Aefeso 4:30 - Mawu a Mulluku

³⁰ Nave muhikhupanyiheke Munepa Waweella vawi Munepooyo tti echizindikiro yawi nyuwaano tti aaye a Mulluku, osimikiza wi nllapo nineerokwakhwana nawi Mulluku aneerewuuttaphullani.

Aefeso 4:30 ပူးပေါင်းရင်းမြစ်များ

1 Atesalonika 5:19

Muhithiimihe Munepa Waweella.

Yesaya 63:10

Komave athu yaawukila ni omoriha ethakaraka munepiiwa waweella. Sika Apwiya aatthattuwa mudaniiwa nave aawanana.

Genesis 6:6

yaamoriwa ethakaraka wi yahaaphatusa athu ni waahiya va ellapo yavatthi. Vawi murima wahaavoreya wunchichi,

Mitteko 7:51

Sitefano aallota wi, “Athu a etiyamaaru nyu! Mirima ddanyu ddiri wonanko dda athu oohimullapella Mulluku nave khamuniiwellella mawu a Mulluku! Muri wonanko makhollwaanyu, nyuwaano munnakhoota Munepa Waweella mallapo mattheene!

Aroma 8:23

Koma khe ddoophatusiwave ddiniipullella, hiyaanottho niri ni Munepooyo, emphaso yawaamba ya Mulluku ninniipullella m'murimani mwahu ninatiyereehu wi Mulluku aneere anaaye nave attaphulle omuthwaahu.

Aroma 8:11

Vawi Munepa a Mulluku, oyo waamuvenyihalle Yesu wa ookhwa, wakhalla mwa nyuwaano, vano yooyo aamuvenyihalle Khrisitu Yesu wa ookhwa avahattho miilli ddanyu ddookhwanndda okumi, munepaaye wakhalla mwa nyuwaano.

Mariko 3:5

Yesu ahaaweha moonanariwa komattho ahaamoriwella ethakaraka kaambiiwa yaari athu awumma murima. Vano aallota wa muthu a nnatta noorakalloolle wi, “Okolla nnatta nawo.” Ahookolla nave naachirihiwa.

Yesaya 43:24

Khawakikullenlle ddeko ddawunkhella, khawaakikwakhwanihelle ni makhura a mikutho ddanyu. Koma munipuroni mwene wookillemella ni machimwaawo, wookitopiha ni ddoolakwa ddawo.

Masalimo 78:40

Wiilliwiilli yaanamuwukila muchipululuni, enammoriha ethakaraka.

Genesis 6:3

Sika Apwiya yaallota wi, “Ngiwa kaakhullella wi muthu akhalleke ni okumi woohimalla vawi tti mwiilli wookhwa. Waambeella ollello okumaaye onaakomelleke miyakha 120.”

Yesaya 7:13

Sika Yesaya aallota wi, Ngiiwani vano, nyu edduullu ya Davide! Ethiyo khonuukwakhwaneni waatopiha athu munapaalleenyu omutopiha naari Mullukwaaka?

Ezekiele 16:43

Weyaano waatiwalla mallapo eenamwanaawo nave waakishiha murima ni ddeko nnddo weenreewe. Sika ekaambiiwa miyaano kuuhokolloselleemi ddoonanara ekaamba ya nnddo weerilleewe. Vallethi waahoonjerera oraruwa va ddoonanara ddawo ddimodda. Mi Apwiya Mulluku koollota.”

Masalimo 95:10

Va miyakha 40 kaananariwana mbado yoolla, sika kaallota wi, “Alla tti athu oohollowa, khenapwatha ettilla ddaka.”

Aheberi 3:10

Sika wa miyakha 40 kahaananariwella athwaayo killota wi, ‘Mallapo mattheene ennahollowa m'murimani mwiwa, nave ennakhoota othwara malamulwaaka.’

1 Akorinto 1:30

Koma Mulluku sika awaattanihalleni ni Khrisitu Yesu nave oomweera Khrisitu wi akhalle ezeru ddahu. Vawi oweella mwa Yesu Mulluku ooneera oolungama, aweella ni oottaphulliwa.

Aheberi 3:17

Mulluku aananariwalle ni aani wa miyakha 40? Athu ayo yachimwalle, ayo yakhwille muchipululuni mulle.

1 Akorinto 15:54

Sika ddenndda ddeereya yoomalla yatthattusiwa yoohimalla, eyo enaakhwe yatthattusiwa yoohikhwa, vano mawu a Mulluku eneerokwakhwanihiwa awi, “Okhwa woomiryiwa voogonjihiwani!”

Hoseya 13:14

Ethiyo kaavulluse wa ookhwa, kiwoopolla wuukhwaani? We okhwa, mullillaawo ori wuuwi? Ethiyo mahame, woononga wawo ori wuuwi? Athu yaalla ngiweerellattho echifundo.

Oweeruza 10:16

Sika yaavenyihavo milluku ddeelletonndde yaamba waarumeyella Apwiya nave Apwiya yaamoriwa ethakaraka voowonani Aisraele ehoowaka.

Luka 21:28

Vano ddeko ddenndda ddaawaambaka weereya, venyani wehani muddullu vawi woopolliwa wanyu wohaatamella.”

Yohane 3:33

Koma Oyo anaakhullella ombonaaye annasimikiza ni yeella wi Mulluku tti awoona.

Aheberi 10:29

Onaakhalle wawiidde wa oyo anamullotella epewe Mwaana a Mulluku? Oyo aneesa noohikhalla ni mutteko nikhame na echipangano nno naneellihalle? Apaalle anallotella epewe Munepa Waweella oyo ananivaha echisomo ya Mulluku? Ollakiwa wa muthu awi ddiidda onaakhalle wawoopiha wunchichi.