Aefeso 4:32 - Mawu a Mulluku

³² Nave mweerellaneke echifundo ni oreerellana murima navettho mukhululukellaneke wonanko mmo Mulluku uukhululukelleeyeni oweella mwa Khrisitu.

Aefeso 4:32 ပူးပေါင်းရင်းမြစ်များ

Mariko 11:25

Mwaawiimellaka ni ovekella, mwaakhululukelleke athu attheene ayo yuulakwenlleni. Vano Attiitthaanyu ooddullu eneerewuukhululukellani machimwaanyu.”

2 Akorinto 2:10

Mwamukhululukella muthu yoolla nameenettho kinnaakhululukella. Vawi eyo kikhululukelleemi, yaari erivo ello yoopaalleya okhululukella, kinakhululukella ekaamba ya nyuwaano ni vamiitthoni va Khrisitu.

Aefeso 5:1

Vawi nyuwaano tti anamwani ookondiwa a Mulluku, munaphwanella okhalla wonanko olliye.

Luka 6:35

Akondeni adanaanyu vooweerellani ddaphaama, kongolihani koma muhitiyere waakhella ello. Muneerothuviwa wuullupalli nave muneerokhalla anamwani a Mulluku muullupalli. Vawi tti aphaama wa athu oohithokoza ni oonanareene.

Luka 6:37

“Muhiweeruzeke athu amodda nave Mulluku khaweeruzani, muhinawiipaka mullatu athu amodda nave Mulluku khawa awiipani, mwaakhululukelleke athu amodda nave Mulluku aneerewuukhululukellanittho.

1 Akorinto 13:4

Echikondi enniithaalla nave ennareera murima. Echikondi khenaakhallella ehache athu amodda apaalle wiitukhulla apaalle okota.

Luka 17:4

Uuchimwella otthanu ni opiilli va nllapo nimodda, awaaka wa weyaano ni ollota wi, ‘Koorukunuwa murima,’ omukhululukelleke.”

Mateyu 6:12

Munikhululukelle machimwaahu, wonanko mmo ninaakhululukellaahu amodda ayo enilakwenlle.

Masalimo 145:9

Apwiya tti aphaama wa attheene, ennaddeerella echifundo ddittheddene yaddiphatusalliiwa.

1 Yohane 2:12

Kinuulembellani nyuwaano, anaaka vawi machimwaanyu aakhululukiwa ekaamba ya Khrisitu.

Aroma 12:10

Mukondaneke mmodda ni mukhwaaye wonanko muthu ni musinne apaalle murokoriye nave mwaavaheke olemu athu amodda ohiyana ni muniivahelleenyu olemu nyookha.

1 Yohane 1:9

Koma naalapa machimwaahu wa Mulluku, olliye tti oororomelleya ni oolungama vookhululukellani machimwaahu ni vooneellihani o ddaweera ddahu ddoonanara ddittheddene.

2 Akorinto 2:7

Nave vano munaphwanella wi mumukhululukelle ni omullipiha murima wi ahihiye okhulupilila ekaamba yootathilla murima.

Yakobo 5:11

Ninaweera oodala kaambiiwa yaavillella. Mwahiiwa dda ovillella wa Yobu navettho munnadduwella mmo eerelliweeye ni Apwiya voomallihella. Vawi Apwiya aaddalla ni ethakaraka ni oreera murima.

2 Akorinto 6:6

Koma hiyaano nohooniha wi tti oorumeyella a Mulluku vookhallani aweella murima, eezeru, oovillella ni ooreera murima, vookhallani ni Munepa Waweella ni echikondi yawoona,

Luka 11:4

Munikhululukelle machimwaahu, vawi ninnaakhululukella attheene enanilakwella. Nave muhinikuselle woweesiwa.’ ”

Luka 1:78

Ekaamba ya echikondi ni echifundo ya Mullukwaahu, owala woovenyera oddullu oneerokhuma ni oniwalella hiyaano.

Yesaya 57:1

Oolungama ennakhwa nave khaavo anapwathawo. Athu oororomelleya ennaphariwa nave khaavo aniiwesesa ekaambiiwa. Athu oolungama ennavenyihiwavo wi otulli ohaamorelle.

Miyambo 19:22

Yoopaalleya wunchichi wa muthu tti ororomelleya nave muthu oohoowa tti aphaama okhwaranya awoottha.

Miyambo 12:10

Muthu oolungama annapwatha okumi wa echiwetwaaye koma echifundo ya muthu oonanara tti ekuku.

Masalimo 112:9

Annavelleella moohummella wa athu oohoowa, Echilungamwaaye tti yoohimalla, aneeroriihiwa ni ovahiwa olemu.

Rute 2:20

Vano Naomi aamulleella Rute wi, “Apwiya emudalise muthu yoolla. Apwiya enasunga malonjezwiiwa wa athu ookumi naarittho wa athu ookhwa.” Nave aallotattho wi, “Muthooyo tti munasaahu, mmodda mwa abalaahu, oyo ari ni olamulello woonipwatha hiyaano.”

2 Petro 1:7

nave va makhallello ookhulupilila mwaanjererevo echifundo ya va ookhulupilila akhwiinyu nave va echifundweella mwaanjererevo echikondi.

Mitteko 28:2

Athu yakhalla vaavwaayo yaaneerella ddaphaama wunchichi. Yaanaakhella, eniividdeellella munllo wi nootheke vawi wahaamba orupa murimu navettho waanariirya.

2 Samuele 7:21

Nyu Apwiya, ekaamba yookikonda mi oorumeyellaanyu navettho moollikana ni opaalla wa murimaanyu, moheera dduullupalli voodduwanyeyiha wa mi oorumeyellaanyu.

Miyambo 19:11

Ezeru ennamuvaha muthu ohinanariwa mwawaakuva, oriiheya wiwa okonne voohipwathani ddeepewe.

Yeremiya 38:12

Ebedemeleki Mukushi aamulleella Yeremiya wi, “Hiyani matapwataalla mukaphwani mwanyu wi mikwe ddihuuvoreyeni.” Yeremiya aheera ddennddo.