Aefeso 4:14 - Mawu a Mulluku

¹⁴ Neera ddiiddo khanikhallattho wonanko anamwani ookusiwa ni mafunde ni oovavihiwa ni ephevo yooyeella nngu ni nngu ya ddoohuddiha dda athu awoottha, ayo enaahollosa amodda vawallekani.

Aefeso 4:14 ပူးပေါင်းရင်းမြစ်များ

Aheberi 13:9

Muhinaakhullella wi ehuddiho ddeelleto dduuholloseni. Yoophwanella onillipiha murima tti echisomo ya Mulluku, woohikhalla malamulo oollota dda yoocha. Athu amodda yathwara malamulwaalla kheyaaphurallena ello.

1 Akorinto 14:20

Asinnaka ni arokoraka, muhinaganizaka wonanko anamwani. Mukhalleke wonanko anamwani ehinadduwella ello va yoonanara nave mukhalleke oowaraalla m'maganizoni mwanyu.

1 Yohane 4:1

Akhwaaka ookondiwa, muhinaakhulupilila ayo enallota wi aakhalla ni munepa koma muweeseke wi mudduwelle munepa eriiwanooyo waarimi ovenyeraka wa Mulluku. Vawi anamallotella awoottha anchichi yahooneya va ellapo yavatthi.

2 Akorinto 2:17

Hiyaano khaninaphwanaphwana ni athu amodda anchichi ayo enakusa othenga wa Mulluku wonanko tti malonda oohiwallamella mutengo koma kaambiiwa Mulluku oonirumiha hiyaano, ninavuwiha othenga mwawoona vamiitthoni vaye oweella mwa Khrisitu.

Yakobo 1:6

Nave aveke ni echikhulupililo moohikayikella. Vawi oyo anakayikella ari wonanko mafunde a mu enyanja ayo enakakhiwa ni ophikirisiwa ni ephevo.

Aefeso 6:11

Muware ddoowara ddawiitetezella vakhotoni munavahiweenyu ni Mulluku wi muwore wiiteteza o endale dda Satana.

Mateyu 24:24

Vawi amesiya awoottha ni anamallotella awoottha eneerewooneya. Eneereweera ezizindikiro dduullupalli ni ddoottikhiniha wi wakhalla wooworeya yaahollose naari athu ootthoolliwa a Mulluku.

2 Timoteo 4:3

Vawi enthawi enimawa yawi athu eneerokhoota ehuddiho yawoona koma enaathwareke ddoopaalla ddiwa nave eneerewiitthukumanihella weekhiiwa ahuddihi anchichi ayo enaalleelleke nnddo enapaalliiwa wiiwa.

Yuda 1:12

Yaalla sika enaripiha machellellwaanyu oohakallallella eyaattano mumpingoni vawi ennikonda weekhiiwa moohiwulliwa muru. Tti wonanko mirapo ddookakhiwa ni ephevo nave ddoohimurupiha murimu. Tti wonanko miteekho ddoohimma ezipaso naari ophiyalle omamallihello wa enthawi yoohata ezipaso. Tti wonanko miteekho ddootulliwa nave ddaakhwa.

Yawuupullulla 19:20

Enama yuullupalli yawoopiheeyo yaaphariwa vamodda ni namallotella awoottha oyo enre ddoottikhiniha vamiitthoni vaye. (Waari weera ddoottikhiniha wenko aallekilleeyena ayo yadindiwe echidindo ya enama yawoopiha yuullupalli ni ayo yallapenlle nifano na enameeyo.) Enama yuullupalli yawoopiha ni anamallotella awoottha yaavokhelliwa eri akumi mu enyanja ya mallumi amunllo ni sulufure.

Agalatiya 3:1

Agalatiya ookarangeya nyu, nyuwaanothi moollowiwa! Mwaalleelliwa phaamaddene dda otthomeyiwa vamutandani wa Yesu Khrisitu!

Mateyu 24:11

Vano anamallotella anchichi awoottha eneerewooneya ni owoottottha athu anchichi.

