Aefeso 4:26 - Mawu a Mulluku

²⁶ Mwasha murima, osha murima wanyunko ohuuchimwiheni nave nndduwa nihivollowe muri oosha murima.

Aefeso 4:26 ပူးပေါင်းရင်းမြစ်များ

Yakobo 1:19

Upuwellani nndda, asinnaka ni arokoraka ookondiwa. Arive muthu akhalle awaakuva wiiwa, awiithaallella ollota nave oohaakuva osha murima.

Masalimo 4:4

Mumooveke Mulluku, muhichimweke mwakonaatthi mahiiyu, muganizereke ddenndda m'murimani mwanyu nave mukhurumuwe

Masalimo 37:8

Rapa osha murima ni onanariwa, ohineera ddennddo vawi ddinnawiiha ddookatamiha.

Oollalleya 7:9

Ohinaakuvaka osha murima vawi osha murima tti wa athu ookarangeya.

Miyambo 14:29

Oomaalleya anniiwesesa phaama ddeko koma awaakuva osha murima annoonihella okarangeya waye.

Miyambo 19:11

Ezeru ennamuvaha muthu ohinanariwa mwawaakuva, oriiheya wiwa okonne voohipwathani ddeepewe.

Mateyu 5:22

Koma miyaano kinuulleellani wi wamunanariwella mukhwaawo attekweene a millatu eneerewuuphwanya wi tti oochimwa. Wamullotella epewe mukhwaawo wi, ‘Muthu ookarangeya we’ oneerokusiwa oya wa attekweenaanyu aweeruza millatu. Navettho wamullotella epewe mukhwaawo wi, ‘Okarangeya, oohikhalla ni muttekowe,’ oneerophwanella ovokhiwa mu gehena.

Mariko 3:5

Yesu ahaaweha moonanariwa komattho ahaamoriwella ethakaraka kaambiiwa yaari athu awumma murima. Vano aallota wa muthu a nnatta noorakalloolle wi, “Okolla nnatta nawo.” Ahookolla nave naachirihiwa.

Numeri 20:24

“Aroni khavollowa mwiillaponi eyo kinaavaheemi Aisraele. Aneerokhwa ekaamba yawi eelliinenyu khamwiiwellelle lamulo naka omaaddini a o Meriba.

Mariko 10:14

Yesu oonilleeye yeella, aasha murima nave aallota wa oohudderaaye wi, “Ahiyeni anamwanaayo ewe wa miyaano, muhaahiihe kaambiiwa omwene wa Mulluku tti wa athu ookhalla wonanko anamwanaalla.

Miyambo 25:23

Wonanko ephevo yoompoto enawiihelliiwa murimu awoononga emoddamoddave nllumi namiseche ninashihelliiwa murima.

Eksodo 11:8

Vano enduna ddanyu ddittheddene ddineeroowa wa miyaano wi ddikikokhorelle nave ddineerollota wi, “Venyaniwoni wuno nyu ni athwaanyu attheene!” Sika vatulli viwa, kineerovenyawo.’ ” Nave Mose aavenyawo wa Farao wulle ashille murima wunchichi.

Deuteronomo 24:15

Mumullivelleke nirive nllapo, nndduwa nihinavollowe mallivello a nllapo nenno. Makobiraayo annaapaalla wunchichi nave anaroromella vaavo sika wi mwaahimullivella aneerowinllellani wa Apwiya nave muneerohumullulliwa wi muri oochimwa.

Yakobo 1:20

Vawi osha murima wa muthu khonahoollella o echilungamo ya Mulluku.

1 Samuele 20:34

Vano Yonatani aavenyavo vatebulonimvo ashille murima wunchichi nave nllapo naneepiillinno khaachille. Murima waamuvoreya wunchichi ekaamba yawi attiitthinnya yaamweerella Davide epewe.