Aefeso 4:3 - Mawu a Mulluku

³ Mweeseeseke osunga omoddoolla oyo onavahiwa ni Munepa oyeella mwamurendelle oyo waattaniha vamodda.

Aefeso 4:3 ပူးပေါင်းရင်းမြစ်များ

1 Akorinto 1:10

Mu nnddina na Apwiihu Yesu Khrisitu kinimuuvekani nyuwaano attheene, asinnaka ni arokoraka wi mwiiwananeke va nnddo munalloteenyu wi vihikhalle okawaneya variyari vanyu. Mukhalleke awaattana m'murimani mwanyu ni m'maganizoni mwanyu.

Aheberi 12:14

Mweeseese okhalla mwamurendelle ni athu attheene. Mukhallekettho aweella murima vawi khaavo naari mmodda anaawoone Apwiya aahikhalla aweella murima.

Yohane 13:34

Nave kinuuwiherani lamulo nanaanweene wi mukondaneke mmodda ni mukhwaaye. Mukondaneke mmodda ni mukhwaaye wonanko mmo kinuukondelleemini.

2 Akorinto 13:11

Asinnaka ni arokoraka, hallani phaama! Mullipihelleke okhalla aphaama wunchichi, mwiiwellelleke nnddo kinuuvekeemini, mwiiwananeke mmodda ni mukhwaaye, mukhalleke m'murendelleni. Vano Mulluku a echikondi ni murendelle aneerokhalla ni nyuwaano.

1 Atesalonika 5:13

Mwaavaheke yaayo olemu wunchichi ni echikondi ekaamba ya mutteko enaphariiwa. Variyari vanyu vikhalleke murendelle.

Aefeso 4:4

Vookhalla mwiilli mmodda ni Munepa mmodda, wonankottho mmo mwavaheriweenyu otiyera omodda mvo Mulluku aawiithanilleeyeni.

Aefeso 4:13

ophiyera attheene nineerewaattanihiwa vamodda mu echikhulupilwaahu ni mu omudduwella wahu Mwaana a Mulluku. Vano nineerokhalla athu oowaraalla ni ophiyera va wunnuwa ottheene wa Khrisitu.

Eksodo 28:32

Variyari viwa va mukanjooyo ohiye mulliha wookwakhwana ovollochihavo muru. Mulliha yoolla osowiwe moollipiha moowaapheella mutthemwene wonanko nikohi na malaya wi mukanjoolla ohaahuwe.

1 Mamwene 16:21

Nave Israele aakawaneya variyari, athu amodda yamuthwanre Tibini mwaana a Ginati wi emuvollochihe omwene nave amodda yamuthwanre Omuri.

Oollalleya 4:12

Muthu ttuullipana ni mukhwaaye akhalla yeekhaaye koma yakhalla eelli ttuumugonjiha olliye. Mukwe wooritthiwa ni olusi muraru khonaphaddeya shisha.

Mariko 3:24

Orive omwene wakawaneya va weekhiiwa ni owana, khollekella omalla.