Aefeso 4:28 - Mawu a Mulluku

²⁸ Ayo yaari allupaawiiya enaphwanella ehiye wiiyanko nave yaambe ophara mutteko wi yiiphwanyelleke eyuuma mwaphaama wi eworeke waavaha athu oohoowa.

Aefeso 4:28 ပူးပေါင်းရင်းမြစ်များ

1 Timoteo 6:18

Waalamulelle wi yeereke ddaphaama, ekhalle ni mitteko ddaphaama ddawaata nave ekhalle ni murima woovaha ni wookonda waakawella amodda.

Agalatiya 6:10

Sika vano nakhalla ni enthawi ninaphwanella neereke ddaphaama wa arive muthu nave makamaka ayo eri a mu nibanja nahu na echikhulupililo.

Eksodo 20:15

“Ohiiye.

Zekariya 5:3

Sika aavirellella ollota wi, “Vaavo voolembiwa tembelelo nno ninaamorelle ellapo yavatthi ettheene. Arive mullupaawiiya aneerovenyihiwa mwiillaponi moollikana ni nnddo ddilembiwe embali emodda. Arive muthu oollupella mwawoottha olliyettho aneerovenyihiwa moollikana ni nnddo ddilembiwe embali emoddeella.

Yohane 12:6

Aallotille nndda ohiri kaambiiwa aanaapwatha ohoowa koma kaambiiwa aari mullupaawiiya. Olliye aari oosunga nthumba na makobiri nave aaniiyamo.

Luka 19:8

Zakeyu ahiimella allota wa Apwiya wi, “Apwiya, kineerokawa variyari eyuumaaka kivelleelle wa athu oohoowa nave ayo kawaakhilleemi ddeko ddiwa mowaalleka, kineerewaahokollosella osese.”

Hoseya 4:2

Ennallupella mwawoottha, ennallota ddawoottha, enniipha, enniiya ni oraruwa. Machimo aattepa nave enniiphanana.

Yeremiya 7:9

Munniiya, munniipha, munnararuwa, munnallupella mwawoottha, munnavelleella mikutho wa Baala ni ollapella milluku ddimodda nnddo khalle mwahiddidduwelleenyu.

Eksodo 20:17

“Ohisilile enyumba ya mukhwaawo. Ohimusilile mwaara a mukhwaawo, mullupa muttekwaaye aamullopwana, mullupa muttekwaaye aamutthiyana, eng'ombaaye, bulwaaye apaalle erive ello ya mukhwaawo.”

2 Akorinto 8:12

Mwakhalla ni ntthitti noovelleella, Mulluku aneerewaakhella emphaso ddanyu moollikana ni nnddo muriinyuna ohiri moollikana ni nnddo muhiinnaanyu.

2 Akorinto 8:2

Yaheesiwa wunchichi ni ddoohoosa yoonilliiwa koma ohakallalla wiwa waari wuullupalli. Nave yaavelleella mwawoollowa matta naari eri oohoowa wunchichi.

Aroma 12:13

Muvelleelleke ddeko ddanyu wa ookhulupilila akhwiinyu oohoowa nave muwaakhelleke alleto m'mawaninyu.

Yohane 13:29

Vawi kaambiiwa Yudasi aari oosunga nthumba na makobiri, amodda yaaganiza wi Yesu amulleella wi akulle ddoopaalleya dda va Ehakallallo ya Paska. Apaalle wi aavahe makobiri athu oohoowa.

Luka 3:8

Mweereke ddeko ddawooniha wi moorukunuwa murima wonanko muteekho onimma ezipaso ddaphaama. Nave muhinallotaka weekhiinyu wi, ‘Abrahamu sika nikhollo nahu.’ Kinimuulleellani wi Mulluku ttuuwora otthattusa mallukwaalla okhalla edduullu dda Abrahamu.

Miyambo 30:9

Kinoova wi kavona Kineerewuukhootani voollotani wi, “Apwiya ttaani?” Apaalle kahoowa kineerewiiya ni oripiha nnddina na Mullukwaaka.

Miyambo 28:13

Muthu oovittha machimwaaye khakhalla ni ekari koma oowaakhullella ni waahiya aneereweerelliwa echifundo.

Miyambo 14:23

Orive mutteko wookhalla ni mphuro koma ollotallota onnawiiha ohoowa.

Miyambo 13:11

Eyuuma yooyiphwanya mwawaakuva ennamalla mwawaakuva koma yoopata mwa vang'ono vang'ono ennavirellella waata.

Yobu 34:32

Mukihuddihe nnddo kihinaddooneemi, kaarimi keerille yoohilungama, ngiwa keeraattho.’

Eksodo 21:16

“Arive muthu anaamwiiye muthu ni omukulliha apaalle omusunga wonanko kaporo, iiphiwe.

Miyambo 21:26

Muthu oonanara annakuseya murima nllapo nittheene koma oolungama annavaha nave khanuumellella.

Miyambo 31:20

Annaattaphurusella matta athu oohoowa nave annaakavihera athu oopaneya.

1 Akorinto 4:12

Ninnaphara mutteko ni mattaahu. Naatembeleliwaka, ninnadalisa. Naahoosiwaka, ninnavillella.

Tito 3:8

Mawu yaalla tti oororomelleya. Kinapaalla wi ollipihelle ddeko ddenndda wi oomukhulupilila Mulluku yiivelleelleke vaweerani mitteko ddaphaama. Nndda tti ddaphaama ni ddoopinduliha wa arive muthu.

Tito 3:14

Athwaahu ehuddere wiivelleella va mitteko ddaphaama vookaviherani va ddoopaalleya wi ehikhalleke oohimma ezipaso.