Aefeso 4:6 - Mawu a Mulluku

⁶ vookhalla Mulluku mmodda ni Attiitthiiwa a athu attheene, oyo tti Apwiya a athu attheene, anaphara mutteko oweella mwa attheene nave ari mwa attheene.

Aefeso 4:6 ပူးပေါင်းရင်းမြစ်များ

Aroma 11:36

Vawi ddeko ddittheddene ddaaphatusiwe ni olliyooyo nave oyeella mwa olliyooyo navettho ekaamba ya olliyooyo. Ntitimiho nikhalle wa olliyooyo wa enthawi yoohimalla! Amen.

1 Akorinto 8:6

wa hiyaano arivo tti Mulluku mmodda. Olliyooyo tti Attiitthiihu, Oophatusa ddeko ddittheddene nave ninnakhalla ni okumi wi nimurumeyelleke. Nave erivo Apwiya amoddave, Yesu Khrisitu. Ddeko ddittheddene ddaaphatusiwa mwa olliye navettho mwa olliye ninnakhalla ni okumi.

Malaki 2:10

Ethiyo attheenehi ttiitthiihu khahiyo mmodda? Ethiyo khahiyo Mulluku mmoddave aniphatusalle attheene? Ethiyo vano kaambiiwa tini nihinaroromellanaahu mmodda ni mukhwaaye nave kaambiiwa tini nihinasungeehu echipangano eyo Mulluku akeraatthihalleeye ni makhollwaahu?

Yohane 20:17

Yesu aamulleella wi, “Ohikiphare vawi nginawelle wa Attiitthaaka. Koma vano khawe wa oohudderaaka waalleelle wi kinahokollweella wa Attiitthaaka ni wa Attiitthaanyu, wa Mullukwaaka ni Mullukwaanyu.”

1 Yohane 3:24

Ayo eniiwellella malamulo a Mulluku ennakhalla mu eyaattano ni Mulluku nave Mulluku annakhalla mu eyaattano ni alliwaayo. Nave ekaamba ya Munepa oyo Mulluku anivahilleeye, ninnadduwella wi Mulluku annakhalla mu eyaattano ni hiyaano.

Mateyu 6:9

Vano muvekelleke mwawi ddiidda, Attiitthiihu ooddullu, nnddina nanyu naweella nititimihiwe,

2 Akorinto 6:16

Enyumba ya Mulluku enaattane ni mafano mwawiidde? Vawi hiyaano tti enyumba ya Mulluku Ookumi. Mulluku yeekhaaye aallota wi, “Kineerokhalla mwa alliwa, nave kineereweeteeta variyari viwa. Kineerokhalla Mullukwiiwa, nave alliwa beneerokhalla athwaaka.”

1 Akorinto 12:6

Vookhalla masiva oopharella mutteko oohiyanahiyana koma anavaha masiva yaayo wa attheene va orive mutteko tti Mulluku mmoddamoddave yooyo.

Numeri 16:22

Koma alliwa yaakokhora ellota wi, “Nyu Mulluku, mwaneena a minepa dda athu attheene, ethiyo mwaashenlle murima athu attheenaalla ekaamba ya ochimwa wa muthu mmodda?”

Genesis 14:19

Aamudalisa Abramooyo wi, “Mulluku Amasiva Mattheene, oophatusa oddullu ni ellapo yavatthi, uudalise weyaano Abramu.

Aefeso 6:23

Asinnaka ni arokoraka, murendelle, echikondi ni echikhulupililo ddoovenyera wa Mulluku Attiitthiihu ni Apwiya Yesu Khrisitu ddikhalle ni nyuwaano.

Aefeso 3:17

Nave kinaveka wi Khrisitu akhalle m'murimani mwanyu oyeella mu echikhulupililo. Kinavekella wi mutthipelle misisi ni ollipa mu echikondi,

Aefeso 2:22

Mu eyaattano ni Khrisitu nanyeenettho munimamakiwa vamodda ni amodda attheenaayo wi mukhalle nipuro nookhallamo Mulluku oweella mwa munepaaye.

Yohane 17:26

Nave kahaadduwelliha nyuwaano nave kineerovirellella weera ddiiddo. Vano echikondi muriinyuna mwa miyaano ekhalle mwa alliwa nave miyaanottho kikhalle mwa alliwaayo.”

Yohane 14:23

Yesu aamwaakhulla wi, “Muthu akikonda miyaano aneerothwara mawaaka. Attiitthaaka eneeromukonda nave miyaano ni Attiitthaakaayo nineeroowa wa olliyooyo ni okhalla ni olliye.

Mateyu 6:13

Muhinikuselle woweesiwa, koma munivulluse wa Oonanarooyo.

Yesaya 63:16

Vawi nyuwaano sika attiitthiihu naari Abrahamu ahinidduwellaka navettho Israele ahinaakhullaka. Koma nyu Apwiya muri attiitthiihu, oonoopollaahu waambeella khalle.

Masalimo 95:3

Vawi Apwiya sika Mulluku muullupalli, tti mwene muullupalli, ookhwaranya milluku ddittheddene.

Aefeso 1:21

Khrisitu ohaakhwaranya oolamulella attheene, masiva mattheene ni manddina mattheene ooddullu mu enthawi yeella ni yamuhoollo.

Deuteronomo 6:4

“Nyu Aisraele, apellani maaru! Apwiya Mullukwaahu tti amoddave.