Aefeso 4:24 - Mawu a Mulluku

²⁴ Nave munaphwanella muware makhallello anaanweene, ayo enaphatusiwa moophwanaphwana ni Mulluku nave makhallellwaalla enuupullulleya oyeella vawoonihellani okumi wa echilungamo ni waweella.

Aefeso 4:24 ပူးပေါင်းရင်းမြစ်များ

2 Akorinto 5:17

Arive muthu ari mu eyaattano ni Khrisitu, tti yoophatuwa yanaanweene, ddakhalle ddoomalla, ddanaanweene ddoophiya.

Aefeso 2:10

Vawi Mulluku aaneera mwawi ddiidda nave mu eyaattano ni Khrisitu Yesu aaniphatusa wi neereke ddaphaama mu okumaahu, nnddo aakhozilleeye moovallallella.

Aroma 13:14

Koma muwaakhullelle Apwiya Yesu Khrisitu wi ekhalle yoowaraanyu yakhoto. Nave muhiiwellelleke omuthwaanyu voopaallani okwakhwaniha minkhella ddiwa.

Aefeso 6:11

Muware ddoowara ddawiitetezella vakhotoni munavahiweenyu ni Mulluku wi muwore wiiteteza o endale dda Satana.

Aroma 6:4

Obatizwaahu tti wonanko okhwa ni ovitthiwa vamodda ni olliyooyo wi nikhallena okumi wanaanweene, wonanko mmo Khrisitu aavenyihiweeye wa ookhwa ni masiva antitimiho na Attiitthiihu.

2 Akorinto 3:18

Hiyaano attheene ninnoona ntitimiho na Apwiya nihikhunenlle ekhove ddahu. Munepa wa Apwiya annanitthattusa wi niphwanaphwane ni olliyooyo okhalla ni ntitimiho nawunnuwa.

2 Akorinto 4:16

Ekaamba ya yeella hiyaano khaninatathilla murima. Naari miilli ddahu dduntaka vang'ono vang'ono, mirima ddahu ddinnakhallihiwa ddanaanweene nllapo ni nllapo.

Aroma 13:12

Mahiiyu ehanlle vang'ono omalla nave ohinase wohaatamella. Sika hankoni nihiye mitteko dda mwiipiphini nave niware ddoowanella ekhoto dda mu owala.

Tito 2:14

Ahiivelleella yeekhaaye mu nipuro na hiyaano wi anoopolle hiyaano o machimo mattheene nave wi aneerihe wi nikhalle aweella navettho wi nikhalle aaye ayo mirima ddiwa ddiri va mitteko ddaphaama.

1 Petro 2:2

Mukhalleke wonanko anamwani awaamwa, enthawi ddittheddene mukhalleke ni nthona na mukaka waphaama wa Munepa wi mwawirya muneerewunnuwa nave muneerovullusiwa.

Aroma 8:29

Athu ayo Mulluku aatthoonlleeye khalle, aaweera wi ekhalle wonanko Mwanaye wi Mwaanooyo akhalle awaamba mu nibanja nuullupalli.

Yohane 17:17

Weelliheni yaayo oweella mu masiva a yawoona; mawaanyu tti yawoona.

Agalatiya 6:15

Ophaddiwa naari ohiphaddiwa khonna mutteko koma okhalla oophatusiiwa anaanweene sika ori ni mutteko.

Agalatiya 3:27

Mwaabatiziwa mwawaattana ni Khrisitu nave vano moowara okumi wa Khrisitu wonanko yoowara yanaanweene.

Yesaya 52:1

We Ziyoni, venya venya, llipa murima. We Yerusalemu, muzinda waweella, wara ddoowara ddawo ddaphaama, athu oohiphaddiwa ni ooripihiwa khewa evollowattho va millako ddawo.

1 Akorinto 15:53

Vawi yoomalla eneerotthattusiwa yoohimalla, eyo enaakhwe eneerotthattusiwa yoohikhwa.

Yobu 29:14

Echilungamo yaari wonanko yoowaraaka, ddaphaama ddaka ddaari wonanko mukanjo ni enduwira.

Aefeso 2:15

Aheeriha malamulo mattheene a Mose wi ehikhalle ni mutteko ni wi aphatuse mulloko mmodda wanaanweene ovenyera m'millokoni miillinndde mu eyaattano ni olliyooyo wi vikhalle murendelle.

Yesaya 59:17

Yaawara echilungamo wonanko yoowara yawiitetezella ekhakadda nave ovullusa wonanko echipewa yawiitetezella omuruni. Yaawara ohokollosella ddoonanara wonanko mukanjo nave osha murima wiwa wonanko yawiikhuneelliiwa.

Aheberi 12:14

Mweeseese okhalla mwamurendelle ni athu attheene. Mukhallekettho aweella murima vawi khaavo naari mmodda anaawoone Apwiya aahikhalla aweella murima.

Aheberi 1:8

Dda Mwanaye, Mulluku allotille wi, “Nyu tti Mulluku, omwenaanyu onaakhalle wa enthawi yoohimalla! Munalamulella va athwaanyu mwa echilungamo.

Genesis 5:1

Nna sika ntthopoollo ya edduullu dda Adamu. (Mulluku voomuphatusani muthu, amuphatusalle moophwanaphwana ni olliyooyo.

Luka 1:75

koma mwaweella murima ni mwa echilungamo vamiitthoni vaye mallapo mattheene ookumaahu.”

Aroma 7:6

Koma vano noottaphulliwa omalamuloni kaambiiwa niri wonanko ookhwa, omwallana ni malamulo ayo yaanimakille. Vano ninnamurumeyella Mulluku mu ettilla yanaanweene vawiiwellellani munepaaye ohiri orumeyella mu ettilla yakhalle ya malamulo oolembiwa.

Aroma 12:2

Muhittakihereke makhallello a athu a va ellapo yavattheella. Koma mwaakhullelle wi Mulluku uutthattuseni vawuuvahani murima wanaanweene. Vano muneerodduwella eyo Mulluku anapaalleeye, yaphaama wunchichi, yoomuhakallalliha ni yoophwanellella.

2 Petro 1:4

Mu ettilla yeella oonivaha emphaso dduullupalli ni ddoowallamella alonjezilleeye. Ekaamba ya emphaso ddenndda muneerothawa minkhella ddoonanara ni ddawoononga dda mu ellapo yavattheella nave muneerokawanana makhallello a omulluku.