1 Yohane 2:26

Kinuulembellani dda ayo enapaalla owoottotthani.

2 Timoteo 3:13

Koma athu oonanara ni oolleka eneerovirellella onanara nave eneerekolleka ni alliwattho eneerekollekiwa.

Yesaya 28:9

Alliwa enallota wi, “Ethiyo muthu yoolla anaaka amuhuddihe aani? Ethiyo othengooyo anaaka amutthopoollelle aani? Ethiyo hiyaano tti anamwani oohiya wene waamwa, owaakhiwa wene nipelle?

2 Akorinto 4:2

Noohiya ddaweera ddawiipittheya ni ddoowulliha muru nave ddaweera ddahu khe ddawoottha apaalle waanganyera mawu a Mulluku. Koma ninnallalleya ddawoona vaweella wiitetheella wonanko omboni wa arive muthu ni vamiitthoni va Mulluku.

Mateyu 11:7

Oohuddera a Yohane yarowiiwa, Yesu ahaamba ollota dda olliye wa mulloko wa athu wi, “Ethiyo mwayiilleenyu wa Yohane mu echipululu, mwapaalla moonewo tini? Muthu otikheyatikheya ni ephevo wonanko epango?

1 Akorinto 12:2

Munnuupuwella wi mwaariinyu athu oohimullapella Mulluku, mwaahollosiwa mu ettilla ddoohiyanahiyana ollapella mafano ddoohikhalla ni okumi.

Mitteko 23:21

Koma muhiwiiwellelle kaambiiwa wookhalla athu ookhwaranya 40 ayo eniipitthe emutiyeraka wi emwiiphe. Aallupella wi khecha apaalle owirya ophiyera emwiiphalle. Aakhozekella weera ddenndda nave enatiyera wi yiiwe mmo nyuwaano munaawaakhullelleenyu.”

Mika 7:2

Athu oororomelleya aamalla va ellapo yavatthi, khaavo naari mmodda oolungama. Attheene enniipitthellana wi emorihe nikhame, arive muthu annamusaya mbalaaye ni nthavi.

Masalimo 59:3

Nyu Apwiya, ngawooneni ayo eniipitthella okumaaka, athu awoopiha ahiiwanana wi ewane ekhoto ni miyaano, naari kihichimwalle apaalle kihilakwille.

Masalimo 10:9

Annawiipitthella wonanko mukango, anniipittha wi aaphare oohoowa wi aapurullelle munthavini mwaye.

1 Yohane 2:19

Athu yaalla yavenyenre mwa hiyaano koma yaathawamo nave ella sika ekaambiiwa yavenyilliiwa variyari vahu; yaakhanlleke a eyaattanwaahu, yeerokhalla ni hiyaano. Nave yaavenyavo wi vidduwanyeye wi attheenaayo kheyaari a hiyaano.

2 Petro 2:18

Enallota ddookota ni ddookarangeya nave ennaalleka athu ayo ethawille wene ovenyera variyari va ayo enakhalla mu machimo voopharihani mitteko minkhella ddiwa dda omuthu.

Yakobo 3:4

Onani esitima ddam'maaddini. Naari tti dduullupalli navettho ddinakakhiwa ni ephevo ddamasiva, ddinookollelliwa ni yawookollella eng'onong'ono, orive weko anapaalleeye mullupa awookollella.

1 Timoteo 3:6

Akhalle oowaraalla mu echikhulupililo wi ahiitukhulleke woova wi anaallakiwe wonanko mmo Satana aallakelliweeye.

2 Timoteo 1:15

Onnadduwella wi attheene a mu echigawo ya Asiya* yaakikhoota miyaano, mwa yaayo mmodda aari Figelo ni mmodda aari Heremogene.

1 Akorinto 3:19

Vawi eyo eneeriiwa ya ezeru va ellapo yavatthimva tti yoohikhalla ni ezeru vamiitthoni va Mulluku. Moollikana ni mawu a Mulluku awi, “Mulluku anaphariha mutteko ochenjera wa athu eezeru wonanko musampha vawaapharani alliwaayo,”