Aefeso 4:18 - Mawu a Mulluku

¹⁸ Ezeru ddiwa ddooripihiwa nave kheyaakhellana okumi oyo Mulluku anavaheeye vawi alliwaayo tti oohidduwella navettho tti awummiha murima.

Aefeso 4:18 ပူးပေါင်းရင်းမြစ်များ

Mateyu 13:15

Umiha mirima dda athwaalla, khoowiha maarwiiwa, minyalliha miitthwiiwa wi ehoone ni miitthwiiwa, ehiiwe ni maarwiiwa, ehidduwelle ni murimiiwa nave ehirukunuwe murima wi echirihiwe.”

Aefeso 2:12

Va enthawi yeeyo khamwaarina Khrisitu. Mwaari alleto nave khamwaari mmodda a athu ootthoolliwa a Mulluku. Nyuwaano khamwaapwesereriwemo mu echipangano eyo yaalonjeziwe ni Mulluku wa athwaaye. Nave mwaakhalla mu ellapo yavattheella muhinna otiyera navettho muhinna Mulluku.

Yohane 12:40

“Mulluku aaweeriha miitthwiiwa okhalla oohoona, ahummiha mirima ddiwa. Ddahaariki ddiiddo miitthwiiwa yaweerekowoona, nave mirima ddiwa ddeerekewiiwesesa, wi emurukunuwelle olliye wi aachirihe.”

1 Atesalonika 4:5

ohiri okhalla ni minkhella ddoonanara, wonanko oohikhulupilila ayo ehinamudduwella Mulluku.

Yakobo 4:4

Nyu athu oohiroromelleya! Khamunadduwella wi waattana ni ellapo yavatthi tti wiitana ni Mulluku? Athu enapaalla waattana ni ellapo yavatthi enaddiitaniha weekhiiwa ni Mulluku.

2 Akorinto 4:4

Khenakhulupilila kaambiiwa mulluku oonanara a ellapo yavattheella oheeriha mirima ddiwa wi ddihooneke. Sika khenawora woona omolleella wa othenga waphaama wa ntitimiho na Khrisitu oyo anaphwanaphwana ni Mulluku.

Akolose 1:21

Khalle nyuwaano mwaarekamellana ni Mulluku nave mwaari adanaaye ekaamba ya machimo mweenreenyu ni mwaaganizalleenyu.

1 Yohane 2:11

Koma ayo enawiita asinniwa ni arokoriwa eri mwiipiphini. Eneeta mwemmo nave khenadduwella nko enayeewawo kaambiiwa epipheeyo yooripiha miitthwiiwa.

Agalatiya 4:8

Khalle khamwamudduwenlle Mulluku, sika mwaari akaporo a ddoophatusiwa ddoohikhalla milluku.

Aroma 11:25

Asinnaka ni arokoraka, vookhalla yookhuweya eyo kinapaalleemi wi mudduwelle vawi muneeseke wi nyuwaano tti eezeru. Aisraele amodda yahummiha murima. Nave enaakhalleve ddiiddo ophiyera echiwerengero ya athu ayo ehiri Aisraele oowa wa Mulluku ekwakhwanne.

Aroma 1:28

Vawi athu yaayo ennakhoota omwaakhullella Mulluku, Mullukooyo ohaahiya wi eganizeke ddoonanara ddennddo. Sika eneera ddeko ddoohiphwanella weeriwa.

Mitteko 17:30

Mulluku khalle ahaahiya athu oohaallaka vawi kheyaamudduwella koma vano annaalamulella athu attheene orive weko wi erukunuwe murima.

1 Akorinto 1:21

Vawi Mulluku mu ezeru ddaye aheeriha wi athu ehimudduwelle olliye voopharihani mutteko ezeru ddiwa. Koma Mulluku aapaalla waavullusa athu ookhulupilila mwa othenga wookarangeya ninallalleyeehu.

Aroma 2:19

nave munnasimikiza wi nyuwaano tti oohoollella a oohoona navettho tti owala wa ayo eri mwiipiphini,

Mariko 3:5

Yesu ahaaweha moonanariwa komattho ahaamoriwella ethakaraka kaambiiwa yaari athu awumma murima. Vano aallota wa muthu a nnatta noorakalloolle wi, “Okolla nnatta nawo.” Ahookolla nave naachirihiwa.

Daniele 5:20

Koma yaambilliiwa wiitukhulla, wunnuwa murima ni wiiddivella, yaakitthihiwa va mpandwiiwa woomwene ni waakhiwa olemwiiwa.

Masalimo 74:20

Upuwellani echipanganwaanyu, vawi mapuro awiipittheya mwiillaponi, aatthattuwa mooweerella ekuku ddinchichi.

2 Akorinto 3:14

Mulluku ahummiha mirima ddiwa nave ophiyera vano mirima ddiwa ddookhunelliwa ni ekuwo erive enthawi malamulo a Mose yaaweerengaka wa alliwaayo. Ekuwo yeeyo enakhunuulliwa oweella mwa Khrisitu.

Yesaya 25:7

Va mwaango yoolla eneeromalliha ethakaraka nnddo ddahuruwenlle mitundu ddittheddene dda athu ni malloko mattheene.

Mitteko 3:17

“Nave vano, akhwaakanyu, kinnadduwella wi nyuwaano ni attekweenaanyu mwaamweerella ddenndda Yesu ekaamba ya ohidduwella wanyu.

Aroma 11:7

Vano kaambiiwa tini Aisraele yahiphwanyilliiwa nnddo yaashiiwa? Athu vang'ono ootthoolliwa sika yaphwaanyille koma amoddaayo yahummiha murima,

1 Akorinto 2:8

Khaavo oolamulella a ellapo ella aadduwenlle ezeru yeella. Yadduwenlleke kheyaatthomeye vamutandani Apwiya antitimiho.

Aefeso 2:1

Khalle nyuwaano mwaari ookhwa m'munepani ekaamba ya ohiiwellella wanyu ni machimwaanyu.

Aheberi 5:2

Vawi nayeenettho tti oofooka sika annawora okhalla ni murima wowiiwesesa dda ayo ehineera phudda voochimwani.

Aheberi 9:7

Koma mullupa mukutho muullupallive sika avollowa muwari mwa musasa nave eera ddenndda omoddave vamuyakhani. Aanakusa nikhame nno aheraatthiiye wa Mulluku ekaamba ya machimwaaye ni ekaamba ya machimo a athu yeeriiwa moohidduwella.

1 Petro 1:14

Mumwiiwellelleke Mulluku, okumaanyu ohilamulelliweke ni minkhella mwathwareenyu khalle moohidduwella.

Levitiko 11:16

enthiwatiwa, eddiiddi, akakowa, orive mutundu wa neekhwaambe,

Ezekiele 14:5

Kineerewaakopa Aisraele ayo ekihiyalle ekaamba ya mafanwiiwa.’