Aefeso 4:22 - Mawu a Mulluku

²² Sika muhiye makhallellwaanyu akhalle ayo yaweerihalleni wi mukhalleke mwawi ddiiddo, makhallellwaanyu akhalle ayo yuntihiwe ni minkhella ddoolleka.

Aefeso 4:22 ပူးပေါင်းရင်းမြစ်များ

Aroma 6:6

Nave ninnadduwella wi makhallellwaahu akhalle aakhwa vamodda ni Khrisitu vamutandani wi masiva a makhallellwaahu oochimwa yoonongiwe wi nihikhalle akaporo a machimo.

Aheberi 12:1

Vawi virive veko voonaapheella vookhalla amboni a echikhulupililo anchichi ddiidda, hankoni nivenyihevo erive ello yooniselliha, makamaka machimo ayo eniwanddeellelle nave nithamake ni murima muttheene mpikisano nambilleehoolla.

Yakobo 1:21

Sika muhiye erive makhallello oonanara navettho erive machimo. Akhellani mwawiithaalla mawu yaayo yaalliwe ni Mulluku m'mirimani mwanyu vawi yaayo sika enaawore wuuvullusani.

Aheberi 3:13

Koma munaphwanella mullipihaneke murima nllapo ni nllapo vawi ella tti enthawi yaphaama eyo mawu a Mulluku enayiromolliiwa wi, “Ollello.” Sika wi mmodda anyuwaano ahummihe murimaaye ekaamba yoollekiwa ni machimo.

Tito 3:3

Vawi hiyaanottho khalle naari ookarangeya, oohiiwellella, oohollosiwa, akaporo a minkhella ni ddoohakallalliha ddoohiyanahiyana. Nakhallella weera ddoonanara ni ehache naari awiitana ni oonyambusana mmodda ni mukhwaaye.

Aefeso 4:25

Vano muhiye woottha! Arive muthu a nyuwaano anaphwanella alloteke ddawoona ni mukhwaaye kaambiiwa hiyaano vamodda niri eziwalo dda mwiilli wa Khrisitu.

1 Petro 4:3

Mootathilla enthawi yinchichi khalle vaweerani nnddo eneera athu oohimullapella Mulluku. Okhalla wanyu waari wa oraruwa, minkhella ddoonanara, olezela, machellello ni olezela nave ollapella mafano moonanariha.

Aefeso 4:17

Vano mu nnddina na Apwiya, kinimuuchenjezani wi muhivirellelle okhalla wonanko athu oohimullapella Mulluku, ookhalla ni maganizo ohikhalla ni mutteko.

2 Petro 2:13

nave eneerohoosiwa ekaamba ya ohoosa yenriiwa. Ennakonda okwakhwaniha minkhella dda miilli ddiwa nndduwa noopaka. Nave yaachaka ni nyuwaano ennuuwullihani muru kaambiiwa ennakonda woottha!

1 Petro 1:18

Vawi munnadduwella eyo yaallivelliwe wi moopolliwe ovenyera o makhallello oonanara ayo mwaamwenlleenyu wa makhollwaanyu. Kheyaari ello yawoonongeya, wonanko siliva apaalle golide.

Akolose 2:11

Navettho mu eyaattano ni Khrisitu, mwaaphaddiwa, ohiri ophaddiwa wene oneeriwa ni athu koma ophaddiwa oneeriwa ni Khrisitu, nko wuuttaphunlleni o masiva oomuthu.

Miyambo 11:18

Muthu oonanara annallivelliwa ddoolleka koma oomidda echilungamo annathuviwa.

Yobu 22:23

Ohokollweelle mwawiiyeviha wa Amasiva Mattheene, ddoohilungama ddirekamellane ni enyumbaawo.

Aefeso 2:3

Hiyaano attheene naari wonanko yaayo nave naaniiwellella minkhella dda omuthwaahu, weera ddoopaalla ddittheddene dda miilli ddahu ni maganizwaahu. Kaambiiwa hiyaano niri wonanko arive muthu, naaphwanella ohoosiwa ni osha murima wa Mulluku.

Obadiya 1:3

Makhallellwaawo awiitukhulla ahuulleka, we onakhalla m'mittharini dda malluku we onakhalla vaddullu, we onallota m'murimani mwawo wi, ‘Ttaani anaakikitthihe vatthi?’

2 Petro 2:7

Koma aamuvullusa Loti, muthu oolungama, oyo ahoosiwe m'murimani ni makhallello oonanara a athu oohithwara malamulo.

Yeremiya 49:16

Wiitukhulla wawo wohuulleka, woopopiha wawo wohuuhollosa, we ookhalla m'mallukuni ni omiyaangoni. Koma naarive omakille enyumbaawo vaddullu wonanko emphuru ya echiwombankhanga kineerewuukitthiha. Mi Apwiya koollota.”

Agalatiya 1:13

Moolleelliwa mmo kakhallelleemi voollapellani mu Eyuda, mmo kahoosilleemi mpingo wa Mulluku moohimoriwa ethakaraka nave kaheeseesa woononga mpingooyo.

1 Samuele 1:14

Eli aamukoha olliye wi, “Munaakhalle oolezela ophiyera niini? Khaweni olezelanko waambe owuukunuwani.”

Aroma 7:11

Vawi machimo yaaphwanyellavo ekari va malamulo sika yaakilleka nave ekiipha.

Yakobo 1:26

Muthu mmodda addeesa wi tti oomullapella Mulluku, ahinamaka nllumi naye, omullapella waye Mulluku tti woohikhalla ni mutteko nave aniilleka yeekhaaye.

Yeremiya 17:9

“Murima wa muthu tti woolleka okhwaranya ddeko ddittheddene. Tti woonanara moohichiriheya, ttaani anaawore owiiwesesa?

2 Akorinto 11:3

Koma kinoova wi maganizwaanyu enaavirikanyihiwe nave wi muneerohiya wiivelleella wanyu woororomelleya wa Khrisitu wonanko mmo Heva aallekiweeye ni olleka woochenjera wa enowa.

Aefeso 4:31

Hiyani ollutuwa, osimwa, osha murima, ohumullullana, ollotellana epewe apaalle wiitana orive ottheene.