Aefeso 4:7 - Mawu a Mulluku

⁷ Arive muthu a hiyaano ahaakhella emphaso yaayeyaaye moollikana ni mmo Khrisitu avelleelleeye.

Aefeso 4:7 ပူးပေါင်းရင်းမြစ်များ

Aroma 12:3

Ekaamba ya echisomo eyo Mulluku aakivahilleeye, kinallota wa arive muthu variyari vanyu wi muhiganizeke wi nyuwaano tti uullupalli ohiyana ni mmo mukhallelleenyu. Koma maganizwaanyu ekhalle awiiyeviha moollikana ni waata wa echikhulupililo eyo Mulluku uuvahilleeyeni.

1 Petro 4:10

Arive muthu moollikana ni mmo ariiye kapitawo a emphaso dda Mulluku, amurumeyelleke mukhwaaye ni emphaso eyo aavahiweeye ni Mulluku.

Aefeso 3:2

Ddawoona mohiiwa wi Mulluku ookivaha mutteko wi kikawe echisomo akivahilleeye ekaamba ya nyuwaano.

Aefeso 3:8

Mi tti mung'onong'ono wunchichi waakhwaranya athu attheene a Mulluku. Naari ddiri ddiiddo, Mulluku aakivaha mutteko yoolla wi killalleye wa athu ayo ehiri Ayuda othenga waphaama wa dda waata wa eyuuma ya Khrisitu,

Mateyu 25:15

Aamuvaha arive muthu moollikana ni ezeru ddaye. Mmodda aamuvaha makobiri matthanu ni mmodda meelli ni mmoddattho nimodda. Vano aatimulla va olendwaaye.

Yohane 3:34

Vano oyo arumiwe ni Mulluku anallota mawu a Mulluku kaambiiwa Mulluku annamuvaha munepaaye mookwakhwanella.

2 Akorinto 6:1

Sika voopharani mutteko vamodda ni Mulluku, ninnuuvekani nyuwaano mwaakhenlle echisomo ya Mulluku wi ehikhalle yoohikhalla ni mutteko.

Aheberi 2:4

Enthawi yeeyo Mulluku aheera omboni vaweerani ezizindikiro, masiva ni ddoottikhiniha ddoohiyanahiyana navettho vawaavahani emphaso dda Munepa Waweella moollikana ni opaalla waye.