Aefeso 4:17 - Mawu a Mulluku

¹⁷ Vano mu nnddina na Apwiya, kinimuuchenjezani wi muhivirellelle okhalla wonanko athu oohimullapella Mulluku, ookhalla ni maganizo ohikhalla ni mutteko.

Aefeso 4:17 ပူးပေါင်းရင်းမြစ်များ

Aroma 1:21

Vawi naari edduwenlle dda Mulluku, khenamutitimiha moophwanellella naari omuthokoza. Nave maganizwiiwa tti oohikhalla ni mutteko nave mirima ddiwa ddookarangeya ddooddalla ni epiphi.

2 Petro 2:18

Enallota ddookota ni ddookarangeya nave ennaalleka athu ayo ethawille wene ovenyera variyari va ayo enakhalla mu machimo voopharihani mitteko minkhella ddiwa dda omuthu.

Akolose 2:4

Vano kinimuulleellani, muhaakhullelle wi mmodda uuholloseni ni mawu oolleka.

1 Petro 1:18

Vawi munnadduwella eyo yaallivelliwe wi moopolliwe ovenyera o makhallello oonanara ayo mwaamwenlleenyu wa makhollwaanyu. Kheyaari ello yawoonongeya, wonanko siliva apaalle golide.

Mitteko 20:21

Wa Ayuda ni athu ayo ehiri Ayuda kahaachenjeza wi erukunuwe murima ewe wa Mulluku nave ekhulupilile mwa Apwiihu Yesu.

Mitteko 18:5

Sila ni Timoteo yaphiyalliiwa ovenyera o Masedoniya, Paulo aari aviheeriwalle ni ollalleya mawu, owoonihella Ayuda wi Yesu sika Mesiya.*

Mitteko 14:15

“Athu nyu muneerella tini ddenndda? Hiyaano tti athu wonanko nyuwaano! Niwiille wi nillalleye othenga waphaama, wawi nyuwaano muhiye milluku ddoohikhalla ni mutteko nave muwe wa Mulluku Ookumi, oyo aphatusalle oddullu, ellapo yavatthi, enyanja ni ddittheddene ddiri mwemmo.

Yeremiya 42:19

Sika kaavirellella ollota wi, “Nyu oohalla o Yuda, muhiyeewo o Iguputo. Kohuuchenjezani ollello.

2 Timoteo 4:1

Vamiitthoni va Mulluku ni va Khrisitu Yesu, oyo anaaweeruze athu attheene ookumi ni ookhwa nave oyo anaawe wi alamulelle wonanko Mwene, kinimuulamula weyaano wi,

1 Timoteo 6:13

Navesttho vamiitthoni va Mulluku oyo anavaha okumi ddeko ddittheddene ni Khrisitu Yesu oyo aakhullenlle echikhulupililwaaye vamiitthoni va Pontio Pilato.

1 Timoteo 5:21

Vamiitthoni va Mulluku ni Khrisitu Yesu ni angelo ootthoolliwa kinimuulamula wi othware malamulo yaalla moohiweha ekhove apaalle mookondella.

1 Atesalonika 4:6

Mwawi ddiidda, muheereke yoonanara apaalle omulleka mwanamunno apaalle murokoriyo. Vawi Apwiya eneerewaallaka ayo eneera yeeyo wonanko nuulleelleeyeni ni wuuchenjezani khalle.

Akolose 2:18

Muhaakhullelle wi mweeruziweke ni athu ayo eniiyeviha weekhiiwa mwawoottha, enaallapella angelo nave eniitukhulla ni woona ddamuhoollo. Ddenndda tti ddoohikhalla ni mutteko kaambiiwa athu yaalla aaddalliwa ni ezeru dda omuthu.

Aefeso 4:22

Sika muhiye makhallellwaanyu akhalle ayo yaweerihalleni wi mukhalleke mwawi ddiiddo, makhallellwaanyu akhalle ayo yuntihiwe ni minkhella ddoolleka.

Aefeso 1:22

Mulluku aahiya ddeko ddittheddene m'mattani mwa Khrisitu nave aamweeriha wi akhalle muru a ddeko ddittheddene wi apindulelle mpingo.

Agalatiya 5:3

Wiillittho, kinamuchenjeza arive muthu anapaalla ophaddiwa wi anaphwanella wiiwellella malamulo mattheene.

Agalatiya 3:17

Eyo kinaakeemi tti yawi Mulluku aheera echipangano ni Abrahamu. Malamulo ayo yavahiwe ddiviralle miyakha 430, kheyeeriha wi echipanganweeyo etathille apaalle woononga lonjezo na Mulluku.

2 Akorinto 9:6

Upuwellani wi muthu anamidda mmiddo wooyeva aneerohata ddooyeva nave oyo anamidda mmiddo wawaata aneerohata ddawaata.

1 Akorinto 15:50

Eyo kinaakeemi, asinnaka ni arokoraka, tti yawi yawoopiwa ni mwiilli ni nikhame khewora waakhella omwene wa Mulluku nave yoomalla khewora waakhella yoohimalla.

1 Akorinto 1:12

Kinallota nndda ekaamba yawi arive muthu a nyuwaano anallota ddoohiyana. Mmodda anallota wi, “Kinamuthwara Paulo,” mmodda wi, “Kinamuthwara Apolo,” mmodda wi, “Kinamuthwara Petro,” nave mmodda wi, “Kinamuthwara Khrisitu.”

Mitteko 2:40

Petro ahaallalleyella athwaayo ni mawu oohiyanahiyana manchichi aalleella moollipa wi, “Mwiivulluse nyookha o ollaka onawanko wa athu oonanara amuttano!”

Nehemiya 13:15

Enthawi yeeyo kaawoona athu mu Yuda empangaka vinyo nllapo na Sabata. Amodda yaanakusa vinyo, mpesa, namukuyu navettho katundu oohiyanahiyana enaareya abulu oyaana o Yerusalemu va nllapo na Sabata. Vano kahaachenjeza wi ehikulliheke erive ello va nllapo na Sabata.

Luka 16:28

wi aachenjeze asinnaka atthanu wi ehiwe onipuroni noohoosanna.’

Levitiko 15:18

Mullopwana atathilla ellopwanaaye vookonani ni mutthiyana, eelliinaayo ehape koma eneerokhalla ooripihiwa ophiyera misikuwa.

Deuteronomo 27:10

Sika muwiiwellelleke Apwiya Mullukwaanyu nave musungeke malamulo ni malangizwiiwa mattheene ayo kinawinnyeemini ollello.”