Aefeso 4:29 - Mawu a Mulluku

²⁹ Muwano mwanyu muhikhumeke mawu oonanara koma mawu aphaamave wi mwaallipiheke athu amodda oopaalleya ollipihiwa. Sika wi mawaanyu ekhalleke aphaama wa athu awiiwa mawaayo.

Aefeso 4:29 ပူးပေါင်းရင်းမြစ်များ

Akolose 4:6

Mawaanyu ekhalleke aphaama wonanko mwiinyu wi mudduwelleke omwaakhulla arive muthu enthawi ddittheddene.

1 Atesalonika 5:11

Sika mullipihaneke murima ni okaviherana wonanko mmo muneerelleenyu.

Oollalleya 10:12

Mawu a muthu eezeru ennamuvahiha olemu koma a muthu ookarangeya ennamoononga.

Miyambo 15:7

Eyano ya muthu eezeru ennavuwiha odduwella koma ohiri ya oonanara.

Miyambo 12:13

Athu oonanara ennakoliwa ni mawu avayanoni viwa koma oolungama ennakhuma mu ddookatamiha.

Mateyu 5:16

Emoddamoddave yeeyo owala wanyu wooneyeke vamiitthoni va athu wi vawoonani mitteko ddanyu ddaphaama yaatitimihe Attiitthaanyu ooddullu.

Miyambo 16:21

Muthu eezeru anneeriwa awiiwesesa nave ollota waye wooddiva onnaakhullelliwa.

Yesaya 50:4

Apwiya Mulluku aakihuddiha ddoophwanella ollota wi kidduwelle mawu owaallipiha murima oofooka. Orive ohinase ennakivenyiha, ennaandusa maarwaaka wi kiiwe wonanko aneerella muthu oohuddera.

Masalimo 52:2

We awoottha onaganiza ddawoononga, nllumi nanyu tti wonanko mpeni wawiisha.

Miyambo 15:23

Muthu annahakallalla ni waakhulla waphaama wa muwano mwaye. Ethiyo mawu oollotiwa mu enthawi yoophwanellella khehiyo aphaama?

1 Petro 2:12

Makhallellwaanyu variyari va athu oohimullapella Mulluku enaphwanella ekhalleke aphaama. Yaawiipakani mullatu wi nyuwaano tti aweera ddoonanara, yoone ddaweera ddanyu ddaphaama wi emutitimihe Mulluku va nllapo na owa waye.

Luka 4:22

Athu attheene yaallota ddaphaama dda olliyooyo nave voottikhinani ni mawu oophara murima ayo aallotilleeye, yaallota wi, “Olla khe mwaana a Yosefe?”

Masalimo 5:9

Vawi muwano mwa adanaaka mooddalla ddawoottha. Murimiiwa onnapaalla woononga. Ommilloni wiwa tti wonanko mahame ookatakata, nllumi niwa ninnallota ddoolleka.

1 Petro 3:1

Emoddamoddave yeeyo atthiyananyu munaphwanella mwaavaheke olemu amamuninyu wi makhallellwaanyu eweerihe ayo ehiniiwellella mawu a Mulluku okhulupilila. Khophwanellattho wa nyuwaano wi mullote mawu,

Aefeso 4:16

Ovenyera mwa muroolla, mwiilli muttheene onnamakellelliwa nimodda nave onallipihiwa ni mookumanella eziwalo. Sika erive echiwalo yaphara mutteko moophwanellella, mwiilli muttheene onunnuwa ni wiillipiha oweella mu echikondi.

Aefeso 4:12

Enre ddenndda wi athu a Mulluku ekhozekelle mutteko woomurumeyella Khrisitu wi ellipihe mwiilli wa Khrisitooyo,

Masalimo 71:24

Nllapo nittheene kineerollalleya ollota dda echilungamwaanyu wi oowaashaasha okivoreya, evevulliwe, ewulliwesese muru.

Masalimo 45:2

Nyuwaano tti ooreera waakhwaranya akhwiinyu attheene, vayanoni vanyu vinnakhumiha ddaphaamave. Ella sika ekaambiiwa Mulluku uudalisalleeyeni wa enthawi yoohimalla.

2 Petro 2:18

Enallota ddookota ni ddookarangeya nave ennaalleka athu ayo ethawille wene ovenyera variyari va ayo enakhalla mu machimo voopharihani mitteko minkhella ddiwa dda omuthu.

1 Akorinto 14:19

Koma m'mipingoni, weerokhalla phaama wa miyaano ollota mawu atthanu awiiweya phaama waahuddiha amodda ohiyana ni ollota mawu 10,000 mu ellotello ddoohidduwanyeya.

Aroma 14:19

Sika ninaphwanella wi erive enthawi neeseeseke okhalla mwamurendelle ni okaviherana wi nikhalle ni echikhulupililo yoollipa.

Aroma 15:2

Koma hiyaano attheene naahakallalliheke asinnihu ni arokorihu ni oweerella ddaphaama wi nillipihe echikhulupililwiiwa.

Yohane 1:37

Oohuddera eellaalle yaamwiiwa olliyooyo allotaka yeella nave yaamuthwara Yesu.