:4

Oyo ahiniiwellella malamulo annaatthamalla athu oonanara koma oosunga malamulo annakanganana.

Mitteko 26:18

Onaphwanella wi oweerihe wi yooneke wi erukunuwe ovenyera wiipiphini ephiye mu owala navettho ovenyera mu masiva a Satana ophiyera mu masiva a Mulluku. Sika mwa echikhulupililwiiwa eneerokhululukelliwa machimo ni waakhella nipuro niwa variyari va athu a Mulluku.’

Aefeso 5:12

(Tti ddoowulliha muru ollota ddeko ddineereya mwiipiphini.)

1 Timoteo 5:22

Ohaakuveke wiiyaatthi matta va muthu naari ochimwa vamodda ni athu amodda. Weyaano vaweekhaawo okhalleke aweella.